شكر و مساعدين و بطارية - جوليت 2001 - 66000 كم

**osostheone** · 19-11-2009 02:02 PM

السلام عليكم

سلام مربع مزهر معطر لكل الأخوة راكبى الدايو و اللانوسية بالخصوص

و خالص إعتذارى لعدم المشاركة الفعالة و ما هذا إلا لقلة الخبرة و الإمتناع عن الإفتاء فى اللى ماعرفوش و لكن للحق أنا أستفدت جدا و فهمت كتير و بقيت أقدر أتكلم مع زملائى و أصحابى الركيبة اللى أقل و احد فيهم مشى بعربيته لورا أكتر من اللى أنا ماشيته لحد دلوقتى لقدام. و على طول أستدل بالمنتدى فى مناقشاتى و الحمد لله بطلع كلامى - المقتبس من مشاركات الأخوة الأعضاء - فى الجون فلكم جميعا جزيل الشكر.

نخش بقى على المفيد, حاليا أنا ناوى أعمل حاجتين فى جوليتتى و هما كالتالى:
1- أغير البطارية و أشترى واحدة جافة لأن اللى فى العربية بقت بتعمل حركات قله و خصوصا مع دخول الشتاء و قلة أستخدامى للسيارة و يبدو إن التسخين يوم و يوم بمعدل 10 دقائق معادش محوق فيها و عرفت فيما عرفت إن عربيتى يفضل ليها بطارية 55 مش 70
السؤال: ما أفضل نوع بطارية للسيارة؟ و السعر؟ و بلد المنشأ. و هل هناك أى أحتياطات يجب أتخاذها قبل التغيير و لا مجرد نشيل القديمة و نحط الجديدة و نظبط الساعة و نتكل على الله؟

2-أغير المساعدين الأمامى لأنى ملاحظ أن وش العربية نازل لقدام و عملت أختبار الضغط على المساعد و ملاحظة الإرتداد و بصراحة مقادرتش أحكم قوى بس قلت أكتل على الله و أغيرهم للأمان و المتانة و خصوصا أن العربية - الحمد لله - كويسة و ناوى أخليها معايا فترة مش قصيرة.
السؤال: ما أفضل نوع للانوس 2؟ و السعر؟ و بلد المنشأ؟

و جزاكم الله خيرا
و السلام عليكم

**samirayad** · 19-11-2009 02:06 PM

هات بطاريه ac- delco
وأطمن كويس أن السوست الأماميه عندك تمام
ولا تتعجل فى تغيير المساعدين
لأن طالما وش العربيه نازل بس من قدام ومفيش دربكه وصوت تخبيط مع الحركه وخصوصا فى الطرق اللى مش مظبوطه
والمساعدين مابدبش
يبقى العيب عندك سست وليس مساعدين

**osostheone** · 19-11-2009 03:00 PM

جزاك الله خيرا

المشاركة الأصلية كتبت بواسطة samirayad

هات بطاريه ac- delco

طب تعمل حوالى كام؟ و هل فعلا لازم تكون مقاس 55؟ و بلدها إيه ألمانى و لا أسبانى و لا إيه؟

و شكرا

**samirayad** · 19-11-2009 03:04 PM

طب تعمل حوالى كام؟

قول 300 ج

و هل فعلا لازم تكون مقاس 55؟

لا مش لازم
ممكن تجيب 70 لو عاوز
بس ال 55 شغاله معانا تمام فى النوبيرا والانوس

و بلدها إيه ألمانى و لا أسبانى و لا إيه؟

الحقيقه غير متأكد من بلد المنشأ
فقد تكون سعودى مثلا

**M.Alaa92** · 19-11-2009 04:04 PM

ياريت تبقى جافة وهى بجد بطارية جامدة انا كنت جايب واحدة 70 فى عربيتى السابقة - ريجانا - و الحمد لله ما عملتهاش لمدة سنتين

**MMamdouh** · 19-11-2009 07:06 PM

المشاركة الأصلية كتبت بواسطة osostheone

و خالص إعتذارى لعدم المشاركة الفعالة و ما هذا إلا لقلة الخبرة و الإمتناع عن الإفتاء فى اللى ماعرفوش

و بقيت أقدر أتكلم مع زملائى و أصحابى الركيبة اللى أقل و احد فيهم مشى بعربيته لورا أكتر من اللى أنا ماشيته لحد دلوقتى لقدام.

السؤال: ما أفضل نوع بطارية للسيارة؟ و السعر؟ و بلد المنشأ. و هل هناك أى أحتياطات يجب أتخاذها قبل التغيير و لا مجرد نشيل القديمة و نحط الجديدة و نظبط الساعة و نتكل على الله؟

افضل الانواع فى رائى هى الفارتا و ان كان الAC Delco الاكثر انتشارا دلوقتى و انا مركب منها فى عربيتى و عربية الوالد

سعرها من اسبوعين كان 290 جنية بالبطارية القديمة

الصناعة سعودى

مفيش اى احتياطات... فك و ركب و الراجل حيقيس شحن الدينامو و يديك الضمان

2-أغير المساعدين الأمامى لأنى ملاحظ أن وش العربية نازل لقدام و عملت أختبار الضغط على المساعد و ملاحظة الإرتداد و بصراحة مقادرتش أحكم قوى بس قلت أكتل على الله و أغيرهم للأمان و المتانة و خصوصا أن العربية - الحمد لله - كويسة و ناوى أخليها معايا فترة مش قصيرة.

اختبار الارتداد انك تدوس على كل جنب باقصى ما تستطيع و تسيب العربية ترد لفوق... لو ردت وبعدها هبطت سنة و ثبتت يبقى عادى... لو فضلت تطلع و تنزل يبقى المساعد ضعيف

66 الف كيلو قليل لعى تلف المساعدين فى الاستخدام العادى... ممكن تكون مشكلتك بطاحات او كوبايات او ممكن السوستة نفسها

السؤال: ما أفضل نوع للانوس 2؟ و السعر؟ و بلد المنشأ؟

افضل نوع المونرو (بضمان سنة)

السعر 750 جنية للاربعة و يفضل تغير الاربعة

الانتاج: سوق اوروبية مشتركة

MMamdouh

**samirayad** · 19-11-2009 07:17 PM

و خالص إعتذارى لعدم المشاركة الفعالة و ما هذا إلا لقلة الخبرة و الإمتناع عن الإفتاء فى اللى ماعرفوش

سورى نسيت أشكرك على هذا الكلام الطيب
وكنت أتمنى تقول رأيك عادى برضه
لأفساح المجال للتشاور
يمكن لماتقول فكره وغيرك يقول فكره
نطلع بأفكار كتير
وخللى بالك
العقل المصرى ذكى جدا
وأستاذ فى الحداقه والفهلوه
ويقدر يطلع الحلو من الوحش
أنت معتقد أن أى زميل بيشوفنا نقول رأى معين بينفذه كده وخلاص
أبدأ ....دا بيسأل وبيسأل وكل اللى تتوقعه
دا حيدفع فلوس ياباشا
كلامنا معاه فقط ( مجرد أننا بنفكر معاه بصوت عالى )
وقد نصيب وقد نخطىء
طيب ...........ليه الكلام ده
سمعت أنت عن دكتور بيعالج واحد ويديله حقنه بالتليفون
أبدا ....ماهو لازم يشوف الحاله قدامه ويكشف ويعمل أشعه وتحاليل ومخدر وووووووووووووووووو
وهو ده الهدف من المنتدى فعلا
أصل كلنا بنتعلم هنا فى مجال السيارات
فعندك أنا (على سبيل المثال لا الحصر )
لست خريج هندسه قسم سيارات
وفيه بيننا أطباء وخريجى حقوق وتجاره ورياض أطفال
وكل التخصصات اللى ربنا خلقها
بس مفيش بيننا ( أحمد زويل مثلا )
واللى حاسس فينا أنه عالم فى السيارات
ممكن يألف كتاب فى هندسة السيارات ويطبعهلنا
على الأقل نتعلم منه
بس يعملنا تخفيض بحق زمالة المنتدى
ههههههههههه