باركولى أستلمت اللوووووووووجااااااااان

**menocomp** · 13-11-2009 10:07 PM

مساء الجمال والورد على أحلى منتدى.
الحمد لله أستلمت اللوجان انهاردة من التوكيل فى المعادى.
أنا اصلا من محافظة قنا مركز نجع حمادى وكنت باسوق عربية أبويا فيات 128 ودى أول مرة أسوق عربية فى القاهرة. حقيقى عربية فى منتهى الجمال.
العربية فول أوبشنز ولونها فيرانى.
حقيقى لازم أشكر كل الاخوة فى المنتدى هنا على المعلومات القيمة اللى عرفتها عن العربية قبل مشتريها.
نسيت أظبط ضغط الكاوتشات قبل ماروح و باذن الله أظبطها بكرة وأنا رايح بين السريات علشان أجيب شهادة البيانات.
فى حاجة عايز أقولها...أول مرة أجيب الغيار الخامس غلطت وجيبت التالت مش عارف دة غلط على العربية ولا لأ.
وعايز أقول برضة ان كل الكلام والمواصفات اللى قرتها عن العربية هنا فى المنتدى لقيتها انهارد فى العربية.
الكاسيت طلع ام بى ثرى والكاوتش كورموران. معرفش بصراحة اية ظروفة دة.
حاجيب باذن الله طقم دواسات بكرة.

حقيقى عايز أشكر كل الناس الجميلة اللى فى المنتدى الجميل دة.
شكرا اخر حاجة.

**factorialx** · 13-11-2009 10:17 PM

ألف ألف مبروووك

على فكره أنا كمان رايح بكره بين السرايات

**menocomp** · 13-11-2009 10:22 PM

المشاركة الأصلية كتبت بواسطة factorialx

ألف ألف مبروووك

على فكره أنا كمان رايح بكره بين السرايات

شكرا على ردك الجميل .

هو فى ورق معين لازم أجيبة معايا بكرة.

**factorialx** · 13-11-2009 10:24 PM

معرض محمد زكي إداني مبايعه + صوره من الإفراج الجمركي مكتوب فيه رقم الموتور و الشاسيه

**menocomp** · 13-11-2009 10:37 PM

المشاركة الأصلية كتبت بواسطة factorialx

معرض محمد زكي إداني مبايعه + صوره من الإفراج الجمركي مكتوب فيه رقم الموتور و الشاسيه

دة نفس الورق اللى انا استلمتة من التوكيل

**MoHaMed HaMeD** · 13-11-2009 10:37 PM

الف مبروك ياباشا لا مفيش اوراق انت بس تدخل عليهم بالافراج وتجيب الشهاده ف حوار نص ساعه وب 5 جنيه

والف مبروك وعادى انك تنزل من غلط ف الغياره عادى لو صححته وجبت ع الغيار صحيح والى نقطه الكاتوش فهو نوع محترم جدا وكويس وف نفس كفأه الميشلان
وربنا يباركلك فيها ان شاء الله