الشكمان جاب آخره

**original** · 13-11-2009 05:41 AM

ممكن يتكلف كام عند المصنع اللى فى 6 أكتوبر؟؟ بدون ذكر أسماء؟؟

**M.Mostafa80** · 13-11-2009 01:55 PM

أنا لما روحت عملته يا محمد العلبه الخلفيه كانت ب 450 وعرفت بعد كده انها رخصت والعلبيه اللى فى النص عامله 300 وركبلى هو حاجه أسمها رنان مكان علبه البيئه لأن العربيه كانت جايه من غيرها أصلا ب 200 والكلام دا كلو عليه ضمان سنه وكله شغل فك وتركيب مفيش لحامات وعلى فكره العلبه اللى فى النص والخلفيه كانو مستوردين بتوع العربيه من فرنسا

**original** · 13-11-2009 02:22 PM

ودول كانو إستعمال وللا جديد ومن عند مين؟؟

**M.Mostafa80** · 14-11-2009 08:30 PM

دا ياباشا كان كلو جديد من مصانع ابو اليذيد ب 6 أكتوبر وفى
هناك مهندس اسمه البشمهندس رضا راجل محترم وهو مدير الورشه فى المصنع وبيهتم بالعمله وأبقى قولو لو روحت أنا جايلك من طرف محمد مصطفى صاحب البولو البيضاء اللى ساكن جنبك عند قاعه سيد درويش

**ehab_mansour** · 15-11-2009 08:21 AM

السلام عليكم
اخي محمد اوريجينال انا ركبت نفس نوع العلب اللي ركبهم محمد لعربيتي وهما نوعهم تقريبا وولكر فرنساوي وكانت التكلفة للعلبتين الخلفية والوسطي 650 جنيه شامل التركيب وضمان سنة ولكن لو ركبت هناك صمم علي انه يحطلك سليكون حراري عند التقفيل بين العلب وبعض عشان انا رحتلهم بعد ما ركبت بشهرين تقريبا خليتهم فككو العلب وحطو سيليكون وركبوهم تاني لأن الفوصل كانت عاملة تنفيث جامد وصوت وكله راح لما ركبنا السيليكون
معلش رغيت كتير
وربنا يوفقك