اقتباس:
المشاركة الأصلية كتبت بواسطة kareemhisham
طب ممكن اعرف يا جماعة مين البيعمل حالة الالهاء دى ؟؟
ماهو الشعب هو المتحمس اوى للماتش .. الحكومة ملهاش اى دخل نهاااااائى ..
والله عندك حق الشعب هو اللى بيلهي نفسه ... لكن برضه ماننساش إن موافقات الحكومة ممثلة في الشباب والرياضة وحجم الدعم والفلوس اللى الحكومة بتوافق على إنها تتصرف في الكورة بالذات مع إنها ما بتجبش عائد زي ما بتصرف هوة اللى أنا بتكلم عنه في المقام الأول
إحنا بنقعد نعمل معسكرات وماتشات ودية .... الخ وكل ده بيتكلف ارقام خيالية ... وكل ده من فلوس البلد مش من فلوس الأندية الخاصة
ده فريق كرة اليد اللى وصل لكأس العالم للمركز التاني ماتعملوش 1 على 1000 من الكلام ده ومابيتصرفش عليه زي كرة القدم وغيرهم أبطال في رياضات مختلفة وبيصولوا لمراكز متقدمة جدا في العالم لكن مابنسمعش عنهم ولا البلد بتصرفلهم 1 على مليون من الفلوس اللى بتتصرف على كرة القدم
في بقية دول العالم بيعملوا كده فعلا على كرة القدم ... لكن بالمقابل همة بيعملوا كده برضه على بقية الألعاب الرياضية برضه وكمان همة معاهم فلوس يعملوا اللى عما عايزينه إحنا المفروض نحافظ على فلوسنا للشعب اللى نصه بينام على الأرصفة أو من غير عشاء أو مش لاقي لبس
في الآخر أنا أقصد حاجة واحدة بس الشعب يشجع زي ما هوة عايز لكن الحكومة مش من حقها تصرف كل الكمية دي من الفلوس بلا طائل أو عائد منها