الموضوع: I 30 s

متوسط استهلاك البنزين للعربية دي هوا 7.5 ليتر لكل 100 كم
انا حسبتها اكتر من مرة

بانتظار تقييمك ياباشا و صور كمان :)
اعذرني انا طماع :)

العربية بجد تتحب
انا صحيح لسه ما كملتش 4000 كم
بس انا كل يوم بحب العربية اكتر
اه طيعا ليا نفس
الملاحظة اللي قالها الاستاذ فهد على العربية وهيا ان العافشة ناشفة شوية
بس العربية ثباتها شديد على الرغم اني لسه ما ركبتلهاش جنوط .. وانسيابية شكلها و ادائها تحسسك انها من فلتات هيونداي
بالنسبة للتقييم الاستاذ فهد عملها تقييم شامل ما شاء الله
ولو ظهرت ملاحظات اكتر هبقى اقولها و اصورها زي موضوع البنزين ده
و يا رب يكون في اعضاء هنا في المنتدى من ملاكها وينضمولنا هنا

انا بمووووووت فى العربية دى بس معايا ال i10 ممكن نعمل رابطة ال i كده علشان مفيش ناس

ربنا يباركلك فيها

سؤال غريب...هي الأحسن و إلا السيراتو؟ مع عدم أخذ المساحه الداخليه و الشنطه في الإعتبار
و ألف مبروك العربيه و مستنيين تقييم شامل بالصور
أصلي بموت في العربيه دي

المشاركة الأصلية كتبت بواسطة monmonmon

انا بمووووووت فى العربية دى بس معايا ال i10 ممكن نعمل رابطة ال i كده علشان مفيش ناس

ربنا يباركلك فيها

اكيد يا باشا .. والله فكرة حلوة .... رابطة ال I
خلاص كل اللي عايز ينضم لينا من ملاك ال I 10 او ال I 30 لحد ما يبقى في انشاء الله ملاك ال I 20

المشاركة الأصلية كتبت بواسطة mohamed_mohsen

سؤال غريب...هي الأحسن و إلا السيراتو؟ مع عدم أخذ المساحه الداخليه و الشنطه في الإعتبار
و ألف مبروك العربيه و مستنيين تقييم شامل بالصور
أصلي بموت في العربيه دي

والله هي المقارنة ليها كذا عنصر
السيراتو بصراحة من العربيات اللي تتحب
واعتقد من معرفتي المتواضعة
ان هما الاتنين نفس الماتور ونفس الثبات وكمان نفس الخامات والاتنين عفشتهم ناشفة شوية بس يفرفهم عن بعض زي مانتا قلت ان ال i 30 هاتشباك بشنطة صغيرة ولكن مساحة خلفية كبيرة و العكس في السيراتو
وطبعا للهاتشباك عشاقها وللسيدان عشاقها
لكن يفرقهم ان السيراتو في اعلى فئاتها كماليات اكتر من ال i 30
وكمان التوكيل لان توكيل كيا الفيد باك من عنده معظمه كويس والعكس في هيونداي
انا شخصيا بعمل صيانتي في مركز خدمة مريحني و ما عنديش معاه مشاكل .. والله اعلم