الموضوع: الشاهين 1400 ولا اللادا 2107

السلام عليكم ورحمة الله وبركاته

نصيحتى لك اللادا ووفر ال 15 الف

الاثنين دفع خلفى زى بعض يبقى انت اولا بالفرق وبناء على تجربتى للدوجان المكيفه انا شايف انها كانت ممله جدا فى السفر وغير متزنه فوق ال 100 كيلو ده غير انها كانت دلوعه جدا كل شويه تطلب قطع غيار

اعتقد ان اللادا أقوى منها كتير ده غير ان سعر اعادة البيع فى اللادا افضل وخصوصا ان ثمنها معقول جدا

استخير ربنا وتوكل على الله وهات اللادا اللون السماوى فيها جميل جدا

نسيت اقولك كمان شئ مهم ان اللادا الكتينه فيها جنزير

مش كاوتش زى الشاهين ومره اتقطعت منى شفت يوم صعب جدا

بصراحه انا رغم انى لااملك خبره فى السيارات الا انى الاحظ ان اللادا اقوى ومعمره عن الشاهين

حيث ان لى زملاء لديهم اللادا من سنين ولازالت بقوتها ورونقها فى حين ان الشاهين اتبهدلت

يمكن الفرق الوحيد بينهم هو فارق السعر وذلك لان الشاهين انعم شويه

ومن الملاحظ فى بلدى على سبيل المثال لدينا الشاهين السواقين عاملينها تاكسى بكثره جدا ولكن هذه الفتره غيروا اتجاههم نحو اللادا بيعملوها تاكسى وهذا بسبب انهم غيروا نظرتهم نحو الشاهين واتجهوا الى اللادا واكيد انهم لاحظوا الفرق لصالح اللادا

والله اعلم

إدفع ما هو مناسب لحالتك المادية إشتر السيارة الماناسبة لذلك المبلغ الذي تملكه
لا ترهق نفسك بالديون والأقساط فإن الديون هموم

يا اخ ابو جهاد
نفس المشكله الى بتحصل كل مره وهى طلب الراى والحيره بين الشاهين واللادا
فالكل يقول
شاهين اكيد
شاهين بالتاكيد
شاهين ناعمة
شاهين ممتازة
وهذه مقارنه خطا
فالصح نقول شاهين ولا فرنا او لانوس
فالكل هيقول
فرنا اكيد
ولانوس بالتاكيد
ياراجل شاهين ايه الى انت جاى تتكلم عليهاديه عربيه من العصر الحجرى
فكيف نقارن بين سيارة ثمنها 43.5 الف وسياره ثمنها 61 الف بالله عليك فالمقارنه غير حقيقيه لابد اولا من توحيد المقامات وبعدين تبدا عمليه المقارنه ففى هذة الحاله ال15 الف ممكن يشيلوا موتور الشاهين بالكامل فعلا بالكامل والكورونا واللات الجر والعفشة وبعدين نقارن بين الهيكل المتبقىمن الشاهين واللادا الكاملة الزيرو
وانا الحمد لله معايا اللادا وعاملة حوالى 20 الف ولم اغير فيها مسمار والحمد لله سوى الفلاتر وطقم الكهرباء فى الصيانه والحمد لله
وارجو منك كما طلبت من اخرين قبلك سوال مالك للادا فقط عن السيارة مش اى حد
وشكرا لجميع الاخوه اللذين شاركوا