انا سافرت برة مصر عدة مرات لدولة قطر للعمل مدرس ثانوى وكنت بانزل كل اربع شهور مش باقدر اتحمل اكتر من كده رغم الدخل الكبير والعيشة المرتاحة ظاهريا ما كنتش باكمل غير سنة دراسية عبارة عن فصل دراسى اول 4 شهور وارجع اجازة شهر مهما كلفنى الامر فى نص السنة وبعدها التيرم الثانى وارجع الصيف فى اخر يوم امتحانات واستقيل وارجع مصر سنة ولا اتنين وارجع قطر تانى الحمد لله كنت باقدر ارجع نفس المدرسة ونفس الامر يتكرر وارجع لمصر اللى باعشقها وخصوصا بلدى اسكندرية لكن اغراءات المال تخليك ترجع الخليج تانى

ودلوقتى باكتب من جدة فى السعودية وان شاء الله تكون اخر سنة غربة وكفاية كده

من الاخر لا غنى لنا عن مصر كوطن وعن الغربة كمصدر دخل يعوضنا عن ما نعانيه من تدنى الرواتب فى مصر

والحنين للوطن شئ مش بالايد وقال النبى صلى الله عليه وسلم يوم خروجه من مكة مضطرا للهجرة للمدينة ( والله انك احب بلاد الارض الى نفسى ولولا ان اهلك اخرجونى منك ما خرجت ابدا )

رغم ما لاقه من كفار مكة واعتقد ان مصر ما عملتش فينا حاجة تستحق ان نفرح بالغربة عنها وانما الغربة اضطرارية وربنا يوفقنا للخير