الموضوع: عندى بيجو504 زى الفبريكة ابعها ولا لقى؟

لو فكرت تبيعها ، مستعد اشوفها واشتر لو الحالة فابريقة

من غير حسد ... مفيش حد بيبع 504 عشان يركب فيرنا و لا لانوس ... بصراحة مش متخيلها :roll: :roll: .. يعنى إيه انزل من عربية 2000 سى سى وواسعة جدآ و صاجها متين و انزل اركب عربية فى نص حجمها و صاج ورق و صدقنى عمر موتورها ما هيبقى زى 504

انا اعرف ناس معاهم 504 فكروا انهم يبيعوها لاقوا نفسهم لازم يركبوا 406 فما فوق مش أقل من كده

و هقولك على حاجة شوف حد يركبلك تكييف عليها (أعتقد ان موتورها يستحمل ) و بكده هتبقى راكب عربية فيها كماليات الجديد و قوة القديم

السلام عليكم ورحمه الله وبركاته
انا فعلا كنت محتارابيع ولا لقى علشان حالتها كويسة والحقيقة عمرى ماركبت العربيات التانية علشان اقارن صح عايز بردة نصايحكم معايا

خالي كان عنده 504 باعها من كام سنة و جاب لانوس

عمي كان عنده 504 و باعها و جاب لادا زيرو و صاحب المعرض و هوا بيبدل كان بيتريق عليه ،، بس بعد شوية ربنا كرمه و غير اللادا بكورولا

واحد قريبي تاني بعد ما توفي ابنه مهندس خد العربية و في بداية حياته بيشتغل ثلاث شغلانات و مفيش وقت لميكانيكية و روقان زي الحاج الكبير و مفيش إحتمال إن العربية تعطل عشان اشغاله الكتير فباع العربية و جاب فيرنا

في كل الحالات مندموش و نسيوا 504 تماما و لا حسوا كل الكلام اللي بيتقال ده و إنهم نزلوا و الكلام بتاع المصريين فردة عجل في دي بالعربية بحالها ..... الخ

ده هجص مصري ،،، انا بيصعب عليا لما اركب عربية مرسيدس 200 موديل 82 ،،، مع واحد محترم و الاقيه بيدور العربية بسلكتين يبقي لازمتها ايه المرسيدس و كل وقت و ليه اذان

القرار يرجعلك ،، أعتقد الحكاية دي زي هواية أكتر ،، يعني في الحالات اللي بقولك عليهم ،، هما وصلوا إنها عربية مينفعش يعتمد عليها ، و مالهومش خبرة كبيرة فيها ،، ففضلوا راحة البال ،،

لكن لو حضرتك عارف إزاي تتعامل معها و مناسبة لإستخدامك و مش بتعمل معاك أعطال و مصاريف صيانة كتير ، و انتا حافظها زي ما بيقولوا و بتحبها يبقي مالهوش لازمة التغيير لأنها عربية باشا ،،، بس لو غيرت مش هتندم و الإحتمال الأكبر إنك هتنبسط عشان انا شوفت كده