لحام كاوتش وبعض الاسئله

**Mohamed_Nafie** · 19-10-2012 12:55 AM

السلام عليكم

حصل معايا موقف من كام يوم كنت ماشي من المهندسين لحد القطاميه وبعد ماوصلت الكاوتش نام ... الحمد لله إنه منامش في الطريق عشان تيوبليس ... المهم حطيت الاستبن ورحت لواحد بتاع كاوتش.. خد العجل من الشنطه وكانت عنيه على اديه طول الوقت ... جاب الميه والصابون المعتادين وطلعلي خرم مسمار و 3 اخرم صغير في الطرف الخارجي في الكاوتش من الناحيه الخارجيه ..

المهم عملهولي بأنه فك الكاوتش من الجنط وجاب مكنه كده وشال شوية كاوتش من جوه وبعدين حط زي ماده كده وبعدين لازقه وماشي عليها حاجة .. ونفس الكلام في اللي في جنب .. مع إني حاسس إني منصوب عليها فيهم ... وقال لي بعد أسبوع تستخدمه ... والتكلفه كانت 32 جنيه ...

نفسي افهم بقى ... ليه بقي أسبوع .. وتاني حاجة ... ايه حوار الاخرم الصغيره دي وبتيجي من ايه ده إذا كان فعلا مش هو اللي عملها ..

**AlGazar2** · 19-10-2012 02:08 AM

هيه دى طريقه اللحام السخن لو حطهالك على حاجة زى المكوه كده بس المفروض تستخدمه عادى على طول مفيش مشاكل

هوه فى العاده الخرم كان بيتعمل ب 5 و بعد كده بقى ب 7 يعنى الحسبه حوالى 28 جنيه ممكن يكون هوه مغلى او حاجة

**Mohamed_Nafie** · 19-10-2012 03:52 PM

هو كان عبارة عن حاجة زي الرولر كده ومشاها على اللازقه وقال لي هتعد أسبوع عشان تقدر تستخدمه تاني ...

وفي حاجة كمان مخوفاني جدا .. كان في لحام اخرم صغيره في مكان في الحتت دي .. هل اللحام في الاماكن دي خطر حتى لو كان الخرم صغير جدا ؟؟؟