الموضوع: لماذا يرى الحمار الشياطين ويرى الديك الملائكة؟؟؟

المشاركة الأصلية كتبت بواسطة أبومريم

انا شايف ان انتشار المواضيع دي عشان القضاء على اهم حاجة في الاسلام وهي التسليم و الاقتناع والايمان بكل ما ياتي من قبل الله و رسوله صلى الله عليه و سلم فيبقى الناس لا ترضى باي حقيقة الا اذا كان عليها دليل ودا اصلا فكر اليهود اللي كانوا لا يؤمنوا باي شيئ حتى يروا باعينهم وعشان كدا قالوا لموسى عليه السلام أرنا الله جهرة
ياريت يا جماعة نبطل ننشر المواضيع دي الا اذا كانت بدليل واضح مش مجرد كلام مرسل وبكدا نجعل كيد الكافرين في نحورهم

الله يفتح علي حضرتك , انت حطيت ايدك على خيط مهم جدا, وأحب أزود بس بعد إذنك إن إللي يحب يبحر في ملكوت عظمة الخالق جل و على يقرأ لعلماء مسلمين معاصرين زي الدكتور زغلول النجار مثلا هيلاقي آلأف الأمثال التي لا تدعوا إلا أن يخر المرء من خشية الحي القيوم.

أنا هتكلم عن الموضوع مش عن ناقله

الموضوع بايظ تماما ومعلوماته ضالة مضللة

ولو كان صحيحا لكنا جميعا سنستطيع رؤية الملايكة والشياطين بتكنولوجيا بسيطة وسيكون من الشائع أن تحصل على صور رقيب وعتيد وقرينك فى كل صورة شخصية

وقبل أن أنسى أيضا موضوع مشابه عن العرق وعلاجه للمياه البيضاء بالعين استدلالا برد بصر والد سيدنا يوسف عندما ألقوا على وجهه قميصه كأن المسافة الكبيرة التى قطعوها من مصر لفلسطين لاا تكفى لجفاف هذا العرق تماما!!!

فيه حاجات مينفعش نصدقها ولا حتى نقول بعدها "سبحان الله"

المشاركة الأصلية كتبت بواسطة dr ahmed abdelghany

فيه حاجات مينفعش نصدقها ولا حتى نقول بعدها "سبحان الله"

معذرة يا دكتور العبارة في حاجه غلط, إزاي ولا حتي نقول بعدها سبحان الله ؟

المشاركة الأصلية كتبت بواسطة pop3

معذرة يا دكتور العبارة في حاجه غلط, إزاي ولا حتي نقول بعدها سبحان الله ؟

يعنى ماينفعش أقول لحضرتك مثلا إن الجمل اكتشفوا انه ممكن يخش من خرم الإبرة علشان الآية اللى بتقول " حتى يلج الجمل فى سم الخياط" فحضرتك تنبهر وتقول "سبحان الله" والمفروض انك تكون مسلم منتبه لدينك ولا تنساق وراء التأويل الخاطئ أوالتحريف
فسبحان الله بعد سماع شئ بتعنى تصديقه تماما والاستعداد لنشره ودا منافى لكياسة المسلم الفطن

المشاركة الأصلية كتبت بواسطة dr ahmed abdelghany

يعنى ماينفعش أقول لحضرتك مثلا إن الجمل اكتشفوا انه ممكن يخش من خرم الإبرة علشان الآية اللى بتقول " حتى يلج الجمل فى سم الخياط" فحضرتك تنبهر وتقول "سبحان الله" والمفروض انك تكون مسلم منتبه لدينك ولا تنساق وراء التأويل الخاطئ أوالتحريف
فسبحان الله بعد سماع شئ بتعنى تصديقه تماما والاستعداد لنشره ودا منافى لكياسة المسلم الفطن

تمام أنا فهمت قصد حضرتك كده , جزاك الله خير على الإيضاح

بس لو تسمحلي بالنسبه للأيه إللي حضرتك ضربت بيها المثال وهي " ولا يدخلون الجنه حتى يلج الجمل في سم الخياط " ودي ذكرها الله تعالى للتأكيد على عدم دخول هؤلاء القوم الجنه أعاذنا الله و إياكم زي ما بنقول كده بالعاميه ده لو أنطبقت السما على الأرض.

لكن المعني إللي حضرتك قصده وصل جزاك الله خير

المشاركة الأصلية كتبت بواسطة pop3

تمام أنا فهمت قصد حضرتك كده , جزاك الله خير على الإيضاح

بس لو تسمحلي بالنسبه للأيه إللي حضرتك ضربت بيها المثال وهي " ولا يدخلون الجنه حتى يلج الجمل في سم الخياط " ودي ذكرها الله تعالى للتأكيد على عدم دخول هؤلاء القوم الجنه أعاذنا الله و إياكم زي ما بنقول كده بالعاميه ده لو أنطبقت السما على الأرض.

لكن المعني إللي حضرتك قصده وصل جزاك الله خير

وجزاكم أخى العزيز
وبخصوص الآية أنا أوردتها بالذات لإنى أذكر وأنا بالمرحلة الإعدادية أنى قرأت كتيب إدعى فيه الكاتب أن هذه الآية من الإعجاز العلمى لأنه حسب زعمه لو تلاشت المسافات الشاسعة بين نواة الذرة والإلكترون لأصبح الجمل يستطيع المرور من خرم الإبرة ! ، وهذا لا تقصده الآية إطلاقا ، ورغم أنى يومها صدقت المعلومة وانبهرت بها لعدم إحاطتى بكامل تفسير الآية إلا أنى بعدها أيقنت أن محاولاتنا لتفسير القرآن علميا يجب أن تكون شديدة الحذر حتى لا نقع فى معصية شديدة ونضر ديننا ونحن نظن أننا نعمل صالحا.

المشاركة الأصلية كتبت بواسطة dr ahmed abdelghany

يعنى ماينفعش أقول لحضرتك مثلا إن الجمل اكتشفوا انه ممكن يخش من خرم الإبرة علشان الآية اللى بتقول " حتى يلج الجمل فى سم الخياط" فحضرتك تنبهر وتقول "سبحان الله" والمفروض انك تكون مسلم منتبه لدينك ولا تنساق وراء التأويل الخاطئ أوالتحريف
فسبحان الله بعد سماع شئ بتعنى تصديقه تماما والاستعداد لنشره ودا منافى لكياسة المسلم الفطن

ممتاز و صريح التفسير ده و مفروض الكلام ده يتقرا قبل ما أي حد يرسل توبيك مشابه ..