هل ميزة الـABS & Air bags تستاهل فرق السعر في تيريوس 200

**محمد خاطر** · 21-11-2007 12:08 AM

ألف شكر يا أبو عبد الله أنت كده ريحتني من جهة الفلوس الزيادة اللي حدفها
بس أخر سؤال و مش حتقل عليك بعد كده
فية عربيات موديل 2007 أرخص 2500 من موديل 2008 يترا رأيك أشتري 2008 وللا 2007 و بالـ 2500 أكسسوارات زيادة
وربنا يصبرك علينا و يجزيك عنا خير :lol:

**محمد خاطر** · 21-11-2007 12:12 AM

مع العلم بأن الموديلين واحد و الفرق الوحيد في 2008 هو و جود علبه منفصله شبه الكانز بقولوا أنها طفاية سجاير و انا مابشربش سجاير أرجو الأفاده

**أبو عبدالله** · 21-11-2007 12:35 AM

استنى لما اتأكدلك الاول لن تقريبا الفرق ده لازم يكون فيه كماليات زياده او اي حاجه زياده
وساعات بتبقى حاجات مش واضحه لنا او تعديلات على اشياء مش معروفه لنا
انا رايي انك تخليك في الجديده احسن وهتأكدلك برضه بإذن الله

**electroman** · 21-11-2007 01:03 AM

على فكره يا استاذ محمد لو بتدور اساسا على عربيه واسعه انصحك تشوف العربية نيسان Tiida عربية تقفيل يابانى بالكامل و من شركة محترمة وواسعة جدا من جوه و فيها اير باج و ABS و بقوة 118 حصان و كملن ممكن تعمل Test Drive
الحقيقة انا مستغرب ليه مش منتشرة مثلا مقارنة بالصنى اللى تقفيلها مصرى بس الانتشار و عدمه مش دايما دليل على الجودة و سوق العربيات فى مصر عجب و مالوش علاقة بالسوق الخارجى خصوصا فى اوربا و امريكا .. جربها و مش حتخسر حاجة .

**محمد خاطر** · 21-11-2007 04:10 PM

شكرا يا يا اخ electroman أنا جربت الصني و لقيتها ديقه بس لسه مجربتش التيدا أو السيفيك و سوف أجربهم في المصرية للسيارات بس حكاية الـTest Drive معرفش تكون فين بالضبط الوكيل في سيدي جابر معندوش الموضوع ده يا ريت تقولي أعمل Test Drive فين في أسكندرية و يبقى كتر خيرك بس عموما أنا مستريح للتريوس كشكل و مضمون بس تمنها حيتعبني شويه في أنتظار ردك

**fahd_628** · 21-11-2007 04:55 PM

لا يا باشا الأيرباج بتفتح فى حاله التصادم القوى بس و لو خبطتها و انت بتركن مش حيحصل حاجة ;)

**electroman** · 21-11-2007 09:43 PM

شوف يا استاذ محمد التيدا عربيه حلوه بس اغلى شوية من الصنى عشان تقفيل يابانى بس احسن كتير.. فى منها فتيس عادى او اتوماتيك .. شكل سيدان و شكل هاتش باك.. فيها ABS - اثنين ايرباج - ريموت - Immobilizer - جنزط سبور - 4 قزاز كهرباء - فوانيس شبورة - و طبعا باور و سنتر لوك و و كاسيت - فتح التنك من الداخل و اوبشنات تانية ..
انا اعرف ان التوكيل فى الفاهرة بيسمح بعمل Test drive و غالبا فرع اسكندرية حيوافق ..
عنوان التوكيل فرع اسكندرية : شركة مودرن موتورز - سيدى جابر - تليفون :4250773 - 4250774 .. و فى موزع تانى فى جناكليس و ربنا يوفقك .

**mohaismail** · 22-11-2007 03:48 PM

انا من وجهة نظرى تجيب التيريوس هيه اللى تنفع فى مصر انا معايا صنى 2007 ومطلعة عينى فى المطبات هبيعها واجيب تيريوس 2008 اوتوماتيك ان شاء الله علشان امشى برحتى بجد اتعقدت من شوارع مصر

**محمد خاطر** · 22-11-2007 06:44 PM

شكرا يا electroman على المعلومات ديه و أن شاء الله حروح التوكيل فرع اسكندرية و أسأل على موضوع الـTest drive و أركبها و أجرب مع أني مقتنع برأي mohaismail المشكور على مساهمته في الرد على أستفساري و طمعان في أنك يا mohaismai تقولي أيه الفرق بالضبط بين موديل تيريوس 2007 و 2008 مع العلم أن 2007 أرخص 2500 جنيه في أنتظار ردك و شكرا مقدما

**electroman** · 22-11-2007 07:39 PM

التريوس برضه عربية يابانى و عاليه عن الارض ( كويسة فى الطول ) لكن اعتقد ان التيدا افضل من ناحية
العرض و الاتساع وكمان مريحه اكتر فى الجلوس .. بالنسبة للرأى اللى سمعته عن الصنى فذى ما قولت للك التيدا ده عربية تانية خالص غير الصنى سواء من ناحية قوة الموتور او التقفيل فا مفيش مقارنه .. على العموم جرب الاثنين و اللى تريحك خدها و بالتوفيق .