يا أستاذ طارق أحب أوضحلك حاجتين :-واحد إنفعل هنا....الكل هجم معاه....
1- أنا لم أنفعل أنا بس استغربت لما شفت الموضوع وعنوانه " نايل موتورز ......... أمسك حرامي "
2- أنا لم أبد أي تصرف إنفعالي وإلا كنت دخلت على منتدى الاسبرنزا ولامؤاخذة يعني أقول أكثر من كده وآخد حقي ثالث ومثلث
بس زي ما حضرتك قلت الموضوع فردي يعني واحد اتكلم فعلا عن وجهة نظره والباقين المحترمين الذين أكن لهم كل احترام ردوا عليه فعلا بكل احترام
بس أنا وجهة نظري يا أستاذ طارق هي :-
حضرتك بتطلب من الإدارة الحكيمة هنا أو بتعتب عليها إنها سمحت بالهجوم ده اللي أنا شايفاه مبرر وبتطلب منها إنها تعالج الأمر بحكمة أكثر بس ردي على حضرتك هو :-
ما كانش أولى إنك تطلب منهم هناك إنهم على الأقل يغيروا اسم الموضوع يعني يصح وإنتوا بتتكلموا عن إخوة ومحبة تشوفوا عنوان موضوع اسمة " نايل موتورز .ز امسك حرامي " وتسيبوه ده اسمه كلام يا أستاذ طارق برضه ؟
ده بس عتابي على الموضوع ككل لكن أنا لا مضايق ولا حاجة بس إزاي بنطلب من الأعضاء التريث والتحكم والإدارة نفسها هي التي سمحت لهم بذلك .
يعني ينفع حضرتك تخش على موضوع هنا تلاقي عنوانه " إسيرينزا كلوب . إمسك حرامي أو نصاب أو شيخ منصر " وحضرتك هتسكت طبعا لأ ، على أضعف الإيمان هتطلب من الإدارة إنها تغير العنوان أو تحذفه .
وبعدين ملحوظة أخيرة :- هجوم الأعضاء هنا أو اللي أنا مش بسميه هجوم إنما بسميه حمية أو غيرة ده كان علشان الموقع مش علشاني أنا شخصيا لأن العنوان كان صعب قوي وكان الأجدر بالإدارة هناك حذفه أو على الأقل تعديله .
أرجو أن تتفهم وجهة نظري .
المفضلات