محتاج موتور جديد للنوبيرا

**abd_el_7amid** · 20-11-2009 01:28 AM

السلام عليكم
والله الموتور بتاعى خشن شوية و صوته عالى فمعظم الناس الناس نصحونى بتغيره
وقالوا لى من الحرفيين , حد عنده فكرة عند مين هناك وتمنه كام محتاج حد يكون عارف ويكون عارف الناس اللى هناك الله يكرمكوا
السيارة نوبيرا 2001 اتوماتيك محتاج موتور بدون ادوات تغذية
شكرا

**alexcdx** · 20-11-2009 02:29 AM

المشاركة الأصلية كتبت بواسطة abd_el_7amid

السلام عليكم
والله الموتور بتاعى خشن شوية و صوته عالى فمعظم الناس الناس نصحونى بتغيره
وقالوا لى من الحرفيين , حد عنده فكرة عند مين هناك وتمنه كام محتاج حد يكون عارف ويكون عارف الناس اللى هناك الله يكرمكوا
السيارة نوبيرا 2001 اتوماتيك محتاج موتور بدون ادوات تغذية
شكرا

سؤال يا أخى أولا هل صوت الموتور خشن يعنى بتسمع خشونه أو رنه (وره) صوتها جاى من البساتم ولا من الكرنك ولا من البلوف (من أعلى-من الوسط-من أسفل الموتور)؟
عايزينك تتأكد قبل ما تأخذ القرار ممكن يكون من صوت البلوف وديه أمرها ساهل؟
وهل كنت بتغير الزيت فى ميعاده؟

**elwad_crazy** · 20-11-2009 02:32 AM

ليه تغير ماتور عشان صوته عالى؟؟؟؟؟؟؟؟؟

فيه دخان بيطلع من العربيه ؟
بتاكل بنزين معاك؟
بتاكل زيت ؟

**abd_el_7amid** · 20-11-2009 01:30 PM

والله يا جماعة انا متشكر جدا لنصائحكوا وللاسف انا لسه مش كويس قوى فى موضوع السيارات واعطالها وتصليحها لان دى اول مرة اجيب عربية ولكن اللى قالى كده الراجل اللى كنت بغير عنده الزيت و ميكانيكى العربية بقالها معايا 5 اشهر وصوت الموتور عالى من ساعة ماجبتها المهم لو ينفع اقابل حد منكم يشوف اذا كنت فعلا محتاج اغير الموتور ولا لأ يكون لكم جزيل الشكر وجزاكم الله خيرا ...
ياريت يكون بعد العيد لانى مسافر الان.