ابيع الافيو واشترى m11 ولللا لا
السلام عليكم ... انا بجد حيران جدا جدا وياريت تساعدونى بجد انا من زمان كان نفسى فى اسبرانزا بس الناس خوفونى من الصينى ولما اشتريت جبت الافيو السيدان الكاملة المصرى بقالها معايا سنة ؟؟ ولما نزلت ال m11 انبهرت بالاسبرانزا تانى وكمان التيجو كانت عجبانى اوى بس للاسف من جوة الصالون فقير شوية المهم والسؤاااااااال اللى عايزكوا تجوبونى علية ؟؟؟ هل ابيع الشيفورلية الافيو واشترى ال m11 وللا لا واية الاسباب ؟ سواء ايوة او لا ارجوكم تجوبونى لان انا فى خلال اليومين دول هبيع عربيتى الافيو .... وشكرا جزيلا ....:rfds:
دا رأي واحد من موقع كونتاكت كارز
اقتباس:
هي دي قلة الضمير
بداية أوضح أنني لم أكن أنوي إبقاء السيارة معي لما بعد قطعها لمسافة 30000 كم يقيناً مني أنني سألقى من المشاكل الكثير بعد قطع السيارة لهذه المسافة ولكني عجلت ببيعها عند مسافة 23000 كم رأيي الشخصي (ولك أن تقبله أو ترفضه): السيارة للوهلة الأولى تجعلك تنبهر بها فقدت دفعت فيها مبلغ 60000 جنيه وفي مقابل هذا السعر حصلت على سيارة تبدو فخمة وعائلية ورحبة داخلياً وذات تسارع جيد وتابلوه أنيق ونظام صوتي أكثر من رائع، وتكييف معقول ومرايات كهربائية و4 زجاج كهربائي وأماكن حفظ كثيرة وصندوق أمتعة كبير جداً وجنوط أنيقة ..كل هذا بـ 60000 جنيه يابلاش !!! استلمت سيارتي وأعجبتني كثيراً من حيث الأداء واختبرتها كثيراً وكانت جيدة، ولكن مع أخذ المعطيات السابقة في الاعتبار أجدها جيدة ، ولكن تُحدثني نفسي بأنها لن تكون معمرة، أتسارع بها كثيراً وأُناور وتُشعرني بثباتها ولكني أتراجع وألتزم سرعة مناسبة قائلاً لنفسي قد يكون بها عيب ما خفي لا أعرفة ويتسبب فيما لن يُحمد عقباه ..تُحدثني نفسي دائماً برداءة الصناعة الصينية فأجد نفسي في حيرة بالغة من أمري ، تحقق ظني وظهرت عيوبها وبدأت بعد قطع الألف الأولى من مسيرتها بعيب شديد (كنت قد تحدثت عنه باستفاضة في كونتاكت) وهو أنها كانت تُبطئ من سرعتها وهى على سرعة عالية وكأنها فصلت أو بالفعل كانت تفصل وذهبت لها للتوكيل يوم أربعاء واستلمتها يوم السبت بعد أن أقنعوني أنهم قاموا بتغيير طلمبة البنزين والفلتر وبعض الحساسات ومعرفش إيه ، المهم العيب دا مارجعش بس كان دايما في تفكيري وخايف من تكراره خصوصاً إنه ممكن يؤدي إلى كارثة ..لكن الحمد لله لم يتكرر ومن هذا التوقيت (عند الألف كم) وبدأت رحلات المعاناة المكوكية إلى التوكيل (في الصحراوي وجسر السويس بعد افتتاحه وياريتهم لم يفتتحوه قاتلهم الله) تخبلوا مستلم عربية من الأول فيها عيب في طارة الدركسيون وعلى مدار سنة كاملة تقريباً يقولوا إنهم طالبين ليا طارة !!!!!!!! (طبعاً كلام فاضي وقلة أدب) موضوع التيل اللي من أول ماستلمت العربية وهو بيصفر ويفرج عليا الناس وكأني أوتوبيس نقل عام كحيان وتسأل تلاقي اللي يقولك ياباشا هايتغير على حساب التوكيل لأن دا عيب صناعة وناس تانية تقولك عيب صناعة إيه دا كويس وزي الفل مش هانغير حاجة التيل من المُستهلكات وهايتغير على حساب جنابك ..ماشي ياسيدي جنابي بيقولك غيره .. اتغير ..
بس دا ممكن يكون حظه كده ومش على مستوى التعميم والأيام الجاية هاتثبت صحة الكلام ده من عدمه لأن العربية بدأت تنتشر بسرعة
أنا بس حبيت أنقل رأي واحد من ملاك السيارة دي علشان تاخد بالك من النقط اللي اتكلم عليها
لكن انطباعي الشخصي إنها عربية محترمة ومتفوقة على الأفيو بالكماليات اللي فيها وثباتها واستهلاكها للبنزين وسعرها
وربنا يوفق