صيانة ال 20000

**hany77** · 12-11-2009 08:48 AM

إن شاء الله انا هاعمل صيانة ال 20000 كم و كنت عايز اعرف التكلفه و ايه الحاجات اللى هتتعمل شكرا

**fady_anis** · 12-11-2009 11:01 AM

بالنسبة للتكلفه انا مقدرش افيدك ولكن اقدر اقول لك ان كل اللى هيتعمل فى الصيانة دى واللى جاية بإذن ربنا هيبقى فى كتاب الصيانة اللى حضرتك استملته مع العربية

**kita66** · 12-11-2009 01:10 PM

لو هتغير زيت هتتكلف 720 تقريبا وطبعا هاغير بوجيهات وفلتر وتربيط العفشه انا لسه عامل الصيانه فى السبع

**sab3aawy** · 12-11-2009 02:27 PM

تغيير زيت وفلتر زيت وبوجيهات وفلتر هواء وتربي العفشة والمراجع على باقى سوائل السيارة

3 كجم زيت :180 جنيه
فلتر زيت: 45 جنيه
بوجيهات نيسان :60 جنيه
فلتر هواء: 120 جنيه
هتتكلف بالمصنعيات حوالى 550-600 جنيه لو معندكش بنود اخرى مثل تيل فرامل او كاوتشة مساعد مثلا

**fady_anis** · 12-11-2009 05:13 PM

شكراً استاذ سبعاوى على الافادة

**badabeedoo** · 12-11-2009 08:48 PM

تسلم ايدك يا استاذ سبعاوى تمام زى ما قلت تمام ماشاء الله عليك بس هو الزيت اللى فلت منك بس بسيطة مش مشكلة
عملت النهارده صيانه ال20 فى شركة اسكندرية للسيارات فى العامرية ك27
بصراحه هما كويسين و الحمد لله
كلامك تمام
يا جماعه لو حد ساكن فى اسكندرية و عايز تخفيض 10% و فلت زيت مجانا يروح شركة اسكندرية للصناعات الهندسية.
بجد مكان كبير و تروح براحتك و تشوف العربية من فوق و ممكن تكلم المهندس ناس زووق جدا
بس اكلفت 480 بالظبط
و على فكره هما سبحان الله واخدين توكيلات تانيه
هيونداى و تويوتا و فولوكس و اسبرانزا و دايو و نيسان طبعا و سكودا و حاجات تانيه مش فاكر..... انا شفت حاجات كتير النهارده والله

و يا ريت نشوفك يا استاذ سبعاوى فى اسكندرية ان شاء الله

أحمد عيد

**hany77** · 13-11-2009 10:30 AM

شكرا جزيلا يا جماعه على المساعده
م/هانى ابراهيم

**sab3aawy** · 13-11-2009 07:38 PM

المشاركة الأصلية كتبت بواسطة badabeedoo

تسلم ايدك يا استاذ سبعاوى تمام زى ما قلت تمام ماشاء الله عليك بس هو الزيت اللى فلت منك بس بسيطة مش مشكلة

اومال هو سعر الزيت كام؟ انا اخر مرة غيرت الزيت عندهم حاسبونى على 3 كجم زيت شل الترا ب 180 (سعر كيلو الزيت التخليقى 60 جنيه سواء شل الترا او موبيل 1، والسبع بيحاسب بسعر الكيلو، مش بيدفعك تمن جركن 4 كيلو وانت مش محتاج غير 3) ، بس لو سعر الزيت اتغير ارجو الإفادة

**TopDom** · 17-11-2009 08:34 PM

أنا لسه عامل الصيانة دي في مركز السبع زهراء المعادي
غيرت زيت 5000 كلم والصيانة كلها اتكلفت 610 جنيه
عملت البنود الأساسية بس مفيش اي حاجة زياده
زيت وفلتر زيت، فلتر هوا، بوجيهات

**ahmedmohelsayed** · 18-12-2009 03:07 AM

السلام عليكم ورحمة الله وبركاته
انا عايز اتأكد بس هو مركز السبع ده هو اللي وراء ميناتل وفودافون
عشان لو هو احذركم منه عشان معندهمش ضمير في قطع الغيار مش اصلية لأن والدي معاه نوبيرا وعملها اصلاح وصيانه بعد حادث
واكتشف انمعظم قطع الغيار اللي تم استبدالها كلها كانت صيني مش اصلية وبالتالي اثرت على اداء العربية كليا
مما ادى الى تغييرها كلها بعد استلام السيارة