الموضوع: صور عربيتى b mw

المشاركة الأصلية كتبت بواسطة mrdiver

اتقو الله في اخوانكم وحتاه لو مش عربيتو وهو متصور جمبها ميحقلكمش انكم تتريؤه عليه
سبحان الله ما اكتر من نص المنتدى هنا بيدعى انه عنده عربيه وكمان بيؤعد يفتى ويرازى خلق الله فى عربياتهم ويظهر عيوب ويفتى فتاوى غريبة ويصنف بنائا على على عربيته الوهمية ومحدش بيكح معاه ولو حد بيفهم رد عليه هيطلع متعصب وهياخدله كم انزار كمان فانا شايف اننا متحاملين جدا على الشاب صاحب الصورة وككان كل ذنبه لو ديه حتاه مش عربيته انه قال انه عنده عربية زيكم سؤال يستاهل انه ياخد كل الاهانة ديه ؟؟؟
((ومن يتقى الله يجعل له مخرجا من حيث لا يحتسب))
واعرف يا كل من دخل واهان الانسان دة انه هيسالكم ذنوب يوم القيامة ومحدش يقول انه ماهنهوش ولا حاجة لا كنا بنضحك
اللى عنده كومنت يؤلهوله باخلاق ويا امة ميؤلهووش بدل ميشيل ذنب مش هيتغفرله غير لما يعفى عنه صاحب الموضوع يوم الدين يارب تتقبلو النصيحة

انا عاوز اعرف انت جبت الكلام الى انت بتقوله عن المنتدى منين

وجمله نص المنتدى دى تدل على ايه هو انت عدتنا واحد واحد وصنفت الى معاه عربيه من الى معهوش
ياريت تتأكد من كلامك بدل مترمى الناس بالباطل قبل انت متتكلم عنا وتقول انتو اتكلمتو وقولتو وحتتاحسبو ودخلت الدين فى الموضوع وهو هزار فى هزار اصلا
واحد بيهزر ويقول ان دى عربيته واحنا بنهزر ونقول انها مش عربيته بس كل واحد وطريقته ايه الى دخل الحرام والحلال ويوم القيامه وانت اصلا بادئ كلامك بكلام ليس له اى اساس من الصحه وبتتهم نص اعضاء المنتدى
ياريت تراجع كلامك ولو انا بقول حاجه غلط قوللى

انا هؤلك على حاجة يا ميسو بص بالنسبة للى انا بؤله على الفتى فاااااه ولحد الف سنة انا بفتح المنتداه دة ازيد من عشرين مرة في اليوم سواء من المكتب او فى البيت وعلى العموم انا موجهتلكش حاجة انا الكلام موجه لفئة معينة هيا اضره بنفسها وبالنسبة للدين ويوم القيامة وشغل العيال الصغيرين اللى انا بؤله معلش يا سيدى حقك عاليا اصلى انا طمعان فى شوية شعبية في المنتدة ونفسى ابقى عضو ذهبي
اخر حاجة انا هؤلهالك لو انت بتهزر حط نفسك مكانه وشوف انت هتحس بئيه وعامل الناس كما تحب ان تعامل ولو مفكر انك مينفعش تعمل اللى هو عمله انا معاك بس فيه حاجة اكيد انت عملت غلطات اكتر من كدة واكيد الكلام مطابق عاليا قبليك محناش انبياء ولا ملايكة بس اللى يغلط نوريله غلطه منغير منجرح شعوره واحساسه
وعلى فكرة انا اسكندرانى زيك ومعروف عننا بالسينسالنس وبما اننا بناخد بالنا من الكلام والحوارات فاحب اقولك وبصراحة الشاب دة اتمس بكرامته الارض مش هزرته وضحكته بس

على فكرة تقريبا صاحب الموضوع ده مش راجل...تقريبا ينت والصورة دى ممكن يكون حد قريبها ...ودى واحدة من المشاركات بتاعتها واللى كانت بتعرف فيه نفسها
شوفوا كدة
مامو
ليسانس اداب ومدرسه
انسه
محرم بك اخر شارع اسكندرانى
الكمبيوتر والسيارات والمطبخ

وحتى لو راجل ياريت بلاش نتريق عالناس بالطريقة دى

الموضوع من ترليون سنه...وبصراحه يعنى واحد قايل صور عربيتى البى ام...دخلنا لاينا فانوس عربيه بي ام وهو واقف بالبدله...يبقى مين اللى بيتريق على مين

المشاركة الأصلية كتبت بواسطة mrdiver

انا هؤلك على حاجة يا ميسو بص بالنسبة للى انا بؤله على الفتى فاااااه ولحد الف سنة انا بفتح المنتداه دة ازيد من عشرين مرة في اليوم سواء من المكتب او فى البيت وعلى العموم انا موجهتلكش حاجة انا الكلام موجه لفئة معينة هيا اضره بنفسها وبالنسبة للدين ويوم القيامة وشغل العيال الصغيرين اللى انا بؤله معلش يا سيدى حقك عاليا اصلى انا طمعان فى شوية شعبية في المنتدة ونفسى ابقى عضو ذهبي
اخر حاجة انا هؤلهالك لو انت بتهزر حط نفسك مكانه وشوف انت هتحس بئيه وعامل الناس كما تحب ان تعامل ولو مفكر انك مينفعش تعمل اللى هو عمله انا معاك بس فيه حاجة اكيد انت عملت غلطات اكتر من كدة واكيد الكلام مطابق عاليا قبليك محناش انبياء ولا ملايكة بس اللى يغلط نوريله غلطه منغير منجرح شعوره واحساسه
وعلى فكرة انا اسكندرانى زيك ومعروف عننا بالسينسالنس وبما اننا بناخد بالنا من الكلام والحوارات فاحب اقولك وبصراحة الشاب دة اتمس بكرامته الارض مش هزرته وضحكته بس

انا عارف انك موجهتليش كلام بس الكلام زعلنى انك بتقول كده على نص الاعضاء
اه هما مش كلهم كويسين وفيه منهم فعلا معندهمش عربيات بس داخلين يشتمو وبفتو فى عربيات هما ميعرفوش عنها حاجه
بس فيه ناس برضه معهاش عربيات ومحترمه جدا
يعنى انا الى زعلنى انك جمعت نص المنتدى فى كفه والنص فى كفه تانيه
والكلام فى الدين ويوم القيامه مش كلام عيال صغيرين خاااااالص بالعكس ده كلام الناس العاقله الكبيره
بس انا محبش لما نتكلم فى اى حاجه حد يدخل المواضيع فى بعض ويقوم رامى كلمه الدين فى نص الكلام والموضوع يتحول لنقاش فى الدين ونسيب الموضوع الاصلى
وانا عارف ان فيه ناس زودتها فى الكلام والتريقه على صاحب الموضوع بس هو الى عمل كده فى نفسه مش عارف ليه بصراحه
على العموم عادى يا باشا وعاشت اسكندريه ورجاله اسكندريه

المشاركة الأصلية كتبت بواسطة fadod

أنا أؤيدك يا misoales في كل كلمة قلتها . ليه بندخل الدين في كل حاجة . الراجل حط صورة ليه وخلع ، ولا مشاعره إتأذت ولا عرف من شاف الصورة ولا مين مشفهش. واحنا دخلنا ونكتنا على الصورة من غير تجريح ولا شتيمة ولا قلة أدب .كلها تعليقات ضحك وبس. هو كان ممكن يبقى معنا هنا ويضحك معنا بردو بروح مرحة ومكنش هيبقى زعلان. فين الغلط هن

فعلا هو نفسه لو شاف التعليقات اكيد حيضحك ويموت من الضحك
وانا قولت كده هو بيهزر ويقول عربيتى واحنا بنهزر ونرد عليه