الحمد لله....النيو اكسنت اتخبطت....ساعدوني يا اخوانا

وانا راجع من المطار اول امبارح الساعة 10 بالليل بعد ماوصلت امي عشان الحج...عقبال عندكو...وانا في موقف العاشر بمدينة السلام وماشي وواخد الحارة الشمال جنب الكوبري اللي بيعملوه...
كان ادامي عربية نقل وماشيين بسرعتنا عادي...تقريبا الهواء الناتج من حركة العربية النقل حرك حتة صاج ملخلخة من السور اللي تحت الانشاء ( الله ينتقم منهم)...راحت واقعة فوق عربيتي فكسرت الازاز الامامي وطبقت السقف من عند السواق كده وطيرت المراية الشمال وجرحت الباب الامامي الشمال والرفرف الشمال الخلفي....
طبعا ركنت على جنب....وبصيت على العربية..واتقهرت جامد
ولا حول ولا قوة الا بالله ودي صورة العربية



http://farm3.static.flickr.com/2774/...509474bf35.jpg


المهم كلمت ابن عمي عشان نروح مركز سمكرة ودوكو اللي بيتعامل معاه في عين شمس
المهم المهندس بص على العربية....وقاللي هتكلف 4000 جنية سمكرة ورش ..طبعا هيرش سقف وقايم وجنب العربية الشمال...والازاز والمراية هيعملو حوالي 800 جنية
فانا مشعارف السعر ده مبالغ فيه ولا ايه..خصوصا اني مش مأمن على العربية...بس واضح ان المركز ده شغله نظيف..وعند اجهزه حديثة في استعدال الصاج وتظبيط العربيات
اعمل ايه يا جماعة الخير افيدوني؟؟؟؟اعملها عنده..ولا الم الموضوع في اي ورشة تانية ب 1000 او الفين جنيه.....

ربنا يعوض عليك

كتير السعر ده

الحمد لله ع كل شيء .. ربنا يكرمك و يعوض عليك ..

معلش يا محمد .. قدر الله و ما شاء فعل
هى الصورة مش مبينة الاضرار اللى فى الباب و الرفرف الخلفى فمش عارف بصراحة اقلك السعر دة مناسب و لا لآ
عموما حاول بردة تروح الحرفيين و تسمع منهم و قارن بعد كدة

قدر الله وماشاء فعل وأجارك الله في مصيبتك

مش عارف اقول ايه عشان مقدرش اقييم المركز

بس حضرتك لو عندك استعداد تدفع ال 4 الف جنيه بص على التوكيل او مركز خدمه معتمد اكييد هيصلح السقف بجوده 100% متبانش انه كان مخبوط اساسا حتى لو هتدفع ال 4 الف كلهم بس في السقف

وبعدين ليه رش الجنب الشمال هوه الرفرف والباب فقط

انشاء الله تتصلح و ترجع زي مكانت المهم انك بخير و الحمد لله علي كل شي

طب معلش يا رجالة محدش يعرف مراكز للاصلاح محترمة؟؟؟؟؟؟؟؟؟؟؟؟؟

يا ساتر يا رب
شكلها متعب
قلبي معاك وانشاء الله تطلع افضل من الاول

السلام عليكم
ربنا يعوض عليك اولا و الحمد لله انها جت على اد كده بس و ديه بسيطة بالنسبة للخبطات التانية
انا عندي النترا و اتخبطت و هي لسة 1500كم من الجنب و الخبطة جت في البابين الشمال و الرفرفين كمان كان خط كده عريض بطول العربية كلها و شكله كان غبي جدا بس الحمد لله روحت لسمكري شاطر اوي في طنطا و معاه بوهيجي عفريت بجد و قاللي لو بان سم واحد من الخبطة ما تدينيش فلوس
سبتله العربية 4 ايام بالظبط و روحت اخدها و الله ما صدقت ان ديه عربيتي و لا كأنها اتلمست اساسا و مفيش رايش و لا اي اثر خالص و وديتها لناس خبيرة و قولتلهم طلعولي مكن الخبطة ما عرفوش
المهم ان الموضوع ده اتكلف 900 جنيه بالظبط فأنا شايف في حالة حضرتك لو خبطة في البابين و الرفرف بتطبيقة خفيفة مع خبطة السقف و القايم ديه هتاخدلها بتاع 2000 : 2500 جنيه على ما اعتقد يعني ده غير المراية و الازاز طبعا
و نصيحتي اوعى تروح التوكيل لانهم هياخدو منك فلوس كتير جدا يعني ممكن يستعبطوا و يقولولك هنغير السقف كله او الباب كله عشان ما يوجعوش دماغهم بالسمكرة و انت طبعا اللي هتدفع يعني بدل ما تدفع 3000 او 4000 جنيه هيدفعوك بتاع 8000 جنيه على الأقل
و حكاية كسر الازاز ديه عادية انا ازاز العربية بتاعتي الأمامي اتشرخ جامد بسبب حجر سقط من عربية نقل عليا و لحمته و خلاص لان حوادث الازاز كتير جدا

ان شاء الله خير و ابقى طمنا عملت ايه و ما تقلقش نفسك

السلام عليكم....
بس ياباشا الكلام اللى انت بتقولوا عن اضرار العربية اقدر افهم ان اضرارها مش كبيرة اقوى لدرجة انك تدفع 4000جم كتير اوى اوى طبعا اهم حاجة انك بخير وفى داهية اى حاجة فيها فلوس ... بس انا من رأيى روح لكذا واحد بتاع سمكرة ودوكو بس يكون من الموثوقين فيهم وانا اعرف ان فى شبرا - بيجام ناس كويسة اوى وانشاء الله هتلاقيهم ارخص من كده
وجزاكم الله خيرا

على فكرة الحكاية مش في اجهزة و امكانات الحكاية في الصنعة و المهارة
يعني السمكري اللي بقولك عليه ده ما كنش عنده اي اجهزة بس عفريت و خدمني اوي

قدر الله ماشاء فعل وانشاء الله تتعمل احسن من الاول بس السعر اللى انت قولت عليه ده كتير وخاليك مع الاعضاء هنا يمكن حد يدلك على حد احسن وبتكلفة اقل وربنا يعوض عليك اخ الكريم

قدر الله وما شاء فعل كل ده صاج المهم انها مجتش فيك, لو صوره اوضح للتلفيات بالكامل عشان نقدر التكلفه والموضوع كله صنيعي شاطر وبهيجي, انا اعرف واحد فلحرفيين سمكره ودوكو مجربو, وربنا يوفقك للفيه الخير

اقتباس:

---

المشاركة الأصلية كتبت بواسطة mido320i

قدر الله وما شاء فعل كل ده صاج المهم انها مجتش فيك, لو صوره اوضح للتلفيات بالكامل عشان نقدر التكلفه والموضوع كله صنيعي شاطر وبهيجي, انا اعرف واحد فلحرفيين سمكره ودوكو مجربو, وربنا يوفقك للفيه الخير

---

جزالكم الله خيرا جميعا
انا فعلا ودتها لواح تاني في الحرفيين....اسمه مركز حسن علي....ناس شكرتلي فيه
وخد 3000 جنيه
والعربية عنده دلوقتي وربنا يسهل

إنا لله وإنا إاليه راجعون ربنا يعوض عليك والحمد لله على كل حال

روح التوكيل بلسعر ده

مش قادر أقولك غير فعلا قدر الله و ما شاء فعل و فداك و بالنسبة للسعر مش قادر اقولك حاجة عشان مظلمكش أو اظلم الصنايعي لكن ربنا يعوضك