اقتراح برحلة عائلية في العيد لافريكانو بارك
كان زميلنا العزيز شنوري اقترح مقابلة عائلية لاعضاء المنتدى في مزارع دينا وفي اعضاء كتير استحسنوا الفكرة
انا جاتلي فكرة شبيهة بفكرة شنوري مع بعض التغييرات وهي اننا ننظم رحلة عائلية لافريكانو في العيد لاني اعتقد مزارع دينا مجرد حديقة ومطاعم بس اما افريكانو بارك هتكون مناسبة اكثر لكون الرحلة عائلية عشان اطفالنا يستمتعوا بمشاهدة الحيوانات
طبعا اول يوم وتاني يوم مش مناسب عشان موضوع الدبح
انا بقترح تكون ثالث يوم او الرابع
وبقترح اننا نطلع الرحلة في باصات علشان نحس بجو رحلة حقيقي والباصات تخرج من القاهرة ومن الاسكندرية ونبدأ في التنسيق للرحلة من دلوقت عن طريق ادارة المنتدى
طبعا نسأل الاول هل في امكانية لدخول الباصات ام الزيارات مقتصرة على السيارت فقط
ولو اني اعتقد عادي دخول باصات
نعرف الرحلة هتتكلف كام للباص ووجبة غذاء ورسوم الدخول ويتم تجميع التكاليف عن طريق الادارة
ولو قدرنا نجمع عدد كبير من الاعضاء وعائلاتهم نحجز اكتر من باص على حسب العدد
ونتفق على منطقة محايدة في كلا من القاهرة واسكندرية ينتظرنا فيها الباص ونتجمع عنده
طبعا مش مهنى كلامي ان الرحلة مقتصرة على سكان القاهرة والاسكندرية فقط
طبعا يسعدنا اكتر لو اعضاء من محافظات تانية كانوا معانا
اتمنى الفكرة تعجبكم ونقدر ننفذها فعلا