الأوتوستراد

**abo_lamar** · 13-11-2009 12:12 PM

سلام يا أحلى منتدى
بجد يا شباب انا مش عارف طريق الأتوستراد ده بيربط ايه بأيه و ممكن اروحه ازاي مع العلم انا من سكان حلمية الزيتون ...؟؟

**Terrible_DaRsH** · 13-11-2009 02:54 PM

الاوتوستراد ده بيوديك من نادى السكة للمقطم و للمعادى و لحلوان و نادى المقاولون و ترب الغفير كمان :)

انت هتطلع من الحلمية للتجنيد و بعدها جسر السويس و منها للعباسية ثم تاخد امتداد رمسيس لاخره و تدخل يمين من نادى السكة ..

**elrasy** · 13-11-2009 04:36 PM

الاتوستراد من مساكن الشيراتون ل حلوان,,
من ميدان الحلمية تمشى فى شارع على بن طالب لغاية ميدان سفير وبعدين تدخل يمين فى شارع النزهة دة لو عايز تروح اول عباس ,, او الوصفة التانية زى ما الاخ قال لو عايز تروح نادى السكة

**HeMa_LanCeR** · 13-11-2009 04:51 PM

الاتوستيراد يبدا من مساكن شيراتون (أخر صلاح سالم بشويه)
وينتهي في حلوان
وبيعدي علي طريق المطار - مساكن شيراتون - طريق السويس الكيلو 4.5 - النادي الاهلي مدينه نصر - شارع مكرم عبيد - شارع عباس العقاد - ميدان رابعه - شارع الطيران - نادي الزهور - المنصه التذكاريه - قاعه المؤتمرات - مطلع كوبري اكتوبر - نادي السكه - نادي المقاولين العرب - مستشفي المقاولين العرب - الدويقه - منشيه ناصر - كوبري السيده عائشه ومنطقه مدافن الغفير - مطلع المقطم - كوبري التونسي - سوق الجمعه (يوم الجمعه فقط) - المدبغه - مطلع دائري المنيب اتجاه المنيب واتجاه التجمع - صقر قريش - المعادي - شق التعبان - 15 مايو - حلوان