لو كملت بالرابع على سرعة 30 او حتى 40 هتحتاج تضغط على دواسة البنزين اكتر علشان تاخد تسارع و عزم لان فى الحالة دى سرعة المكنة هتبقى قليلة جدااااا مثلا 1500 rpm بالتالى لما تزود بنزين العربية هتسقف معاك
لانك بدوسة البنزين دى زودت الضغط جوا الاسطوانات (ضغط الهواء) و فى نفس الوقت سرعة المكبس قليلة جدا فالاحتراق هيكون غير طبيعى لان البنزين و الهواء مش بيختلطوا مع بعض كويس و بالتالى هتلاحظ التسقيف (الصفع) و ده خطر جدااااا على المكنة و بيقلل من عمرها الافتراضى على مدى استهلاكك لها..
يبقى احسنلك تجيب التانى و انا ساعات بجيب التالت علشان اريح المكنة و امشى بيه لحد 60 بدل ما اجيب تانى و انقل بعدها على طول تالت
بس لو جبت التالت خلى المكنة تمشى براحتها و متضغطس جامد على الدواسة علشان تاخد تسارع اعلى لانك فى الحالة دى بردوا هتلاقى المكنة بتسقف.. لكن دوس براحه على البنزين و كله هيمشى تمام
المفضلات