أعمل ايه مع الأسد العجوز ؟

**nour2007** · 18-11-2009 11:02 AM

بيع واشتري نفسك من الصنايعيه وافتكاستهم

**husseinoo** · 18-11-2009 12:31 PM

هى المسألة مادية بحتة

لو فيه عربية عائلية فيكى يا مصر "تقدر تسد" مكان البيجو 504
وتقدر تشتريها هاقول لك اتوكل على الله وبيعها وانت مطمئن

هاتقول
لادا "خشنة وزى الطوب"
سوزوكى سويفت "لو ركب فيها 3 هاتلمس الارض"
كيا برايد "عايزة اسرة صغيرة ... اب وام واطفال صغار وشكرا"
فيات 128 "صديقة الميكانيكى"

لا يوجد غير
اللانوس
وانت طالع ... فيرنا ... لانسر ... الخ
وطبعا دول عايزين حساب تانى .... معاك تدخل فى الفئة دى "توكل على الله"

مع أطيب التمنيات
اخوكم حسين غزالة

**alhourriah** · 18-11-2009 12:44 PM

أنا رأيي إنك توضبها وتخليها معاك لأنك مهما دورت مش حتلاقي أحسن من العربية دي. حتى يقدر الله وتنوي تشتري حاجة جديدة.

**MaZaGAngeE** · 19-11-2009 11:50 PM

المشاركة الأصلية كتبت بواسطة alhourriah

أنا رأيي إنك توضبها وتخليها معاك لأنك مهما دورت مش حتلاقي أحسن من العربية دي. حتى يقدر الله وتنوي تشتري حاجة جديدة.

ما هيه دي المشكلة .... هجيب ايه بدل الأسد ؟؟؟؟؟؟؟
أنا محتاج عربية كبيرة ممكن تاخد البيت كله و طبعا كلكم عارفين الستات و كراكبيهم اللي 90% منها مالهاش لازمة و بتاخدها معاها عشان يمكن تحتاج حاجة منها و العيال اللي عايز العجلة بتاعته و اللي عايزة العروسة بتاعتها .....
من فترة و أنا بفكر أجيب ايه بدالها بس مش لاقي
الماتريكس صغيرة و مافيهاش شنطة
الكارينز كويسة بس شكلها مش حلو
فولكس غالية جدا
حد عارف ايه ينفع بدال الأسد ؟؟؟؟؟؟؟؟؟؟؟؟

**hossam_elwani** · 20-11-2009 12:39 AM

اولا بيع واخلص التوضيب بلاعة فلوس ومش حتخلص ومش حتتعمل زى ما انت عايز اسمع كلامى انا مجرب مش بيقولو اسأل مجرب ولا تسأل طبيب انا كان عندى 504 صالون وفكتها بالحته وعملتها عند احسن صنايعية الناس بتشهد لهم وجبت ليها احسن قطع غيار فى السوق وفى الاغلب فرنساوى ومع ذلك النتيجة مخيبة للامال ومبالغ رهيبه وصلت لـ 12000 جنيه فى 1998 يعنى 30000 النهارده

ثانيا مين اكد معلومة ان 504 حتتصنع تانى من جديد كله اقتراحات غير مؤكده على حد علمى..... الى عنده كلام مؤكده بخصوص الموضوع ده يرد

**MaZaGAngeE** · 20-11-2009 02:23 AM

المشاركة الأصلية كتبت بواسطة husseinoo

ممكن بعض التفاصيل أكثرعن حالة العربية
حجم السمكرة
قليل ... مفيش خبطات و لا حاجة يمكن شوية ظبط صغيرين
أنا عملت عمرة ليها من 8 سنين و جبت طقم قشرة صاج للأبواب و جبت باب شنطة و شنب و مراية .
لو فيه بارومة هل منتشرة فى السيارة كلها ولا فى اجزاء معينة
هنحتاج نغير العتب و فيه شوية بارومة في الأرضية و في الداير بتاع العجلتين اللي قدام
حالة الدهان مقبوله ... عادية موش وحشة قوى .... جيدة
الدهان عادي
حالة العفشة هل تحتاج الى تغيير شامل او اصلاح اجزاء معينة
العفشة محتاجة ظبط بس غالبا
حالة الفاونيس والاشارات والعدادات والاكصدامات وشغل الكهرباء فيها
الفوانيس كلها كويسة و شغالة و الاشارات شغالة الاكصدامات كويسة جدا بس العدادات مش شغالة و الكهربا محتاجة شوية ظبط
حالة الفرش من الداخل والتابلوه ... مقبوله .. متوسط ... جيد
الفرش حالته كويسة و التابلوه جيد و سليم مش مقطع و لا مكسر منه حاجة
حالة الحوض والشنطة والقوئم هل تعرضت لحادث لا قدر الله ام فابريكة
الحوض مرشوش نظافة ( عدم خبرة مني و عدم ضمير من الصنايعي ) الشنطة كويسة بس محتاجة قفل جديد عشان الموجود بيعلق القوايم كويسة و لو قصدك حوادث كبيرة محصلش حوادث ليها قبل كده ( أنا أول مالك ليها )
واخيرة حالة الموتور تساوى كام فى المايه % يعنى ما هى المدة التى تتوقع ان يستمر فيها الموتور للعمل بكفاءة صيانته هل يحتاج طقم شنبر فقط ام عمرة كاملة
الموتور أظن 75% بس محتاج شوية رفايع حواليه زي طقم اصلاح للكربيراتير و لماستر الفرامل يعني ترويق بس
وطبعا لو قدرت تكتب تكاليف كل موضوع
أنا مش عارف الكلام ده هيصرف قد ايه بس العمرة اللي فاتت صرفت 7000 جنيه عشان كده أنا مقدرها ب 15000 دلوقتي

**MaZaGAngeE** · 20-11-2009 02:29 AM

انا عرضتها في المنيا على 30000 و فيه ناس جايالي بكرة عشان تشوفها و تقدرها

**husseinoo** · 20-11-2009 02:00 PM

اشكر حضرتك على سعة صدرك
وانك اجبت بشكل وافى على اسئلتى الكتيرة

واهم حاجة استفدت منها
هى ماذا تتوقع هاتصرف على ايه ؟
لو اشتريت سيارة مستعملة من خلال سعرها هاتعرف الحالة بتاعتها تقريبا

لكن الغريب انك كنت طالب 22000

واليوم طالب 30000

مع أن المفروض ان موضوع رش الحوض ده "يؤثر جامد فى سعر العربية"

ممكن اعرف ايه المقصود "بالداير بتاع العجلة" - "طقم قشرة صاج للأبواب - شنب "

النسبة لضبط العفشة "تقصد تحتاج الى تغيير مساعدين وييات"
ام ملىء المساعدين فقط لا غير

مع اطيب التمنيات
اخوكم حسين غزالة