طب لو أضفنا فيات بونتو ، ياتري مين يكسب؟ بونتو ولا m11؟
عرض للطباعة
طب لو أضفنا فيات بونتو ، ياتري مين يكسب؟ بونتو ولا m11؟
البونتو فئة و الـ m11 فئة تانية خالص
لم يتفق أحد فالاراء كلها متضاربة و كده أنتوا حيرتوا الراجل هل يشترى m11 أم لا و العديد من رواد المنتى أشادوا بها بس بأمانة لا توجد مواضيع كاملة جيدة لتقييمها لذا نصيحتى لك تريث حتى يكون هناك تقييم واضح و اكيد لـm11 كسيارة جديدة فى مصر قبل اتخاذ قرار الشراء لان مش كل يوم بنشترى عربية
بس دا ممكن يكون حظه كده ومش على مستوى التعميم والأيام الجاية هاتثبت صحة الكلام ده من عدمه لأن العربية بدأت تنتشر بسرعةاقتباس:
هي دي قلة الضمير
بداية أوضح أنني لم أكن أنوي إبقاء السيارة معي لما بعد قطعها لمسافة 30000 كم يقيناً مني أنني سألقى من المشاكل الكثير بعد قطع السيارة لهذه المسافة ولكني عجلت ببيعها عند مسافة 23000 كم رأيي الشخصي (ولك أن تقبله أو ترفضه): السيارة للوهلة الأولى تجعلك تنبهر بها فقدت دفعت فيها مبلغ 60000 جنيه وفي مقابل هذا السعر حصلت على سيارة تبدو فخمة وعائلية ورحبة داخلياً وذات تسارع جيد وتابلوه أنيق ونظام صوتي أكثر من رائع، وتكييف معقول ومرايات كهربائية و4 زجاج كهربائي وأماكن حفظ كثيرة وصندوق أمتعة كبير جداً وجنوط أنيقة ..كل هذا بـ 60000 جنيه يابلاش !!! استلمت سيارتي وأعجبتني كثيراً من حيث الأداء واختبرتها كثيراً وكانت جيدة، ولكن مع أخذ المعطيات السابقة في الاعتبار أجدها جيدة ، ولكن تُحدثني نفسي بأنها لن تكون معمرة، أتسارع بها كثيراً وأُناور وتُشعرني بثباتها ولكني أتراجع وألتزم سرعة مناسبة قائلاً لنفسي قد يكون بها عيب ما خفي لا أعرفة ويتسبب فيما لن يُحمد عقباه ..تُحدثني نفسي دائماً برداءة الصناعة الصينية فأجد نفسي في حيرة بالغة من أمري ، تحقق ظني وظهرت عيوبها وبدأت بعد قطع الألف الأولى من مسيرتها بعيب شديد (كنت قد تحدثت عنه باستفاضة في كونتاكت) وهو أنها كانت تُبطئ من سرعتها وهى على سرعة عالية وكأنها فصلت أو بالفعل كانت تفصل وذهبت لها للتوكيل يوم أربعاء واستلمتها يوم السبت بعد أن أقنعوني أنهم قاموا بتغيير طلمبة البنزين والفلتر وبعض الحساسات ومعرفش إيه ، المهم العيب دا مارجعش بس كان دايما في تفكيري وخايف من تكراره خصوصاً إنه ممكن يؤدي إلى كارثة ..لكن الحمد لله لم يتكرر ومن هذا التوقيت (عند الألف كم) وبدأت رحلات المعاناة المكوكية إلى التوكيل (في الصحراوي وجسر السويس بعد افتتاحه وياريتهم لم يفتتحوه قاتلهم الله) تخبلوا مستلم عربية من الأول فيها عيب في طارة الدركسيون وعلى مدار سنة كاملة تقريباً يقولوا إنهم طالبين ليا طارة !!!!!!!! (طبعاً كلام فاضي وقلة أدب) موضوع التيل اللي من أول ماستلمت العربية وهو بيصفر ويفرج عليا الناس وكأني أوتوبيس نقل عام كحيان وتسأل تلاقي اللي يقولك ياباشا هايتغير على حساب التوكيل لأن دا عيب صناعة وناس تانية تقولك عيب صناعة إيه دا كويس وزي الفل مش هانغير حاجة التيل من المُستهلكات وهايتغير على حساب جنابك ..ماشي ياسيدي جنابي بيقولك غيره .. اتغير ..
أنا بس حبيت أنقل رأي واحد من ملاك السيارة دي علشان تاخد بالك من النقط اللي اتكلم عليها
لكن انطباعي الشخصي إنها عربية محترمة ومتفوقة على الأفيو بالكماليات اللي فيها وثباتها واستهلاكها للبنزين وسعرها
وربنا يوفق
يا جماعة ركزوا شوية دى بيتكلم على الـ a516
بس انا اول مرة اشوف المشاكل دى كلها فى عربية واحدة
والله انا شايف سحبها كويس بس هيا بتعتمد علي طريقة السواقة ..... لو انت محضر للمتور كويس يعني علطول الrpmعلي 3 و ده مش عالي خالص ده بالعكس مافيش صوت للمتور عليه هتلاقي السحب زي الفل ..... مع مراعاة فرق الحجم و الوزن مابين ال m11و الافيو .....
انا كنت عامل مواضيع مطولة عن العربية اول ماجبتها ممكن تدخلوا لو تحبوا .... هتلاقوها في اهم مواضيع القسم
http://www.nilemotors.net/Nile/100589-m11.html
http://www.nilemotors.net/Nile/104614-a.html
http://www.nilemotors.net/Nile/99352-m11.html
طيب استنى شوية لحد لما m11 تنتشر ويتعرف مزاياها وعيوبها او اسال حد يكون راكبها وبعديها قرر تعمل اية
وخد بالك الاسبرانزا قطع غيارها غالية ومش متوفرة الا فى التوكيل
شكرا بجد ياجماعة على كل الاراء دى ومع حبى واحترامى للاسبرانزا ان ربنا وفقنى واشتريت تيريوس 2008 والحمدللة تمااااااام ...