فتح باب الحجز للابيزا 2010- توكيل

**hatemahmed75** · 14-11-2009 04:04 PM

السلام عليكم ورحمة الله وبركاتة

خبر كويس لعشاق الابيزا وخصوصاً 2010

امبارح اتصلت بتوكيل السيات (الشركة الهندسية للسيارات- SMG) فرع 6 اكتوبر وسالت على الابيزا 2010 والحمدلله قالولى ان باب الحجز اتفتح بمبلغ 5000 جنية (وفى حالة الغاء الحجز تسترد المبلغ بالكامل دون خصم اى مليم ) والعربية ان شاء الله هتوصل على نص شهر ديسمبر 2009.

بس للاسف لسة سعر العربية النهائى لم يحدد بعد والبسبب ان سعر اليورور مش مستقر اليومين دول.
بس فى الغالب هتزيد عن سعر الخليجى وهتكون فى حدود 120000 طبعاً الكاملة اتومتيك تبترونك.

العربية نازلة فيها كل الكماليات الى موجودة فى الخليجى ويزيد عليها ان الزجاج الخلفى كهرباء بس الاختلاف ان الفتيس الى نازل فيها زى فتيس الفيكترا والاسترا بس من انتاج شركة فولكس فاجن
بصراحة انا مش عارف اسم الفتيس الجديد اية واية مميازاتة وعيوبة .
وطبعاً فى اختلاف جوهرى الا وهو الضمان
على فكرة الى ناوى يحجز ان شاء الله يدخل على هنــــــــــــــــا ويتفرج على الالوان ويختار ربنا يوفق الجميع
وهنا كمان ارقام تلفونات وعناوين الوكيل
وجزاكم الله خيراً

**Tayer** · 14-11-2009 06:24 PM

هيا نزله بزجاج فاميه ولا ايه ؟

**hatemahmed75** · 14-11-2009 08:06 PM

المشاركة الأصلية كتبت بواسطة Tayer

هيا نزله بزجاج فاميه ولا ايه ؟

تقريباً زجاج عادى

**masterzmind** · 15-11-2009 01:20 AM

شكراااا اوى على الاخبار الجميلة دى بس لو 120 تبقى غالية اوووووووووووووى مفتكريش خالص انها هتعمل سوق بى السعر دة المفروض تنزل ب 115 ليها منفسين كتير زى الفيات برافو وسكودا مينى والله اعلم

**masterzmind** · 15-11-2009 01:25 AM

انت قصدك على الفتيس الجديد ال هوة 7 سرعات تيبترونيك انا لما روحت ملقتيش فى الخليجى غير الفتيس 6 سرعات وعلى فكر vw مش بتنزل اى تكنولوجيا جديدة غير فى عربيتها الاول بعد كدة فى اسكودا وسيات

**ehab_mansour** · 15-11-2009 08:04 AM

جزاك الله خيرا علي المعلومات الرائعة

**esp** · 15-11-2009 03:23 PM

محدش عندو المواصفات الكامله او المختصره.....؟

**kareemhisham** · 15-11-2009 03:28 PM

الف شكر على الاخبار الجميلة دى ..

انا بحب العربية دى جدا و بقدرها فعلا ..

بس على فكرة العربية لو نزلت بالdsg سعرها هيضرب فى السما

انا اتوقع انها هتنزل بالفتيس الفى الفابيا عشان سعرها بنافسها

**hatemahmed75** · 15-11-2009 10:57 PM

المشاركة الأصلية كتبت بواسطة kareemhisham

الف شكر على الاخبار الجميلة دى ..

انا بحب العربية دى جدا و بقدرها فعلا ..

بس على فكرة العربية لو نزلت بالdsg سعرها هيضرب فى السما

انا اتوقع انها هتنزل بالفتيس الفى الفابيا عشان سعرها بنافسها

فعلاً كلامك مظبوط الفتيس ال dsg هيخلى سعر العربية غالى
بس فى التوكيل فرع اكتوبر قالولى ان العربية نازلة بفتيس زى الى فى الفكترا والاسترا بس بتاع فولكس فاجن
وبصراحة انا اسمع ان فتيس الفابيا تيبترونيك مش ايزيترونيك