مراكب نيلية...اماكن خروج

**د.أحمد سمير** · 22-11-2007 03:11 PM

من الآخر .. كل البواخر اللي فيها شو وراقصة وخلافة يندر فيها الخصوصية اللازمة لهذا النوع من المناسبات ... وده غير المعصية طبعاً...
أما نايل بكين فمفيهاش ولا شو ولا رقاصة .. فيها ديسكو للي عايز .. وفعلاً ديكورها هايل ، وجوها جميل ... وعلى فكرة أنا فرحي عملته فيها بس من 6 سنين .
وهي على كورنيش مصر القديمة عند كوبري المانسترلي يعني 300 متر من منزل كوبري الملك الصالح بعد مدخل منيل الروضة مباشرة .
تقبل خالص مودتي

**Falcon.Crest** · 22-11-2007 03:43 PM

nile crystal is good i have dinner there since 3 months it was excellents starts from 7 to 10pm, prices 150 as it is considered 5 stars

**معاذ الشرباصى** · 22-11-2007 03:46 PM

مش نايل بكين دى اتحرقت السنة اللى فاتت؟

nile maxim تحفة بجد, انا رحتها كذا مرة

nile crystal جميلة برده

**Hisham_ElFeky** · 22-11-2007 03:54 PM

لازم تروح الأزهر بارك بس الصبح علشان الجو بيبرد اليومين دول بس هتعجبك

**meza** · 22-11-2007 08:40 PM

إيه حكاية الأزهر بارك دى؟؟؟

أنا ناس كتير بيحكولى عليها

مع إنى مفكرتش أروحها......... مش متوقع ألاقيها حلوة .... :roll:

حد هنا راحها و عجبته ...... ؟؟

**اسلام المصرى** · 22-11-2007 09:05 PM

كل سنة و أنت طيب يا ميدو و أهلا و سهلا بيك فى القاهرة حيث الهدوء و السكينة و الشوارع الفاضية :mrgreen: أنت هيجيلك شوك أول ماتعدى البوابات و تلاقى المحور أمامك حاول تيجى فى الصباح الباكر جدا أو فى وقت متأخر جدا علشان تتفادى زحمة و قرف المحور شوية ....... كان نفسى أفيدك فى موضوع الأماكن ده بس أنا مليش فى الخروجات ديه خالص خالص خالص! هبعتلك ويبسايت على الخاص علشان أنا مش عارف ممكن أحط اللينك فى الموضوع كده و لا ده مخالف لقواعد المنتدى , النقطة ديه عملالى حيرة شوية.
ربنا يوفقك و ان شاء الله تقضوا وقت جميل :-)