أكسنت 1998 .. منخفضة جدا .. ايه الحل

السلام عليكم
يا جماعة ياريت حد يقدر يفيدنى فى الموضوع ده :
انا كنت عايز اشتري عربية هيونداى اكسنت موديل 1998 بس بصراحة ان خايف لان العربية لما بشوفها فى الشارع وهي فاضية بلاقيها واطية قوى - امال لو مليانة هيكون شكلها ايه - مع العلم ان المطبات عندنا عالية بشكل غير عادى
فهل هناك حل للمشكلة دى من غير ما يكون له تأثير على ثبات العربية أو شكلها
ولا أصرف نظر عن العربية دى - بالرغم انها عاجبانى جدا - واشوف حاجة تانية عالية
أنا سمعت ناس بتتكلم عن تركيب كوتش تعلية أو جلب أو تغيير السوست أو تغيير المساعدين بس الحقيقة مفهمتش الحوارات دى كلها
يا ريت لو حد يفيدنا لأنى اعتقد ان المشكلة دى بتواجه ناس كتير وعامله لى صداع وحيرة كبيرة
وشكرا

هي منخفضه بس مش للدرجه يعني طول ماانت في الطبيعي مش هتحك

انما اوزان تقيله وتاخد المطبات ب لا مبالاه هتحك

اما عن قصه تغيير المساعدين ف هي مساعدينها الاوريجنال مش بيدوا ستابيلتي عالي ف ممكن تركب لها مساعدين مونرو قويه وتستحمل

اما عن تركيب كاوتش وحاجات زي كده انا مفهمش فيها ومش بحبها

هى فعلا واطيه و بتحك و انا ركبتها و شوفتها حتى قعدتها من جوا واطيه اوى

و ساعات بتحك بدون تحميل اصلا.. انا معرفش فى موضوع الجلب و الكلام ده بس لى واحد صاحبى معاه سيفيك 92 عنده المساعدين بتعلى و توطى حسب ما هو عايزها ممكن يروح للعفشجى و يعليها او يوطيها.. معرفش ممكن تعمل الموضوع ده فى الاكسنت ولا ايه بتغيير السوست؟؟؟

انا معايا i10 عمرها ما حكت فى مطب الحمد لله و بستغرب جدا!!!!!

ياباشا اي عربيه في شوارع ومطبات مصر لازم هاتحك لان المطبات بتتعمل من غير مواصفات فنيه
بالنسبه لموضوع تعليه العربيه فعادي جداا ممكن تركب كوتش في الياي (السوست) وهاتعلي عادي والكاوتش اللي بيركب فيه مقاسات علي حسب احتياجاتك انت لو بتحمل في العربيه كتير هاتركب كوتش عريض كدا يعني
اطمن يابااشا الاكسنت عربيه محترمه اوي وثابته كفاءه

وباانسبة لتغيير السوست هل هيفرق ؟

بسيطة كبر ارتفاع الكاوتش مع تعريضه وعن تجربة مع الفيرنا سابقا

ممكن التوضيح اكثر لو سمحت

الاسهل تغيير مقاس الكاوتش لمقاس اكبر يعللى العربيه 1 سم

هو المقاس الاصلى بتاع العربيه كام ؟

اقتباس:

---

المشاركة الأصلية كتبت بواسطة semsem_inside

ممكن التوضيح اكثر لو سمحت

---

انا عامل الموضوع ده فى ال i10 عندى بس العربية اصلا مش بتحك فى المطبات نهائيا حتى مع التحميل الحمد لله.. معايا ماتريكس ممكن تحك فى مطب معين و ال i10 لأ

الكاوتش الاصلى كان 155/70

حيث ان 155 ده عرض الكاوتش بال ملي متر يعنى 15.5 سم

و 70 دى نسبه من العرض اللى هو 155


غيرت الكاوتش لمقاس 175/70

يعنى عرضه بقى 175 مم

و ارتفاعه زاد لان العرض زاد
و العربية عليت عندى 1.5 سم عن الارض

بس خد بالك انت بالطريقة دى هتزود ال sidewall بتاع الكاوتش.. يعنى الجزء المطاطى الاسود و ده ممكن يعرض العربية انها تعوم فى الغرز الجامده و السرعات

و خد بالك لان الاكسنت اصلا ثباتها مش قوى يعنى زى ال i10 و ده رأى واحد معاه الاكسنت و ساق عربيتى كذا مره.. و لقيت عنده حق لان ابعاد العربيتين قريبين جداااا من ناحية ال wheelbase , front track , rear track الفروق لا تتعدى 2 سم و حتى الاكسنت وزنها مش عالى

كمان انا قبل تغيير الكاوتش العربية عمرها ما عومت منى فى اى غرزه و انا اصلا باخد غرز كتيير و صعبه

مع الكاوتش الجديد ده العربية عومت منى مره بس مش تعويم اوى هى ظهرها اتحرك يمين و شمال مره او مرتين و هى ماشيه فى حارتها و على يمينى صف عربيات راكنه و شمالى فى عربية ماشيه و عربيتى فضلت فى حارتها فلا تعتبر تعويمه غير انى انحرفت جامد بالعربية و خطفت الدريكسيون يمين فى شمال بسرعه

ف خد بالك متعليش العربية اوى

يا جماعة انتوا بتتكلموا عن كاوتش بيركب فى السوست زى جلبة تعلية
ولا بتتكلموا عن تغيير كاوتش العربية

اقتباس:

---

المشاركة الأصلية كتبت بواسطة semsem_inside

يا جماعة انتوا بتتكلموا عن كاوتش بيركب فى السوست زى جلبة تعلية
ولا بتتكلموا عن تغيير كاوتش العربية

---

كاوتش العربيه

بس انا فهمت كه ان هيبقى فى مخاطرة فى الموضوع ده على السرعات العالية
بالرغم ان الارتفاع اللى زاد مجرد 1 سم
مفيش طريقة ثانية تحافظ على ثبات العربية .. مع العلم انى متخيل الزيادة فى الارتفاع من 5 - 9 سم
-هل تغيير السوست والمساعدين ممكن يعمل النتيجة دى
- أو تركيب جلب تعلية

اقتباس:

---

المشاركة الأصلية كتبت بواسطة semsem_inside

بس انا فهمت كه ان هيبقى فى مخاطرة فى الموضوع ده على السرعات العالية
بالرغم ان الارتفاع اللى زاد مجرد 1 سم
مفيش طريقة ثانية تحافظ على ثبات العربية .. مع العلم انى متخيل الزيادة فى الارتفاع من 5 - 9 سم
-هل تغيير السوست والمساعدين ممكن يعمل النتيجة دى
- أو تركيب جلب تعلية

---

اولا من 5 - 9 دا رقم مهول وينفعش خالص تركب مقاس يعللى المسافه دى كلها

المفروض لو عايز تعللى العربيه يبقى 1 او 2 سم بالكتير كفايه

وفى المقابل انت هاتزود عرض الكاوتش عشان تعوض الفرق والثبات مايبقاش وحش

أولا : كل سنة وانتم طيببين
ثانيا : عنى استفسار : هل الأكسنت 1999 أعلى عن الأرض ولا كيا سيفيا 1999
وشكرا

انا معايا اكسنت ورافعها والحمدلله مبتحكش نهائيا
وعلشان اعوض الاستابلتي اللي راح مني واللي مش حكابر وانكره
حطيتلها جنوط والحمدلله العربية زبطت الاداء وبيست الحياة :)

اقتباس:

---

المشاركة الأصلية كتبت بواسطة ahmdy2002

انا معايا اكسنت ورافعها والحمدلله مبتحكش نهائيا
وعلشان اعوض الاستابلتي اللي راح مني واللي مش حكابر وانكره
حطيتلها جنوط والحمدلله العربية زبطت الاداء وبيست الحياة :)

---

يا ريت حضرتك توضح لنا انت رافعها بأى طريقة وكام سم
وبالنسبة للثبات اتغير كتير بعد ما عملت الموضوع ده والجنوط اللى ركبتها نفس المقاس ولا أكبر

بلاش موضوع الصدادات اللي بتركب لتعلية العربيه عشان خطر

انا ليا تجربة مع الصدادات دى يا جماعة دى بوظتلى الاربع مساعدين بتوع الاكسنت روحت شايلهم ومركب اربع مساعدين يابانى وجنط المقاس العادى بتاعها اللى هو 13/175/70 والله بقت زى الفل ولا بتحك ولا اى حاجة

اقتباس:

---

المشاركة الأصلية كتبت بواسطة ruicosta

انا ليا تجربة مع الصدادات دى يا جماعة دى بوظتلى الاربع مساعدين بتوع الاكسنت روحت شايلهم ومركب اربع مساعدين يابانى وجنط المقاس العادى بتاعها اللى هو 13/175/70 والله بقت زى الفل ولا بتحك ولا اى حاجة

---

أفهم من كدة ان تغيير الأربع مساعدين بمساعدين يابانى هيحل المشكلة
بس ممكن يا جماعة أنا مش فاهم ارتفاع العربية هيزيد ازاى لو غيرت المساعدين .. أنا فاهم زيادة الارتفاع مع تغيير السوست بس ازاى هيزيد مع تغيير المساعدين

لاء انت فهمتنى غلط انا قصدى لما الصدادات بوظتلى المساعدين غيرتهم بحكيلك يعنى
بس الجنط بيديك علو بسيط مابيخليهاش تحك

اقتباس:

---

المشاركة الأصلية كتبت بواسطة ruicosta

لاء انت فهمتنى غلط انا قصدى لما الصدادات بوظتلى المساعدين غيرتهم بحكيلك يعنى
بس الجنط بيديك علو بسيط مابيخليهاش تحك

---

بس حضرتك بتقول غير الجنوط بالمقاس العادى بتاعها .. طيب ايه اللى حصل علشان الاتفاع يزيد
يا ريت التوضيح أكتر من فضلك

والله على حسب معلوماتى ان الجنط ارتفاعة بيفرق عن الفابريكة 1 سم او 2 سم مش عارف بس اللى حصل ان انا من ساعة ماجنطت والحمد لله العربية ماحكيتش تانى

وبالنسبة لثبات العربية اتغير بعد الموضوع ده ولا زى الأول

كويسة يعنى انا كنت مسافر بيها شرم كنت جايب 140 كانت كويسة جدا مش وحشة بس طبعا انا كنت مرصص العجل

بالنسبه للاخ سمسم والاخ ruicosta عن موضوع الثبات

العربيه بتاعتي موديل 99 ومشاء الله بتجيب 160 وبالجنط العادي وكويسه جداا بس اهم حاجه ترصيص الكاوتش لانه بيفرق كتير في موضوع الجري

اقتباس:

---

المشاركة الأصلية كتبت بواسطة modo88

بالنسبه للاخ سمسم والاخ ruicosta عن موضوع الثبات

العربيه بتاعتي موديل 99 ومشاء الله بتجيب 160 وبالجنط العادي وكويسه جداا بس اهم حاجه ترصيص الكاوتش لانه بيفرق كتير في موضوع الجري

---

شكرا جدا على ردك
بس المشكلة انى عايز اشترى اكسنت 1999 بس قلقان من انها قريبة جدا من الأرض ومش عارف ممكن المشكلة دى تتحل ازاى من غير تأثير على ثبات العربية .. يعنى أنا عايز اعرف ايه الوسيلة اللى ممكن زيادة ارتفاع العربية بيها حوالى 5 سم
وشكرا

منا رديت علي حضرتك ياباشا في مشاركه سابقة وقولتلك فيه كوتشات بتتحط علي الياي نفسه بتعلي العربيه والكوتشات مقاسات والتعليه علي حسب ما انت عايز
اما بقا لو عايز مستوي العربيه وتكون مش عاليه وشكلها بايخ ممكن تحت كوتش رقيق فوق في الياي وكوتش تحت بس بكدا هاتستغني عن نعموة العربية نسبيا وصدقني مش واطيه اوي ولا هاتحك زي ما انتا متصور ماهيا معايا وبحمل فيها اوزان ولا بتتشتكي الحمد لله