ميين كويس في تنظيف السيارات في القاهره ؟؟

**amr123** · 24-12-2009 07:11 PM

طيب يا شباب بينضفو ببخار ولا بميه
انا واحد صاحبى جرب و طنيه فرع الى عند شيراتون قالى العربية نضفت بس كميه مياه مهولة لدرجة ان السقف كان بينقط مياه و ده طبعا مش المفروض يحصل
المفروض ان بيكون شبه جاف عشان ريحة العربية ما تبقاش معطنه

**I.S.L.A.M** · 05-01-2010 12:12 PM

المشاركة الأصلية كتبت بواسطة amr123

طيب يا شباب بينضفو ببخار ولا بميه
انا واحد صاحبى جرب و طنيه فرع الى عند شيراتون قالى العربية نضفت بس كميه مياه مهولة لدرجة ان السقف كان بينقط مياه و ده طبعا مش المفروض يحصل
المفروض ان بيكون شبه جاف عشان ريحة العربية ما تبقاش معطنه

دى لو هتنقط اسيبها بترابها احسن:b4_556:

**dactra** · 05-01-2010 12:22 PM

وطنيه ممتازه جدا انا لسه كنت هناك
غسيل بس بودي صالون موتور وعفشه 28 جنيه

**lovedbaby** · 05-01-2010 05:53 PM

طيب يا جماغة انتوا رأيكو انهى فرع وطنية أحسن (فى القاهرة)
علشان انا عايز أعمل كاركير كمان يومين شكرا ...

**MoToRiZeR** · 05-01-2010 09:47 PM

المشاركة الأصلية كتبت بواسطة lovedbaby

طيب يا جماغة انتوا رأيكو انهى فرع وطنية أحسن (فى القاهرة)
علشان انا عايز أعمل كاركير كمان يومين شكرا ...

بص بصراحة مفيش حاجة مضمونة لأن بيبقي علي حسب العامل اللي هيشتغل في العربية .. انا عن نفسي بعمل تجربة إستكشافية و بروح أغسل برة بس .. لو لقيت عندهم ضمير باخد إسم العامل و أعرف منه بييجي إمتي و أخليه يقوم بالليلة بعد كدة .. لقيته وحش شكراَ و بمشي.

**migo9898** · 10-01-2010 10:35 PM

ياريت لو فى كار كير كويس فى مصر الجديدة حد يقولى وشكرا

**lovedbaby** · 17-01-2010 01:29 AM

حد جرب وطنية اللى فى طريق مصر اسماعيلية

**migo9898** · 17-01-2010 03:36 AM

ياجماعة محدش يعرف كار كير كويس فى مصر الجديدة او مدينة نصر او حتى لحد العباسية فى القاهرة عموما يعنى

**migo9898** · 19-01-2010 08:26 PM

عموما شكرا للردود بتاعتكم واضح ان محدش راح كار كير قبل كدة فى المنتدى هنا كل مسال سؤال تالت ولا رابع مرة ملقيش اجابة

**ahmedyehia515** · 19-01-2010 08:41 PM

المشاركة الأصلية كتبت بواسطة migo9898

عموما شكرا للردود بتاعتكم واضح ان محدش راح كار كير قبل كدة فى المنتدى هنا كل مسال سؤال تالت ولا رابع مرة ملقيش اجابة

بص يا باشا انا اللى بعمله و معرفش ده كار كير ولا لأه, بغسل البودى من بره و الموتور فوم و الفرش و بعمل واكس للبودى و تلميع للجنوط و الكاوتشات.

الموضوع ده بعمله كل فترة بتاع 7-8 شهور كده و فى النص بيبقى غسيل عادى ( ساعات كتير بخلى البواب يغسلها بمية بس) و واكس كل 3 شهور.

بعمل الحوار ده فى بنزينة وطنية اللى جنب سيتى ستارز و بيتكلف بتاع 120 بس يستاهل.

المشكلة انو الناس بتقول غسيل كيماوى للفرش. انا معرفش هوا عنده غسيل إيه بس هوه بيرش زى فوم على الفرش و بعدين يعمله بفرشة بتلف بالكهربا زى اللى بعض الناش بتستخدمها فى البولش و بعدين بسيب العربية فى الهوا فترة عشان تنشف. أغلب الصنايعية اللى فى الغسيل هناك كويسين بس اسأل على الأسعار قبل ما تبتدى. تلميع الكاوتش و الجنوط و التابلوه بخليه يعمله بس انا اللى معايا الحاجة.

الموضوع: ميين كويس في تنظيف السيارات في القاهره ؟؟

LinkBack

أدوات الموضوع

عرض

-

-

-

-

المواضيع المتشابهه

حد يعرف قاعات افراح فى القاهره اسعارها كويس

مين بتاع تكييف كويس فى القاهره

في حد حضر عمرو اديب <القاهره اليوم > وموضوع الغش في السيارات

بتاع تكييف كويس فى القاهره

ماحدش يعرف دكتور ابر صينيه كويس في القاهره!

الكلمات الدلالية لهذا الموضوع

المفضلات

المفضلات

ضوابط المشاركة