بس يا ترى هيبقى سعرها كام . ربنا يستر
عرض للطباعة
بس يا ترى هيبقى سعرها كام . ربنا يستر
مش المفرود السعر يزيد خالص لأن الفتيس الcvt بغض النظر عن انه مش عاجبنا تكنولوجيته أعلى و أحدث من الفتيس الجديد و المفروض ان الفتيس الجديد أرخص و لو لاحظتم نوع الفتيس الجديد و الفتيس الأتوماتك بتاع الانسر ال1300 و الشارك هتلاقوهم نفس الفتيس يعنى مش جديد و لا حاجه و كلهم INVECS2-4AT ولكن الإختلاف فى الكنترول و أوبشن التحكم فى العصايا لاغير ولو السعر زاد يبقى معلش سامحونى التوكيل بيستهبل و أسف على اللفظ و لكن السياره ليست رخيصه أصلا ولما كانت فى عام 2006 ال1600 مانوال ب105 ألف إحنا كنا جايبنها من الجيش ب 85ألف و الجيش كان كسبان فيها كمان.
الجيش بيبقى متعاقد مع شركه متسوبيشى فى اليابان مباشره والعربيات بتيجى باسم الجيش والتوكيل تقريبا دوره انه يخلص الجمرك بتاع العربيات دى ويسلمها للجيش اللى بياخدها للضباط اللى بيقسطوها بالتقسيط المريح جداااا .. انت لو تعرف ضابط جيش ممكن يضبطلك الموضوع ده ويجيبلك عربيه باسمه وبعدين يبيعهالك
معلهش يا جماعه كنت عاوز اعرف معنى علامات +&- الموجوده فى الفتيس وكيفية استخدامهم ؟ وشكرا
ده حضرتك السبورت مود ومفهومه ان الفتيس الأوتوماتيك العادي مش هتقدر تجبره على قيادة رياضية لأنه بينقل آليا من الأول للتاني للتالت للرابع كلما ضغطت دواسة البنزين
وبالتالي لو عاوز تسارع اكبر (مثلا بتشد مع عربية تانية) مش هتعرف ودي ميزة المانوال عن الاوتوماتيك
انما مع السبورت مود بيخلي الفتيس مينقلش الا لما انت اللي تجبره يعني وانت على الـd والعربية واقفة بتجيب الفتيس شمال عند (+و-) فانت كده على الأول بتزود بنزين او بتتسارع زي ما انت عاوز وانت ما زلت عى الأول لحد لما تحرك الفتيس حركة واحدة للأمام (أو زقة للأمام وهو هيرجع مكانه تاني) يعني (+) يعني اتنقلت للتاني وتفضل على التاني لحد لما تعمل حركة (+) تاني يعني جبت التالت وهكذا وطبعا (-) للعودة من التالت للتاني وهكذا وبكده يبقى انت المتحكم في النقل يدويا
جامده جداً بس الcvt افضل للناس اللي عايزه اداء مريح وبالنسبه للعدادات كنت شفت ناس مركباها حد يعرف بتتباع فين وبكام؟؟
طب سؤال يا بشمهندس ..
هل الفتيس عامل زاى التيترونيك ؟؟ .. يعنى لو انا جبته على الشمال و دست بنزين بس منقلتش .. فبينقل لوحده حفاظا على الفتيس .. الهوا مبنى على الاوتوماتيك فى الاساس ..
ولا زاى الmmt و الايزيترونيك ؟؟ .. الهوا مانيوال فى الاساس و فيه اسطوانه دبرياج ؟؟
و شكرا على الاخبار الجميلة دى :)
بس خسارة ال cvt حكاية فعلا