انا شوفت الفيديو اللى فية ازاز الاتوبيس متكسر فى لاحظت حاجات غريبة !!
اولا هو غالبا فى حد رمى طوبة فعلا
ثانيا الفندق دة جوة المطار دول كانوا نازلين فى لوباساج , اية اللى طلع الاتوبيس على طريق المطار!!
ثالثا لعيبة الجزائر مصورين الازاز من جوة الاتوبيس اتجاة الاتوبيس بيقول ان الجنب الشمال متكسر ولما كانوا بينزلوا من الاتوبيس لما وصلوا الفندق كان الجنب الشمال سليم واليمين متكسر
رابعا توقيتات التصوير مش متظبطة يعنى فى لقطة الاتوبي وهو ماشى فى طريق المطار كان وقت المغرب بس كان لسة فى نور خفيف وفى الفندق ليل والمسافة متجبش الوقت دة
خامسا مستوى تكسير الزجاج تقريبا واحد وجنب الاتوبيس سليم , صعب جدا بحجم الطوب اللى شوفناة يطلع كلة لنفس المستوى واستحالة يبقى كلة فى الزجاج بس خصوصا الاتوبيس كان ماشى مش واقف , احنا مكناش جايبين قناصة يعنى
سادسا شكل الدم بتاع اللعيبة دة مش طبيعى شكلة غريب زى مايكون مش دم وكمان طوبة بالحجم دة لما تتحدف بقوة بحيث تكسر الزجاج والاتوبيس ماشى تعمل ارتجاج مش خطين الدم اللى كانوا باينين
المفضلات