السلام عليكم و رحمة الله و بركاته
اتعرضت عليا نوبيرا 2007 بحالة جيدة ،، بس مركب فيها غاز طبيعي ؟ هل الغاز الطبيعي كويس مع النوبيرا و هل هيأثر على الموتور ؟؟ أرجو الافادة و لكم جزيل الشكر
عرض للطباعة
السلام عليكم و رحمة الله و بركاته
اتعرضت عليا نوبيرا 2007 بحالة جيدة ،، بس مركب فيها غاز طبيعي ؟ هل الغاز الطبيعي كويس مع النوبيرا و هل هيأثر على الموتور ؟؟ أرجو الافادة و لكم جزيل الشكر
من وجهة نظرى الغاز الطبيعى بيأثر على كفاءة المكنه
مع الزمن
وماذا يمنع من شرائك لسياره تمشى فى خط سيرها الطبيعى
وهو أستعمالها للبنزين
بلاش تاخد عربية شغالة غاز
اسمع ان له تاثير سلبى على الموتور و بيسبب تسلخ فى البساتم... و حتى كان ليا صديق معاه تاكسى (مش دايو) و كان دايما بيعمل عمرات فى فترات متقاربة و لما سالتة قاللى بسبب الغاز و فى الاخر باع العربية
MMamdouh
السياره لما بتشتغل غاز فى التاكسى بتوفر يوميا 30 جنيه عن سعر البنزين ال80 وذلك الكلام عن تجربه شخصيه مع اللانوس 2المصرى والفيرنا الفيفا الهندى
وده معناه انها بتوف حوالى 900 جنيه شهريا وحوالى 10000 جنيه سنويا
لذلك يستخدم سائقى التاكسى الغاز بنجاح لانه لو عمل عمره كامله للموتور كل عام ونصف سيكون هو الرابح بمعنى اخر :
فى خلال عام ونصف سيوفر له الغاز مبلغ 15 الف جنيه عن سعر البنزين ال80
وسوف يدفع مبلغ 5 الف جنيه قيمة العمره الكامله شامله عطلة التاكسى لمدة اسبوعين بدون عمل
معنى ذلك انه سيوفر عند استخدامه للغاز مبلغ 15-5= 10 الاف جنيه سنويا +عمره كامله للموتور كان لابد من اجرائها للموتورحتى لو كان يعمل بالبنزين ولكن بعد فتره اطول
ملحوطه:
هذا القياس على اساس ان السياره التاكسى تستهلك يوميا حوالى 50لتر بنزين 80 بمبلغ 45 جنيه وذلك للسير مسافة 400 كم تقريبا سيرا داخل المدينه وقليلا بالدائرى وذلك خلال ورديتين عمل لمدة من 14 الى 16 ساعه يوميا للورديتين
وتستهلك حوالى اسطوانتين غاز للسيرنفس المسافه بمبلغ 7.5× 2 = 15 جنيه
لذلك فان الوفرفى الاستهلاك يكون 45-15 = 30 جنيه يوميا
ارجو ان اكون افدتك بتجربتى الخاصه مع الغاز والبنزين ال80
تحياتى:Y_hi_3[1]:
مهما كان حاله الماتور كويسه
فى اعاده البيع العربيه بترخص
وعيوب الغاز كتيره
لو حسبت نفس الحسبة على عربية ملاكى بتستخدم بنزين 90 وطبعا الماتور عمرة هيبقى اطول فى الملاكى لان سنة من الكيلوهات اللى بيعملها التاكسى تساوى 5سنوات او7 من اللى بيعملها الملاكى يعنى لو التاكسى هيعمل عمرة كل سنة يبقى الملاكى هيعمل نفس العمرة كل 5 او 7 سنين و مع نفس الحسبة بس على بنزين 90 اللى مش لاقى غيرة يبقى بفرق السعر تجيب عربية تانية لانة كدة هيوفر حوالى 30 الف جنية .
يا حضرات ..صحيح الغاز ممكن يكون موفر .. لكن حد فيكم جرب بهدلة العمرة .. وللا حتى البحث عن موتور جديد .. وللا إحساسه بالخنقة من عربيته وهي بتزحف بعد ما كانت فايقة ...
مش كل اللي ينفع للتاكسي يمشي مع مستخدمي الملاكي ..
طبعا ما انت بتحط تنر علشان تسحب
غاز اية اللى هينفع معاك