اقتباس:
المشاركة الأصلية كتبت بواسطة fadynabil
علي فكره دي صورة النسخة الــ Fr ،، مش عاوز أحبطكم بس صدقوني إنسوا اللي إنتوا بتشوفوه ده .. النسخه اللي هتيجي هنا هتبقي قرعه من الأخر ومعتقدش إنوا هيجيب فيها الحاجات دي و كمان الفوانيس اللي فيها lens دي إنسوا كمان هتنزل بالفوانيس العاديه ،، يعني في الأخر هيبوظ شكل العربيه الوهمي ،، عشان يحقق أكتر مكاسب ممكنه
بجد توكيل فااااااشل ،، وهوه ده حال معظم التوكيلات في مصر :H_angry[1]: :H_angry[1]:
السلام عليكم ورحمة الله وبركاتة
فعلاً دى صورة النسخة الـ FR وانا حبيت بس اوضح للاخ wawoo ان شركة سيات بتزل الامكانية دة فى عربيتها
وياريت حضرتك توضحلنا يعنى اية النسخة الى هتنزل هتبقى قرعة وياريت تقولنا مصدر كلام سيادتك اية
ومحدش قال ان التوكيل هينزل فوانيس العربية عدسات زى ما انت قولت مش عارف انت جبت الموضوع دة منين
اقتباس:
المشاركة الأصلية كتبت بواسطة wawoo
حتستلم امتى يا تامر ..تقريبا كدة
ان شاء الله العربية هتوصل على الاسبوع الاخير من شهر ديسمبر والاستلام هيكون على اول شهر يناير
واخوك حاتم احمد:Ob_mak1[1]:
اقتباس:
المشاركة الأصلية كتبت بواسطة drmasho
الصبر مفتاح الفرج...
و اظن ان ا.هيثم (جزاه الله خيرا ً ) بيتكلم عن علم . و راجل مصدره التوكيل و حجز العربية فعلا ً يعني مش بيتكلم كدة و خلاص , و التوكيل ما حدش اتكلم عليه بالسوء خالص من ملاك العربيات السيات بصراحة...
الراجل كتر خيره بيجاوب على أسئلة الناس بكل سعة صدر و رحابة شديدة و مش بيتأخر في أي حاجة , ليه " تكزبه " ؟ هوة هيستفيد حاجة لما يقول كلام مغلوط و ما لوش أساس من الصحة ؟
و بعدين اللي مش مصدق حاجة ممكن يتصل بالتوكيل بنفسه و يريح نفسه .
شكرا ً :H_angry[1]:
جزاك الله خيراً يا drmasho
اقتباس:
المشاركة الأصلية كتبت بواسطة fadynabil
أولا .. أهلا بيك في قسم سيات .. بجد منورنا
ثانيا .. محدش بيكذب حد ،، الموضوع وما فيه إن التوكيل بيجيب اللي علي مزاجه والكلام ده من زماااان أوي
أما بالنسبه لموضوع الحاجات اللي هتنزل في العربيه أعتقد إن الناس بتفضفض من قرفها وبتتوقع إيه أخر مفاجأت الوكيل
أما بقي بالنسبه للتوكيل فأنا مصر علي إنه توكيل فاشل .. قولي ليه ؟؟
هسأالك بس سؤال واحد تفتكر أيام إبيزا 94 و 98 ،، والسمعه اللي واخداها وقد إيه العربيه دي محبوبه من الشباب ،، شوف بقي حضرتك مبيعاتها كانت عامله إزاي
،، وتعالا نشوف دلوقتي مبيعات الإبيزا ولا الليون (التحفه بكل المقاييس) ،، هتلاقي عامله زي البورشه اللي برده هوه وكيلها ،، وتقريباً بتعامل بنفسه المعامله ( يعني يبيعله كام عربيه .. وينام بعد كده )
السيات يا سيدي الفاضل هي الوجه الرياضي لمجموعة ڤولكس ڤاجن ( يعني أخدت ميزه التكنولوچيا والإعتماديه لڤولكس علي تصميم رياضي فظيع )
الوكيل مش بس معامله كويسه وخلاص
وصدقني هتعرف معني كلامي لما تشتري العربيه وبعد كام سنه تدوخ عشان تجيبلها قطع غيار ،، وإن لقيت تلاقي سعرها مولع
وربنا يوفق الجميع
السلام عليكم ورحمة الله وبركاتة
اولاً :-ما فيش توكيل بيجيب عربية على مزاجه ابداً يا استاذ fadynabil التوكيل لازم يجيب عربية تتمشى مع متطلبات السوق والمستهلك عشان يعرف يسوقها
ثانياً :- التوكيل ملوش مصلحة انه يقولى على مواصفات ويجيب عربية مواصفات تانية اقل من الى قال عليها
ثالثاً :- كل المواصفات الى انا قولت انها هتنزل فى العربية بناءاً على معلومات اخذتها من مدير مبيعات التوكيل نفسة يعنى مش من كلام الناس ولا الفضفضة ولا توقعات ولا مفاجاة
رابعاً :- التوكيل مش فاشل ولا حاجة انا كنت شارى ابيزا 2001 من التوكيل وبعتها يناير 2009 وكنت بعملها صيانة فى التوكيل والحمد لله عمرى فى المدة كلها ما اشتكيت لا من العربية والوكيل
خامساً :- لسيت كثرة المبيعات دليل على فشل او نجاح الوكيل او المنتج يعنى مبيعات البورش فى مصر استحالة تكون زى مبيعات ال BMW او المتسوبيشى او الكيا ابداً
ومش معنى كدة ان توكيل بافاريا فاشل مثلاً عشان مبيعات المينى كوبر قليلة مثلا
كل عربية ولها زبون يقدرها
سادساً :- الحمد لله قطع غيار السيات متوفرة فى التوكيل وعند محلات اخرى كتير زى فتح الباب مثلاً وعلى فكرة يمكن اسعار قطع غيار الالمانى عامة غالية نسبياً مش السيات بس
ولكن عمرها طويل وبالمقارنة بالعربيات اليابانى والكورى
انا شايف الفرق مش كبير اوى فى الاسعار انا كان معايا لانسر 2007 كان فلتر البنزين بتعها بـ430 جنية وفلتر البنزبن بتاع الابيزا كان 85 جنية
واخيراً اختلاف وجهات النظر لا يفسد للود قضية
كل هذه الاختلافات تصب فى النهاية فى مصلحتنا جميعاً