ما رائيكم فى البورا برجاء الرد للاهمية

**Ahmad Allawy** · 21-11-2009 11:26 PM

المشاركة الأصلية كتبت بواسطة temoon

أسمحلى ياباشا ارد عليك واقولك
احنا كان عندنا 406 والبورا فا من واقع تجريبتى على الاتنين
اولا 406
عربية جميلة جدا
واسعة جدا
موتور قوى جدا
امان ما شاء الله كويس جدا جدا جدا
ثبات اكثر من رائع
راحة فى صالون السيارة
ارتفاع السيارة من الارض مناسب لبلدنا الجميلة
صاج السيارة ما شاء الله علية قوى
تسارع وتجميع سرعة ممتاز جدا وعن تجربة انى كنت بجمع بيها ال 180 فى وقت قليل جدا مع العلم انها كانت (اتوماتيك)

عيوب السيارة
الفتيس الاوتوماتيك من عيوبها
لانة لو ما اتحافظش علية كويس اوى عالطول بتجيب طقم بلف ضغط الزيت وساعات بتضطر تغير الفتيس
وكان عندى مشكلة ان العربية والتكيف شغال والجو حر كانت بترفع حرارة فا مش عارف ان كان العيب من سيارتى انا او عيب فى كل الموديل دا

ثانيا البورا
سيارة شبابية اكثر من رائعة
ثبات رهيب
صاج قوى مثل 406
موتور قوى جدا (مانيوال) عن تجربتة
امان كويس جدا جدا
فرامل اكثر رهيبة

العيوب
ضيق صالون السيارة
انخفاض ارتفاع السيارة من الارض

ودا الى انا فاكرة فى العربيتين ودا عن تجربتى الشخصية للسيارتين لانى امتكلتهم فى ان واحد واتمنى انى اكون افادتكم

اكيد كلامك اصح كلام لحد دلوقتي لأنه مبني علي تجربة عملية.. و مقارنة واقعيه..
ربنا يباكرك و يكرمك..:b4_611:

**TOOLA** · 23-11-2009 12:45 AM

كلام واقعى جدا طبعا, و أنا منكرتش انى رغم حبى لل 406 بس خفت منها, أما البورا أدينى بكتشف و لاما أضبطها صح, ساعتها أقدر أقيمها ان شاء الله

**fady.bekatcho** · 23-11-2009 01:47 AM

بص انا مش هقول اكتر من ان العربية دى بجد جامدة جدا

مع واحد صحبى من دمياط بيدرس معايا فى الجامعة

العربية تحت ايدينا علطول لما بيبقى فى القاهرة

لاننا كلنا طلاب مغتربينن

اولا موتور قوى جدا والعربية بسم الله ما شاء الله عليها تسارعها رهيب وهيا اتوماتيك على فكرة

وفراملها جامدة جدا جدا
وثباتها فوق الممتاز

اخر مرة اتجنن وشد مع فيرنا كنا جايبين ال160 وبيغرز بيها على الدائرى وبجد كان ثباتها تحفة تحفة بمعنى الكلمة ( طبعا حكاية الشد والسرعة العليا انا مش بحبها خالص وخصوصا مع عربيات مافهاش امان مع الفرنا لان لو بتاع الفرنا حصلة حاجة كنا هنشيلة ذنبة لاننا شادينا معاة )

امان طبعا خرافى

كفاية اقلك ان صحبى دا الحمدلله على كل شى عمل حادثة جامدة جدا لدرجة ان العربية اتقلبت بية اكتر من مرة وقعدت تتصلح بتاع اكتر من شهرين متهيالى وماحدش حصلة حاجة دا طبعا بعد فضل ربنا

عضمها ناشف جدا

شكلها شيك وبالنسبة ليا انا شايف انها شيك قوى من جوة

بس يعيبها ان الصالون الخلفى ضيق عند الكنبية يعنى

بس العربية لو هتجبها حافظ عليها جدا وهيا هتخليكى اسعد واحد

ولو فى عيب حصل معاة هيبقى بتاع الفتيس

بس دا علشان الحادثة الى علمة كان جامدة جدا جدا

ربنا يباركلك فيها لو هتشتريها ويكفيك شرها

**Ahmed Hassan** · 23-11-2009 02:44 AM

المشاركة الأصلية كتبت بواسطة ahmad allawy

كلام غير واقعي بالمرة..!!! للأسف..
مفيش عربية من غير عيوب.. و انا امتلكت عربية الماني قبل كده اوبل كورسا.. و لله الحمد معايا دلوقتي عربية الماني برضه.. و كل عربية فيها عيوب.. و اكيد مميزات.. و ممكن يكون في عيوب انت شايفها تعتبر مميزات في نظر ناس تانية..

ما علينا.. بتتكلم في بورا موديل اعلي من 90؟؟؟ّّّّّّّّ!!!!!!!!!
هي في مصر من اول 2000 لحد 2005..

انامتابع الموضوع عشان اعرف ايه نظام الفتيس بتاعها.. عشان كنت سمعت ان الفتيس اللي نزل في العربيات دي اللي هو في الاوكتافيا في موديلات 98-2001 كان فيه شوية قلق و مشاكل والله اعلم الكلام ده صح ولا لأ..

بس اكتر عيب شائع في العربيات دي.. انها الكارتيرة بتاعت الموتور بتاعتها الومنيوم.. و مفيش فيها مصفحة حديد من تحت.. بس ده مش عيب يخليك متشتريش العربية.. لكن لازم تبقي حريص شوية و انت سايق من المطبات و الرصيف و الطوب و الحجر اللي ممكن يبقي في الشوارع..

البورا بيكون فيها اكتر من موتور... لو ١٤٠٠ بيكون فيها نفس موتور الجولف ٤ بس دايما بيكون اللي فيه كويل لكل بوجيه و دايما دي مانيوال.
لو ١٦٠٠ في الغالب بيكون فيها الموتور ال sr اللي هوه موتور الاوكتافيا a4

بردو ساعات بيكون فيها موتور ١٨٠٠ ٢٠ صمام (موتور اودي اصلا)
و ساعات موتور ٥ سلندر

دول اللي فاكرهم دلوقتي... بس معظم اللي شفتهم بره بورسعيد بيكون فيهم الموتور التاني (sr)

العربيه عموما حلوه... بس من الحاجات اللي مش بتعجبني فيها و دي حاجه موجوده في معظم عربيات vw ان اليلاستيك اللي في الصالون بيقشر بسرعه... خصوصا زراير الزجاج

**bassambasha** · 23-11-2009 03:29 AM

البورا يا سيدي الفاضل من واحد جربها 4 سنيت الا شوية عربية ألمانية متينة جامدة جدا وعفشة فولاذية رياضية + موتور جبار خصوصا الأوتوماتيك و الكيك داون بتاعها مرعب أداءا وصوت ماكينة - أعطالها تأريبا مافيش أهم حاجة في الأوتوماتيك تحافظ على مواعيد تغيير زيت الفتيس كل 65000 كم - عربية قيادتها ومناوراتها ممتعة جدا جدا جدا - أنا أمتلكت واحدة و بعتها من سنة تقريبا و مافيش عربية تانية أديتني الأداء بتاع البورا - وبالأضافة أنها عربية برستيج و تحفة و الي ركب بورا و غير ل جيتا والله بيتمنى أيام البورا - أشتري و حتدعيلي بس نصيحتي لو أوتوماتيك و دا أمتع بجدعن المانيوال تغير الزيت بتاعو كل 65000 كم لأن العربية أداء موتورها عفي و دا فتيس عفي أوي أوي فالزيت فعلا بعد 65000كم بيتحرق فعلا و بيبوز طقم الكالاتشات أنا لم أعاني من الموضوع دا أبدا - و على فكرة قطع غيارها عادية مش غالية خالص - تأريبا أغلا من التيوتا ب 10-15% وبنزينها بتعمل 200 كم في الصفيحة و محدش يقولي الياباني بيعمل أكتر من 200 كم حرد عليه و اقولو ايوه بس هات بالبورا 200 و الياباني 200 و شوف مين الي خنعزي فيه بعد الشر عليكو :)