تجربة قيادة اللوجان فى قنا الجميلة ؟ و حب من اول نظرة ..

**abohalmos** · 17-11-2009 09:53 PM

المشاركة الأصلية كتبت بواسطة mostafabakry

تقرير ممتاز

بس يا دكتور انت ما جبتش سيرة قنا خالص في التقرير بتاعك
انت بس قلت قنا الجميلة في عنوان الموضوع
هو حضرتك تقصد محافظة قنا و لا حاجة تانية ؟؟؟؟؟؟

طبعا انا اتشرفت بكل واحد رد على التقييم بتاعى ...... و حاجة فرحتنى اوى انه الناس دى مرت على الموضوع بتاعى

انا اسف انى مقولتش حاجة عن قنا

التجربة دى كانت فى مدينة قنا ..... اللى انا ساكن فيها

و انا ساكن فى شارع مستشفى الهلال الاحمر و بشتغل فى نفس المستشفى و بتعب اوى على ما اوصل الشغل ...... بمشى حوالى 50 متر و لا حاجة

و السواقة كانت فى المنطقة دى و حوض عشرة و المحافظة الجديدة و نادى البحر

و اهلا بيك يا مصطفى باشا

من اسمك كده باين انك من المعنا صح ؟؟؟؟؟؟

**MoHaMed HaMeD** · 17-11-2009 10:45 PM

تقرير ممتاز وعربيه موفقه ان شاء الله

**Beam28** · 17-11-2009 11:10 PM

تقييم جميل يا دكتور واجمل ما فيه إنه من شخص محايد لأن جرت العادة ان الناس تنحاز (بنسب متفاوتة) للسيارات اللي بيشتروها عند تقييمها.. عشان كدة تقييمك له رونق خاص

**emann** · 18-11-2009 04:30 PM

ياباشا التوكيل بيقسط بفايدة 12% فى السنة... كتتيير اقوى

**abohalmos** · 18-11-2009 06:03 PM

المشاركة الأصلية كتبت بواسطة emann

ياباشا التوكيل بيقسط بفايدة 12% فى السنة... كتتيير اقوى

متشكر لحضرتك ...... طب ايه التفاصيل و ايه المطلوب بالظبط .؟؟؟؟؟؟؟؟ و اكلم مين و فين ؟

**mostafabakry** · 18-11-2009 10:27 PM

المشاركة الأصلية كتبت بواسطة abohalmos

طبعا انا اتشرفت بكل واحد رد على التقييم بتاعى ...... و حاجة فرحتنى اوى انه الناس دى مرت على الموضوع بتاعى

انا اسف انى مقولتش حاجة عن قنا

التجربة دى كانت فى مدينة قنا ..... اللى انا ساكن فيها

و انا ساكن فى شارع مستشفى الهلال الاحمر و بشتغل فى نفس المستشفى و بتعب اوى على ما اوصل الشغل ...... بمشى حوالى 50 متر و لا حاجة :ka_che1[1]:

و السواقة كانت فى المنطقة دى و حوض عشرة و المحافظة الجديدة و نادى البحر

و اهلا بيك يا مصطفى باشا

من اسمك كده باين انك من المعنا صح ؟؟؟؟؟؟

اهلا بحضرتك يا دكتور

ههههههههههههههه لا انا مش من المعنا ولا حاجة هو بس تشابه اسماء
العبدلله من قـــفـــط

انا دايما بعدي في شارع مستشفي الهلال و علي فكرة انا قريبي د/جاهين

عموما فرصة سعيدة جدا و انا اتشرفت بمعرفة حضرتك
و ياريت القناوية يكتروا في المنتدي و خصوصا قسم الرينو

**mostafabakry** · 18-11-2009 10:59 PM

المشاركة الأصلية كتبت بواسطة abohalmos

متشكر لحضرتك ...... طب ايه التفاصيل و ايه المطلوب بالظبط .؟؟؟؟؟؟؟؟ و اكلم مين و فين ؟

علي فكرة يا دكتور انا مقسط عربيتي من التوكيل مباشرة - فرع الغردقة

بالنسبة للمطلوب انا ممكن ابعت لحضرتك تليفون مهندس مبيعات رينو الأقصر و حضرتك تكلمه و تعرف كل التفاصيل

اما بالنسبة ليا انا فكل اللي طلبوه مني كان صور بأي اصول ثابتة زي عقارات ,شقق تثبت ان عندك دخل يغطي القسط و بس و الحمد لله الوالد عنده عقارات في الغردقة و سفاجا و دا اللي خلاني اقسط مع فرع الغردقة
و بعد ما بياخدوا الأوراق دي بيبعتوها القاهرة عشان تاخد موافقة من ادارة الشركة و خلال يومين تلاتة بالكتير بيردوا عليك و بيبقي التقسيط علي سنتين 24 شهر
بصراحة حاولت اني اخليها 36 شهر ما رضيوش بعد ما وافقوا في الأول رجعوا في كلامهم
طبعا انا دفعت 50% مقدما و تامين شامل عالعربية و انا امنت مع قناة السويس
و بتجيب لهم دفتر شيكات من بنك انت بتتعامل معاه و بتكتب شيك بكل قسط علي حدا و بعدين بتكتب شيك بنص المبلغ المتبقي و تجيب ضامن معاك يكتب شيك بالنص التاني
بصراحة ممش عارف ان كانت لسة الإجراءات زي ما هي و لا بسطوها شوية
و بعد انتهاء الإجراءات دي بتاخد العربية و بيبعتوا يجيبوا افراج العربية و بتبتدي ترخص و بيكتب في الرخصة حظر بيع لصالح الشركة المصرية العالمية للسيارات
و ما فيش حاجة اسمها يحتفظ بنسخة مفتاح عندة
بيسلمك نسختين المفتاح

و علي فكرة هما عاملين اتفاق مع بنك اسمه المؤسسة العربية المصرفية ABC Bank و دا له فرع في الأقصر عند كنتاكي و بيتزا هت و بيتعاملوا معاه كتير و بيبقي فيه تسهيلات كبيرة للتعامل معاه و تقريبا الفائدة 8% علي 5 سنوات و تدفع 25% من قيمة العربية

لو حضرتك عاوز تليفون الناس بتوع البنك دا انا تحت امرك

لكني بصراحة فضلت اني اقسط مع التوكيل مباشرة و اريح ضميري من قصة الربا و الشبهات
و الحمدلله الأمور ماشية كويس حتي الآن

و تحت امرك في اي استفسار

**abohalmos** · 18-11-2009 11:07 PM

المشاركة الأصلية كتبت بواسطة mostafabakry

علي فكرة يا دكتور انا مقسط عربيتي من التوكيل مباشرة - فرع الغردقة

بالنسبة للمطلوب انا ممكن ابعت لحضرتك تليفون مهندس مبيعات رينو الأقصر و حضرتك تكلمه و تعرف كل التفاصيل

اما بالنسبة ليا انا فكل اللي طلبوه مني كان صور بأي اصول ثابتة زي عقارات ,شقق تثبت ان عندك دخل يغطي القسط و بس و الحمد لله الوالد عنده عقارات في الغردقة و سفاجا و دا اللي خلاني اقسط مع فرع الغردقة
و بعد ما بياخدوا الأوراق دي بيبعتوها القاهرة عشان تاخد موافقة من ادارة الشركة و خلال يومين تلاتة بالكتير بيردوا عليك و بيبقي التقسيط علي سنتين 24 شهر
بصراحة حاولت اني اخليها 36 شهر ما رضيوش بعد ما وافقوا في الأول رجعوا في كلامهم
طبعا انا دفعت 50% مقدما و تامين شامل عالعربية و انا امنت مع قناة السويس
و بتجيب لهم دفتر شيكات من بنك انت بتتعامل معاه و بتكتب شيك بكل قسط علي حدا و بعدين بتكتب شيك بنص المبلغ المتبقي و تجيب ضامن معاك يكتب شيك بالنص التاني
بصراحة ممش عارف ان كانت لسة الإجراءات زي ما هي و لا بسطوها شوية
و بعد انتهاء الإجراءات دي بتاخد العربية و بيبعتوا يجيبوا افراج العربية و بتبتدي ترخص و بيكتب في الرخصة حظر بيع لصالح الشركة المصرية العالمية للسيارات
و ما فيش حاجة اسمها يحتفظ بنسخة مفتاح عندة
بيسلمك نسختين المفتاح

و علي فكرة هما عاملين اتفاق مع بنك اسمه المؤسسة العربية المصرفية abc bank و دا له فرع في الأقصر عند كنتاكي و بيتزا هت و بيتعاملوا معاه كتير و بيبقي فيه تسهيلات كبيرة للتعامل معاه و تقريبا الفائدة 8% علي 5 سنوات و تدفع 25% من قيمة العربية

لو حضرتك عاوز تليفون الناس بتوع البنك دا انا تحت امرك

لكني بصراحة فضلت اني اقسط مع التوكيل مباشرة و اريح ضميري من قصة الربا و الشبهات
و الحمدلله الأمور ماشية كويس حتي الآن

و تحت امرك في اي استفسار

ازيك يا مصطفى باشا

ده احنا طلعنا معرفة بقى ....... دكتور جاهين صديق عزيز ليا و تقدر تساله عنه .....

طبعا انا نفسى اقسط مباشر عشان مش عاوز موضوع البنوك ده خااااااااالص عشان الربا و الخوف من الله

طبعا يا ريت حضرتك تبعتلى رقم تليفون مهندس رينو فى الاقصر عشان اكلمه ان شاء الله

ياريت لو حضرتك هاتيجى قنا ...... تكلمنى عشان اتعرف عليك ..... انا رقمى 0169559516 ...... و بليل فى عيادة الحجاز اللى جنب الهلال .......

بالمناسبة عربيتك لونها ايه ؟؟؟؟؟ و اكيد فول اوبشن صح ؟؟؟؟؟؟؟

و حضرتك طالب و لا بتشتغل ؟؟؟؟؟؟