سعر مساعدين فيات 128 امامى

**misoalex** · 08-12-2009 03:04 AM

الـــــ 128 موديل 88 وبس موديل أخر السنة 5 غيار أفضل سيارة فيات 128 لا قبلها ولا بعدها ....

هو حضرتك بترد فى موضوع تانى ولا ايه
وعلى فكره الون الاحمر هنا ممنوع لانه للاداره فقط

**kikokimo24** · 11-03-2010 03:35 PM

المشاركة الأصلية كتبت بواسطة sobhysm

يا ريت لو حد جرب الصينى يقول عامل معاة إية وياريت كمان أسعار المساعدين الخلفى لل128 أنا سمعت إن الأمامى والخلفى زى بعض ونفس المساعد

انا جربت الصيني تمام بس لو تجيب السوست بالمره تبقي عملت الصح

**zezmograby** · 12-03-2010 01:46 AM

انا لسة جايب المونورو ب460 جنية بس نشفين بطريقة لو في زلطة في الارض هتحس بيها
بس علي الطريق وعلي سرعة 130 والله ثابتة بطريقة متتخيلهاش ووالله باخد غرز علي 100 والعربية مبتتهزش
بس المشكلة تدايق في الاراضي المكسر تحس ان العربية بتترفع من قدام من قوة الصدمة
لو رجعت معايا الفوس تاني كنت هجيب مساعدين مايلي الالماني ودي في حدود 250 جنية للجوز الامامي

**chester16583** · 12-03-2010 02:09 AM

لو استعمال خارج من حد نضيف و اخدت العفشجى معاك و قالك تمام شيل و حط للعفشجى 20 جندى فى جيبه علشان ييجى معاك و ينقى بضمير و لو طلع فيهم حاجه يبقى هو المسئول
بس الجديد جديييييييد خليك فى البولندى ابو 300 و خصوصا لو انت مش محتاج البطاحات و اليايات و اللذى منه يعنى لو اللى عندك حالتهم حلوه

**chester16583** · 12-03-2010 02:15 AM

و نصيحه تانيه بلاش المساعدين الالمانى علشان الالمان ناشفين و كل حاجتهم ناشفه شبهم طبعا انا مش قصدى انهم وحشين
بس حتى العربيات الالمانى دايما تحس ان عافشتها ناشفه

**chester16583** · 12-03-2010 02:27 AM

و بعدين يا شباب حد يقول لى ايه احسن موديل ممكن اجيبه فى ال128 ب14000 و حالته كويسه و الموديل ده كام سى سى الخ الخ
علشان انا عايز اشترى عربيه 128 و اروشها

**wael4** · 12-11-2014 10:38 AM

اريد شراء افضل واحسن طقم مساعدين امامي جديد لسيارة فيات128 عاوز حد يفيدني اشتري اي ماركة وصناعته ايه
رجاء الرد

**mohkhattab** · 12-11-2014 12:31 PM

حضرتك هتنزل التوفيقية ، هتسال على هشام لهيطة ، دا الوكيل لمساعدين مونرو هتلاقى المساعدين الامامى بـ480 جنيه

**amer_aboamer** · 14-11-2014 11:13 AM

المشاركة الأصلية كتبت بواسطة kikokimo24

انا جربت الصيني تمام بس لو تجيب السوست بالمره تبقي عملت الصح

الصينى كفاءة وجديد وبقالهم معايا قربو على سنة والحمد لله تمام
الإستيراد ناعم وحلو وحنين فى المطبات بس يوم مايكمل معاك 5 شهور يبقى كدا عمل بأصله بس معايا مكانشى بيقعد 3 شهور وفيه واحد قعد معايا 3 أيام ورحت أرجعه الراجل قاللى انتا أكلت مطب جامد وأنا ماليش دعوة وإتخانقنا وكانت شغلانة
الخلاصة إللى نطلع بيها من الموضوع ده ودا المبدأ إللى مشيت عليه من يومها وللأمانة إرتحت
( جديد صينى أحسن 1000 مرة من أصلى مستعمل) وشكرا