سيراتو ب 119 الف خليجى

**hemo007** · 19-11-2009 03:56 AM

يا جدعان عاوز رأيكم و نصايحكم أنا هشترى سيراتو خليجى بالمواصفات دى عاوز أعرف منكم هل السعر ده مناسب و لا لا المواصفات هى
1- جنط 16
2- abs
3- تكييف تاتش
4- عداد رياضى
5- سنسور بارك "أصلى مش صوت فقط"
6-مراة الصالون معتمة
7-دواسات و مقابض نيكل
8- اير باج سواق فقط
9-اتوماتيك ستب ترونيك
و باقى المواصفات اللى انتو عارفنيها يا ترى السعر مناسب و لا عالى مع العلم انى شارى بالقسط مش كاش و كمان يا ريت تقولولى أيه أهم الحاجات اللى لازم أراجع عليها و أنا باستلم العربية و ازاى احفظ عليها معلش اخوكو جديد فى الاتوماتيك و ربنا يباركلكم

**ALSHARIEF** · 19-11-2009 10:09 AM

ممكن نعرف حضرتك شوفتها عند أى معرض و هل فيها فتحة سقف و لا لأ و هى مواصفة أى بلد خليجى ؟

**mohamedelrazzaz** · 19-11-2009 10:49 AM

نصيحه و عن تجربه أحسن حاجة تشترى من الوكيل او من موزع معتمد....ال sx وكيل 116,000 و عند الموزعيين بأوفر 5,000 جنية و أحسن فى كل شىْ من الخليجى.

**solid_khaled** · 19-11-2009 01:38 PM

the SX with no sun roof WAkeel IS now for only 119.000 (over priced)ill buy it this week

**hemo007** · 19-11-2009 07:40 PM

العربية فيها فتحة سقف و شاريها من معرض أسمه مونيكا كار فى منشية البكرى مصر الجديدة و مش عارف مواصفات بلد خليجى أيه بالظبط
أنا روحت شفت العربية خاماتها أحسن كتييير من الوكيل لا يعيبها غير عدم وجود الضمان

**mody999** · 19-11-2009 09:06 PM

على فكره ممكن تشترى ضمان ليها و لازم يكون فيها فتحه سقف و ياريت تدينى عنوان المعرض ده لانى هجيب برده بس اللى لاقيتها كان اسينسور صوت بس و بدون مرايات معتمه و برده ب 119
الضمان السنه ب 1100 و السنتين ب 1600 و التلات سنين 2100 انا هعمل كده انشاء الله بس انت كده هتخلينى اروح اشوف المعرض بتاعك ده لانى لاقيتها زى ما بقولك سينسور صوت و مرايات عاديه ..