الموضوع: الغيارالعكسى من التانى للاول

المشاركة الأصلية كتبت بواسطة nab!l

يعنى مش هيفرق كتير ياجماعه

+ 1

المشاركة الأصلية كتبت بواسطة A.Saad

اللى اعرفه ان الاول تاخده وانت واقف بس
لاطالة عمر الفتيس
غير كدة على التانى
بس انا اما ساعات بمشى يراحة على التانى مدة والاقى العربية هتسقف
بقف بسرعة واجيب الاول وامشى عليه

1+

فعلا انا عندي الأول لو العربيه مش شبه واقفه بحس انه متصدر والعربيه مش عايزه تاخد الغيار

السلام عليكم
أنا لى كام تعليق على الموضوع أتمنى حد يوضحهم لنا:
- ايه المشكلة أساسا فى الغيار العكسى سواء من تانى لأول أو غيره طالما ان سرعة العربية مناسبة للغيار الجديد .. يعنى مثلا لو ماشى على 30 وبعدين لقيت مطب وحش جدا واضطريت اهدى لغاية سرعة أقل من 10 ايه المشكلة انى ادى العربية الغيار الأول فى الحالة دى .. وايه الضرر على الفتيس
- النسبة للعربيات اللى اسى سى بتاعها عالى ممكن تطلع من السكون على التانى ( أنا شفت عربية 8200 سى سى بتطلع بسهولة على الثالث كمان !!) والعكس فى العربيات اللى السى سى بتاعها قليل بتحتاج انك حتى لو العربية مش واقفة ولكن ماشية بسرعة قليلة (أقل من 15 مثلا ) ان تديها الغيار الأول غير كدة تلاقى الموتور بيسقف والعربية بتترجرج لو حاولت تمشى على التانى

علشان كدة يا ريت حد من الاعضاء ذوى الخبرة يوضحلنا النقطة دى :
- هل فعلا غلط الغيار العكسى من التانى للأول والعربية ماشية .. بس بشرط ان السرعة زى ما قلنا مناسبة للأول - يعنى مش أكبر من 15 - 20 ؟
- وهل الحركة على الأول مسافة كبيرة غلط زى ما ناس كتير بتقول .. برضه بشرط ان مش هنحرق على الغيار يعنى ار بى ام قليل ؟

وأخيرا أنا آسف على الاطالة

أنا مش مختلف مع حضرتك ان فعلا العربية هتعدى المطب وهى ممورة
بس الفكرة بعد ما العجل الأمامى يعدى المطب وهتبتدى تزود تانى من سرعتك لو منزلتش للأول وحاولت ابدئ بالتانى بلاقى العربية تترجرج ولازم تسايسها بالدبرياج وبرضه لما أعمل كده أسمع صوت تسقيف جامد فى الموتور لأن سرعة العربية أصبحت مش مناسة للتانى
ومن ناحية تانية مش منطقى انى أقف تماما عند كل مطب علشان ادى الأول
أنا بعمل ايه : قبل المطب بمسافة بمور العربية أو أدوس دبرياج للآخر لغاية ما العجلتين الأماميين يعدوا المطب بعدها بروح مدى العربية الأول واكمل .. بس مش عارف هل ده غلط على الفتيس ولا لأه !!

شكرا للافادة