الموضوع: إقتراحـــات الرد المناســب على الجزائرييــــن

المشاركة الأصلية كتبت بواسطة أحمد كمال

اعتذر عن رفع الموضوع بس شايفين كلنا و اولكم انا كنا مغيبين و بنخبط في اخواتنا ازاي بتحريض من كلاب النظام السابق؟؟؟؟؟

ياااااه
كويس انك فكرتنا بالايام دي
انا قاطعت المنتدي ايامها تماما وانسحبت منه بسبب الشتائم والاهانات لناس عرب ومسلمين
ورجعت بعد اكتر من 3 شهور
والناس كانت بتستغرب ازاي انا معنديش وطنية وباشتم زيهم
.....
ايامها كان عيد الاضحى .... وكنت باخطب خطبة الجمعة في المسجد اللي جنبنا
وفي اخر الخطبة نوهت ان سب شعب مسلم شيء مش هين .... وكون حد يسب 35 مليون مسلم في الجزائر او 80 مليون مسلم في مصر كدة بيرتكب ملايين الذنوب والسيئات
وعيب اوي ان المسلمين يتخانقو بسبب مباراة كورة والعيب الاكبر ان اسرائيل تعرض انها تتوسط بين مصر والجزائر للصلح وده طبعا مش رغبة في الصلح لكن رغبة في الشماته والتشفي في كلا الشعبين
وقولت كمان اننا في اشهر حرم ويجب ان نراعي ذلك ولا ننساق وراء بعض المغرضين والجاهلين في الاعلام من الطرفين ..... وان الطرفين مخطئين ويجب مراجعة انفسنا ونبذ العصبية التي نهى عنها الدين
اللي حرق دمي .... ان ناس جم كلموني فور انتهاء الصلاة وكانو زعلانين جدا من كلامي كأني بأمرهم بمنكر والعياذ بالله .....ويقولولي انت مش فاهم ... الموضوع مش موضوع كورة الموضوع موضوع كرامة
واللي حرق دمي اكتر ان ناس وطنيين جدا كانو بينادو بتوريث غلاء مبارك بدل جمال عشان كلامة ضد الجزائر في التلفزيون
...
انا ليا رأي ان اللي حصل بعد مباراة مصر والجزائر كانم له دور كبير في قيام الثورة المصرية بعد سنة ونص