الموضوع: عاوز حد يسعرلى العربيه دى

بلااااااااااااااااااااااا اااااااااش أحسن لك
ابعد عن المازدا وخاصة 929 -عن تجربة-لأن قطع غيارها كلها استيرااااااد ونادرا ما تلاقى عربية مازدا متحافظ عليها
كله متهان مايسواش الفلوس اللى تدفع فيها
20 الف معقول عليها بس ابقى قابلنى لو جابتهم لو نويت تبيع غير اللى هايظهر من تصليح فى الطريق
والله انا باحترم العربية دى جدا بس للأسف تتركب فى زمانها مش دلوقت خالص
فى 2003 والدى اتخبط فى دماغه وراح اشترى واحدة ليمتد تابلوه طيارة فول اوبشن مانيوال ج. الكماليات
بس للأسف ولا كمالية شغالة من اول مفاتيح الازاز الكهرباء للسنترلوك لفتحة السقف والمرايات الكهرباء للتابلوه الديجيتال لمثبت السرعة والفوانيس كلها مفشفشة وغيره ... كان فرحان انها كانت ب20 الف برضه

اول القصيد عمرة موتور كاملة وصيانة عفشة وكاوتشات وحدث ولا حرج كل شوية حاجة تبوظ ومش موجودة زيرو وتقعد تستنى بقى لما الميكانيكى يجيبها استيراد ويجرب هاتنفع يا ما تنفعش ونرجعها ونجيب غيرها وهكذا

أنا حلفت 100 يمين أنى ماركبهاش عشان مارضيش يسمع كلامى واشتراها بالغصب
المهم قعدت سنتين صرف عليها اكتر من 7 الاف وراحت فى 60 داهية وفى الاخر جابت 19 الف بالعافية بعد ده كله

وبعدين دى الحسنة الوحيدة فى العربية دى اقتصادية جدا فى استهلاك البنزين بالرغم من موتورها 2000 سى سى ومهما كانت حالة الموتور مضروبة بالنار ..
مش عارف ليه الاخ صاحبها مغير موتورها بواحد تويوتا ديزل بتاع نص نقل ولا مينى باص !! هى ناقصة عك؟!!

ودى صور ست الحسن والجمال طبعا لما كان فيها الرمق