dvd for octavia A5

**KHALED AYMAN** · 05-05-2011 06:26 PM

رقمى 0116033992
كلمنى قبلها بس عشان اظبط نفسى :)

**samoreception** · 06-05-2011 01:44 AM

ماشى يا خالد باشا وانا اسمى اسلام وفرصة سعيدة جداا

**samoreception** · 06-05-2011 01:57 AM

على فكره يا خالد انا مراتى اتصلت ب ا/ماجد البهى وسالته وقالها فى فرع كمان فى اسكندرية اقربلها وقالها يعمل فى حدود 2000 جنيه بس هيه سالته انها عاوزاه فيه كاميرا او باركينج سينسور فقالها يبقى تجيبى الميجااكشن او حاجة زى ديه بس انا مش فاهم يعنى ايه الميجاكشن ده

**KHALED AYMAN** · 07-05-2011 01:33 AM

يبقى السعر الى انا قلته هو الى صح مش الى صاحبى قاله :)
بالنسبه للكاميرا مش هتبقى فيه ..لسببين..
اولا اعتقد انه غير مجهز لتشغيل الكاميرا ..
ثانيا فين الكاميرا نفسها ؟؟
وبرده الباركينج سينسور ...هو اكييييد مجهز للباركينج سينسور ..
بس فين السينسور ؟؟
اعتقد لازم السينسور الاصلى عشان يشتغل عليه وده عنده (ممكن تديله الاكصدام بتاعك و تاخد منه اكصدام بالحساسات بتاعه)
بالنسبه للميجا اكشن معرفش ايه ده :(
عموما
انا بكره هكون قريب من البهى
هعدى اسال على السعر بالظبط تانى
واشوف الجهاز "كويس"
واشوف الاكصدام الخلفى بالحساسات تعمل كام ...وهتشتغل عليه ولا لا
وكمان عاوز اسال على طقم يايات اوكتافيا :)
حد عاوزنى اسال على حاجه ؟

**samoreception** · 07-05-2011 01:45 AM

يا باشا الف شكر والله انت راجل جدع
وشكرا يا باشا وعاوزك بس تستفسر هوه قالها ان فرع اسكندرية كمان بيركب الحاجة دية بس هل التركيب بيبقى كويس ولا فى حاجات ممكن تعطل فى العربية انت عارف انى الحاجات ديه معقده ده غير انها متوصلة بالطارة الملتى فانكشن وجزاك الله خير
واااه هوه عنده طقم الاكسسوارات النيكل الشبكه النيكل والمقابض والمرايات واسعاره ايه ياريت

**KHALED AYMAN** · 07-05-2011 02:08 AM

المشاركة الأصلية كتبت بواسطة samoreception

يا باشا الف شكر والله انت راجل جدع
وشكرا يا باشا وعاوزك بس تستفسر هوه قالها ان فرع اسكندرية كمان بيركب الحاجة دية بس هل التركيب بيبقى كويس ولا فى حاجات ممكن تعطل فى العربية انت عارف انى الحاجات ديه معقده ده غير انها متوصلة بالطارة الملتى فانكشن وجزاك الله خير
واااه هوه عنده طقم الاكسسوارات النيكل الشبكه النيكل والمقابض والمرايات واسعاره ايه ياريت

يا باشا ولا جدع ولا حاجه :)

و مفيش داعى للشكر
حاضر هسالك على حوار اسكندريه ..
بس مبدئيا "رايى" انها تركب عند حد متخصص ...
بالنسبه لطقم الاكسسوارات ..لا مش هيبقى عنده لان ده بيتجاب "جديد" و هو بيشتغل فى قطع غيار الاستيراد
طقم النيكل ده هسألك عليه فى التوكيل..بس هيبقى برقم حلو على فكره

وغالبا مفيش نيكل للمرايات "فى التوكيل" هيبقى موجود برا

**samoreception** · 07-05-2011 02:26 AM

ماشى يا خلود ويعنى ايه طقم يايات اوكتافيا اللى انتى عاوز تجيبه ده وده للوكتافا ال a5 ,وسعرة كام

**KHALED AYMAN** · 07-05-2011 02:29 AM

اليايات دى جزء فى العفشه ..زى المساعدين كده ..
سعره بصراحه مش عارف لسه هشوف
الموضوع كله ان اليايات دى الى بتتحكم فى ارتفاع العربيه عن الارض "بالنسبه للاوكتافيا" ...
العربيات الخليجى كانت واطيه "شكلها حلو:
العربيات الوكيل كانت عاليه "شكلها وحش"
المطلوب
طقم يايات "قصير زى بتاع الخليجى" يركب على عربيه وكيل عشان تبقى شكلها حلو :)
بس هشوف السعر و اتاكد من معلومه ان الارتفاع معتمد فقط على اليايات

**samoreception** · 07-05-2011 03:47 AM

على فكرة انا عربيتى خليجى وفعلا هيه واطية شوية وناعمة بس انا عاوز اعرف واتاكد هيه خليجى او مصرى اعرف منين لانى هنا فى الامارات عندى التيوتا كرولا مثلا بيبقى فيه زى قطعة معدنية فى الباب مكتوب عليها مطابقة للمواصفات الخليجية الامارتية بس الاوكتافيا مفيش حاجة موجودة فى الباب ؟!!!

**KHALED AYMAN** · 07-05-2011 12:05 PM

افتح باب السواق ..هتلاقى فى القايم الى جوا ورقه معدنيه
لو مكتوب عليها 711 et
يبقى العربيه وكيل ..لو مش مكتوب يبقى خليجى..وطبعا طالما واطيه يبقى من غير تفكير خليجى :)

الموضوع: dvd for octavia A5

LinkBack

أدوات الموضوع

عرض

-

-

-

-

-

المواضيع المتشابهه

Bmw vs. Octavia a4

octavia a4

octavia A4

Octavia A4 - Not Available

Octavia A5

الكلمات الدلالية لهذا الموضوع

المفضلات

المفضلات

ضوابط المشاركة