يا اخواننا .. اليومين دول لاحظت إن عربيتي عزمها قل .. أكبس بنزين بتاخد وقت على ما توصل للأداء اللي أنا عوزه .. وخصوصا لو طالع مطلع جامد (زي هضبة المنيا الجديدة ) ودي ارتفاعها حوالي 120 متر أو أكتر والطريق ليها منحدر جامد بطول الجبل ..
المهم ..
البوجيهات مش مهببة ..
مفيش نقص في الزيت أو المية ..
مفيش بطء في الدوارة ..
ريحة العادم عادية جدا ..
المانيفولد لسه منضفه من أسبوع ..
سير الكاتينة مغيره من أسبوع برضه (وحاسس إن دا السبب بس مش عارف أعمل إيه خصوصا إنه لما ركب كان مشدود على الآخر)
ضغط الكاوتش 35 ..
استهلاك البنزين عادي ..
الشكمان بينفس (ودا عيب قديم عندي ومكانش مأثر إطلاقا على السحب ) هو بس صوت الفسفسة إياه !
مش عارف يا اخواننا دا ممكن يكون ليه .. ياريت حد يفيدني