السلام عليكم جميعا
و مساء الخير في وسط غيمة الحزن اللي عمت علي قلوبنا .
عندي سؤال غريب شوية زي ما انتم شوفتوه من عنوان الموضوع
انا النهارده كنت في اسكندرية .. و قررت اتحرك مع الماتش علشان اعرف اطلع من البلد... عديت البوابات بعد صفارة نهاية المبارة ... و اول مرة في حياتي ما احسش بالطريق اطلاقا ... طول الطريق مركز مع الماتش في اذاعة الشباب والرياضة اللي كان ارسالها زي الزفت
من قبل ماتش القاهرة ... قررت اني اعلق علي عربيتي 3 شرايط ستان .. احمر و ابيض و اسود بلون علم مصر... علقتهم علي كبوت عربيتي ... ولاول مرة احس قد ايه حلو العلم
سؤالي ليكم ؟؟ هل شيلتم العلم من العربيات ؟؟
انا مش هاين عليا ... و مش هاشيله .. . تعالوا نخلي العلم .. ونفكر شوية و احنا ماشيين في الطريق اننا ماششين في بلدنا مش ملك حد غيرنا نكسر و نبوظ
تعالوا نخلي العلم ... وتعالوا نحب بلدنا بقي شوية بجد ...
تعالوا نخلي العلم ... ونغيظ اللي بيقولوا علينا همج ... تعالوا نقولهم اننا مش هايفين .. تعالوا نتعلم من الدرس ونحبها بجد
انا مش باحب الكورة قوي .. مش كييف . لكن حبيتها .. عارفين ليه .. علشان وحدت قلوبنا كلنا
شكرا حسن شحاته ... شكرا منتخبنا علي الرغم من عدم الوصول للمونديال ... انا عن نفسي حاسس بالنصر... حاسس باني لسه باحبك يا مصر
تحياتي
اسف للتهييس الشديد ... مش عارف افتح عينيا من الصداع
المفضلات