باركولى اشتريت نوبيرا

**د.احمدالشافعى** · 18-11-2009 10:25 PM

مبروك وربنا يديك خيرها و يبعد عنك شرها

**mummy_47** · 19-11-2009 09:18 AM

مبروك الف مبرك...بكده تبقى بصرة....انا وانت اوتوماتيك.......لكن مش غريبة انك اخترت اوتوماتيك مش عادة رغم كل اللي بيقال عن مشاكلها...انا مقتنع تماما ان كل شئ لو استخدمته صح هيفضل شغال صح وشغال ميه ميه...والعالم كله دلوقتي بيتجه للاوتوماتيك والراحة وخصوصا هنا في شواره المحروسة...

الف الف مبروووووووووووووووووووووو ك مرة اخرى

**Michael_Lanos** · 19-11-2009 09:24 AM

الف مبروك زاهلا بيك فى عائله دايو
فرجنا بقه على الصور وظبت المسائل

**vespa** · 19-11-2009 11:03 AM

مبروك يا باشا وربنا يديك خيرها و يبعد عنك شرها

**mmahermf** · 19-11-2009 11:35 AM

المشاركة الأصلية كتبت بواسطة momohsen

الف شكر لكل الناس اللى باركولى و دعولى و ربنا يكرم و ابدأ عملية الصيانة و هبدأ بالمقصات.يا ريت لو حد يعرف ميكانيكى دايو كويس و يكون قريبمن مدينة نصر ينصحنى بيه لان بصراحة محمد عبدة بعيد اوى عليا.

ألف مبروك وربنا يديك خيرها ويكفيك شرها..

بالنسبة للميكانيكي طبعا نمره واحد محمد عبده ولكن بما انك عايز واحد قريب ومتخصص برضو فعليك وعلى ربيع الميكانيكي وهو بشارع خضر التوني خلف الجامع وهو متفرع من يوسف عباس وممكن توصل عند الجامع وخش على رجلك وخد حد من عنده يدخلك لأن الحته ملخبطه شوية..
بالنسبة للمقصات الاسباني أنا لسه جايبهم من عند ابو الحسن من 10 ايام ب450 جنيه وهم متوفرين عنده.

وربنا يوفقك.

**محمد فريد** · 20-11-2009 01:14 AM

مبروك

**MoHaMed HaMeD** · 20-11-2009 01:34 AM

الف مبروك

**أبو صلاح** · 20-11-2009 01:38 AM

الف الف مبروك ياباشا
ربنا يباركلك فيها ويكفيك شرها

**MoMohsen** · 20-11-2009 02:16 AM

المشاركة الأصلية كتبت بواسطة mummy_47

مبروك الف مبرك...بكده تبقى بصرة....انا وانت اوتوماتيك.......لكن مش غريبة انك اخترت اوتوماتيك مش عادة رغم كل اللي بيقال عن مشاكلها...انا مقتنع تماما ان كل شئ لو استخدمته صح هيفضل شغال صح وشغال ميه ميه...والعالم كله دلوقتي بيتجه للاوتوماتيك والراحة وخصوصا هنا في شواره المحروسة...

الف الف مبروووووووووووووووووووووو ك مرة اخرى

بص يا فندم انا مقتنع ان كل حاجة طالما بتتصان كويس عمرها ما هتعمل معاك مشكل و انا سألت ناس كتيرة و عملت ابحاث عن فتيس النوبيرا و وصلت فى الاخر لنتيجة واحدة وهى ان الفتيس حساس و محتاج صيانة دوريه و فيه عيب فى الريداتير هو اللى بيبوظ الفتيس بس برضة ليه اعراض ودة كان حصل مع واحد صاحبى قالى انه كان بيلاقى زيت على الوش فى قربة المياة ودة كان مؤشر ان الريداتير كان باظ و الزيت دخل على المياة و فضلت العربيه ماشيه بالعيب دة حوالى شهرين قبل ما الفتيس يبوظ خالص و يغيرة.

المشاركة الأصلية كتبت بواسطة michael_lanos

الف مبروك زاهلا بيك فى عائله دايو
فرجنا بقه على الصور وظبت المسائل

الله يبارك فيك يا مايكل باشا و انا بس اظبط الصيانة و ارفع الصور عالطول

المشاركة الأصلية كتبت بواسطة mmahermf

ألف مبروك وربنا يديك خيرها ويكفيك شرها..

بالنسبة للميكانيكي طبعا نمره واحد محمد عبده ولكن بما انك عايز واحد قريب ومتخصص برضو فعليك وعلى ربيع الميكانيكي وهو بشارع خضر التوني خلف الجامع وهو متفرع من يوسف عباس وممكن توصل عند الجامع وخش على رجلك وخد حد من عنده يدخلك لأن الحته ملخبطه شوية..
بالنسبة للمقصات الاسباني أنا لسه جايبهم من عند ابو الحسن من 10 ايام ب450 جنيه وهم متوفرين عنده.

وربنا يوفقك.

الف شكر يا باشا على ردك و هشوف الميكانيكى دة ان شاء الله .بس هو المقصات الاسبانى غاليه كدة ليه دة انا سألت على الاصلى كانو بـ300 تقريبا .
انا كان ليا استفسار انا المقصات سليمة لكن الجلب هى اللى بايظة فالافضل اغير المقص كامل ولا لو غيرت الجلب هتبقى كويسه بردة.وايه احسن نوع بعد الاسبانى؟