الموضوع: ابيع الافيو واشترى m11 ولللا لا

dont let the looks and the options fool you...

get the Accent.....or the Getz or Logan or Symbol or Gen 2......

but dont get chinese!

هسالك انا سؤال الافيو وانت بتشتريها كنت مقتنع بيها ولا لا ولو مش مقتنع ايه خلاك تشتريها اصلا

وهل ياتري الافيو تعباك في حاجه فيها مشاكل ولا مش مريحاك ولو ماشيه زي الفل يبقا خلاص خليها معاك وارضي بنصيبك والا هاتكون بتبطر علي نعمه ربنا ولا ايه؟

لو مشاكل الافيو مضايقاك
شوف الاسبيرانزا كل اللي جابها بيشكر فيها
بس لو عايز تجيبها عشان كان نفسك فيها والناس قالت لأ وبعدين العربية اثبتت نفسها وعشان كدة عايز تجيبها يبقي بلاش لانك كدة مش هتخلص لانك بعد ماتجيب الاسبيرانزا وتفكر تاني في الافيو وحصل مشكله في الاسبيرانزا زي اي مشكله عادية في اي عربية هتقول مانا كنت سمعت كلام الناس وبلاش الصيني وهي اصلا كويسة
ارجو تكون الصورة وضحت

another thing....dont think about options....think about resale value

انا رأيي هات الام 11 ... احسن من الافيو بكتيييير ...

بسم الله الرحمن الرحيم

انا بجد يا جماعة شاكر جدا لكم على ارائكم ليا .... انا فعلا كنت مقتنع بالسيارة الافيو اول لما اشترتها بس للاسف لاقيت فيها عيوب مش مريحانى ... اولا هى مش الكورى دى المصرى ثانيا العفشة سيئة جدا جدا "ناشفة عالطريق" باسمع صوت المساعدين + وفى صوت نحر عالى للموتور وانا فى اول الغيار + غووووووول بنزين + التعليق و الثبات على الطريق سيئ جدا وعلى فكرة العيوب دى برضة موجودة فالكورى عندى اصحابى اللى معاهم الكورى بيشتكوا من نفس العيوب.. علشان كدة انا حسيت انها مش مريحانى وطبعا روحت التوكيل اللى فى طريق الاسكندرية الصحراوى اولا المعاملة من العاملين مش على المستوى اللائق يعنى لازم تعمل خناقة علشان تخلص حاجتك ولما شرحتلهم العيوب دى تخيلوا انهم قالولى دى حاجات عادية جدا فى الافيو وتعتبر مش عيوب فيها لدرجة ان انا بقيت اعمل الصيانة خارج التوكيل ؟؟؟
........
المهم انا فعلا مش عارف اخذ القرار السليم و خايف ينطبق المثل الشعبى المعروف لو جبت الاسبرانزا " جبتك يا عبد العين تعنى لاقيتك عايز تنعال ؟؟؟؟ " + السعر اللى ممكن ابيع بة الافيو دلوقتى ممكن ازود علية حاجة بسيطة واشترى ال m11 اما بالنسبة لموضوع اعادة البيع انا شايف ان مفيش فروق كبيرة لو قارنة الافيو او الفيرنا او اللانوس عند اعادة البيع بالاسبرانزا على العموم انا بكرر شكرى لجميع الاخوة فى المنتدى الرائع دة وهستنى ارائكم بفارغ الصبر .... والسلام عليكم ورحمة اللة وبركاتة... خالد