مقابله المنتدي العامه -دعوه لكل غيور علي وطنه وقفه احتجاجيه بالقاهره

**Karim_Monir** · 23-11-2009 05:33 PM

يا ابو مروان اذا اردت ان تطاع فامر بما يستطاع
انا اول يوم دبح وتاني ويوم عزايم ماينفعش فيها تاخيرات
و 50% من المنتدى هاينزل شغل تالت يوم العيد
يبقي مفيش غير الجمعة
صدقني لوماكنتش الجمعة الجاية عيد كنت عملتها يوم الجمعة الجاية
لكن فعلا انا محكوم بوقت وناس ورايا
وعشان تطلع قد ثقة الناس دي لازم تنظ حاجة صح
وتطلع حلوة تطلع وحشة دي بتاعت ربنا بقي

**mxz911** · 23-11-2009 08:33 PM

نرجوا ارسال رساله عند الانتهاء من النقاش لان الموضوع كبر اوى .. يعنى الواحد مش قادر يتابعه كله والكوربه مكان حلو وقريب منى ف هتبقى حاجه جميله ..

**Terrible_DaRsH** · 23-11-2009 08:37 PM

هو اللى هنقوله نعيده !

الكوربة مش هتنفع يا جماعة و قولنا , و محدش عنده اقتراحات و كمان هتتاجل لبعد العيد يعنى احتمال تكون الناس نسيت اصلا :(

**E_Farid** · 23-11-2009 08:40 PM

معلش يا جماعة كام سؤال في السريع،

ليه ماعملناش كده أيام حرب غزة والإسرائيليين بيدبحوا في إخوانا في غزة ؟

وليه معملناش كدة لما الأمريكان احتلوا العراق ودبحوا صدام يوم العيد في اهانة واضحة لكل المسلمين والعرب، والعراق دي نص الشعب المصري عايش على خيرها؟

وليه معملناش كده لما 1300 واحد ماتوا في العبارة ؟

وليه معملناش كده لما البارجة الأمريكية ضربت مركب صيد مصري في قناة السويس وقتلت كل من عليه؟

وليه معملناش كده لما قناص اسرائيلي قتل طفلة مصرية في سيناء ؟

وليه معملناش كده لما صواريخ اسرائيل دخلت جوا سيناء في حرب غزة الأخيرة ؟

وليه معملناش كده لما الحكومة مضت عقد تصدير الغاز المصري لإسرائيل ؟

معلش بجد ياريت حد يرد عليا بمنطق مفهوم أو مقبول لأني قربت أتجنن من حالنا

**E_Farid** · 23-11-2009 09:28 PM

ليه مش ناسمعناش صوتكم لما المصريين اتجلدوا في السعودية ؟

والله اتكلمت ساعتها وحزنت جدا لما شوفت محضر التحقيق اللي اتنشر في الدستور وكان فيه ان المصري "اعترف".
وأعتقد ان حوادث التحرش اللي بتحصل عندنا في الفترة الأخيرة خلت سمعتنا سيئة بما فيه الكفاية.
واسأل كده عن سمعة المصريين في الخارج ومن اللي بيعملوه مع بعض.

ليه مسمعناش صوتكم لما مصري بيتهان في اي دولة عربية ؟

وليه يروح يشتغل هناك أصلا ؟
ما نسأل نفسنا ايه اللي اضطر المصري يروح يشتغل في أي دولة تانية؟
فين الحكومة اللي زعلانة على كرامة شعبها أوي كده ؟
ما توفرولهم فرص عمل كريمة أحسن ؟

وشوف الحكومة العظيمة استغلت الظرف وهترفع الدعم عن العيش من السنة الجاية.

يا جماعة الله يكرمكم لازم نفكر شوية ونشوف الأمور صح على حقيقتها ..

**Col. Eng. Khaled** · 23-11-2009 10:11 PM

القاهرة - أطلق موقع "مصراوي" حملة للإبقاء على الأعلام المصرية مرفوعة، استمرارًا لما شهدته المدن والقرى المصرية من انتشار مكثف لعلم مصر خلال الأيام التي سبقت مباراتيْ مصر والجزائر الأخيرتين في تصفيات كأس العالم.
وتأتي دعوة "مصراوي" لجميع المصريين انطلاقًا من رغبة الموقع في الاستفادة من الروح الوطنية والتوحد والالتفاف حول راية الوطن الذي ساد مصر قبل المباراتين بشكل يعمق الشعور بالانتماء لمصر.
ولا يهم أن تشتري علم مصر غالي الثمن خصيصًا لهذا اليوم، بل يمكن المشاركة ولو بعلم تصنعه بنفسك أنت أو أبناؤك من خامات بسيطة أو حتى تلوين ورقة بيضاء بألوان علم مصر.
ولم تتوقف حملة "مصراوي" عند المطالبة برفع علم مصر فوق السيارات والمنازل وغيرها من الأماكن، بل امتدت إلى دعوة المصريين بالكامل إلى جعل يوم الأربعاء القادم يومًا لإثبات انتمائنا وحبنا لمصر بشكل إيجابي عملي.
وتتضمن هذه الأعمال الإيجابية العملية مساهمة كل شاب أو رجل أو فتاة أو سيدة مصرية في أعمال تعبر بها عن حبه للوطن وافتخاره بالانتماء إليه مثل التعاون على نظافة شارعك، أو أن يكون المرور في شوارع مصر منظمًا - قدر الإمكان - أو أي عمل آخر في هذا الإطار.
ويدعو "مصراوي" لأن يصبح الأربعاء القادم يومًا لمصر - بعيدًا عما حدث في السودان للمشجعين المصريين - نهدف منه لأن نقول للعالم أجمع إننا كمصريين متحضرون ومتوحدون على حب وطننا، وأن نترجم ذلك بشكل عملي إيجابي.

**SHNORY** · 23-11-2009 10:46 PM

المشاركة الأصلية كتبت بواسطة e_farid

معلش يا جماعة كام سؤال في السريع،

ليه ماعملناش كده أيام حرب غزة والإسرائيليين بيدبحوا في إخوانا في غزة ؟

مره في مظاهره عندنا في الجامعه وكانت مظاهره كبيره
لقيت واحد كان معايا في المدرسه وهو فلسطيني وكان رايح مشوار حيقابل واحده صاحبته
وسابني ومشي علشان مستعجل
مع ان المظاهره دي مات فيها واحد مصري وكان فيه معركه بين قوات الامن والطلبه والباشا مراحت حتي يهتف لوطنه من بعيد

وليه معملناش كدة لما الأمريكان احتلوا العراق ودبحوا صدام يوم العيد في اهانة واضحة لكل المسلمين والعرب، والعراق دي نص الشعب المصري عايش على خيرها؟
هو حضرتك نسيت لما صدام بعتلنا التوابيت اللي فيها المصريين وكانو جثث متقطعه جواها؟؟؟؟؟؟؟؟

وليه معملناش كده لما 1300 واحد ماتوا في العبارة ؟
فيه حاجات كتير اتعملت بس تقريبا مكانش فيه نايل موتورز ايامها

وليه معملناش كده لما البارجة الأمريكية ضربت مركب صيد مصري في قناة السويس وقتلت كل من عليه؟
معرفش حاجه عن الموضوع ده

وليه معملناش كده لما قناص اسرائيلي قتل طفلة مصرية في سيناء ؟
اول مره اعرف المعلومه دي برضه

وليه معملناش كده لما صواريخ اسرائيل دخلت جوا سيناء في حرب غزة الأخيرة ؟
اللي اعرفه ان فيه واحد مصري الفلسطينين قتلوه ايامها

وليه معملناش كده لما الحكومة مضت عقد تصدير الغاز المصري لإسرائيل ؟
علشان فيه معاهده سلام بينا وبينهم
وزي ما بياخدوا مننا بيدونا
ولا هو لازم يكتبلك صنع في اسرائيل علي الجاكيت بتاعك علشان تفهم
التكت مش قصيه وممكن يكتبوا عليه صنع بداخل الاقصي لو عاوز

معلش بجد ياريت حد يرد عليا بمنطق مفهوم أو مقبول لأني قربت أتجنن من حالنا

انا رديت علي قد ما بفهم

**SHNORY** · 23-11-2009 10:55 PM

بصوا يا جماعه
بالنسبه للناس اللي داخله تقول ليه معملتوش وكان المفروض تعملوا كذا وكذا وكذا
اولا
احنا ملناش في مظاهرات التدمير اللي بيبقي نصها حراميه ونشالين وشباب داخل يحتك بالبنات اللي ماشيين
ثانيا
انا مش رايح اعمل مظاهره
دي وقفه احتجاجيه اعلاء كرامتنا كمصريين وحنرفع فيها علم مصر
ثالثا
اللي بيسالنا معملناش ليه
يا تري هو عمل حاجه ايامها ولا معملش
ولو عمل فهو عمل ايه ؟؟؟؟؟؟؟؟؟؟؟؟؟؟؟؟
كسر ودمر ؟؟؟؟؟؟؟؟؟؟؟؟؟
ولا هتف ضد الحكومه واخدله عصايتين ورجع ريح علي ما كدماته تخف
ولا معملش حاجه ومستني الناس تعمل بداله ؟؟؟؟؟؟؟؟؟
احنا مش رايحين للحكومه نقولها حاجه
وحكومتنا سواء برضانا او غصب عننا موجوده
حتحبها حتحبك حتكرهها حتكرهك
ولا حنزودها ولا حننقصها
احنا رايحين علشان نعلن للاعلام الغربي ان فيه تجمعات شبابيه بتحب بلدها ورافعه علمها
حكومه بقي حلوه ولا حكومه وحشه ولا مين عمل ايه قبل كده
فدي حاجه احنا مش داخلين نتكلم فيها
واظن هدف وقفتنا الاحتجاجيه مشروح بكثافه في الموضوع ومش محتاج اكرره او اعيد الكلام فيه
========================
يا ريت لما حد يكون ليه هدف معين نساعده علي تحقيقه
مش نقعد نحبط فيه
اسف اننا معملناش حاجه قبل كده
بس مش علشان معملناش حاجه مره نقعد طول عمرنا نولول باللي معملناهوش
بالعكس المفروض نعمل اللي نقدر عليه في اول فرصه متاحه لينا

-

-

الموضوع: مقابله المنتدي العامه -دعوه لكل غيور علي وطنه وقفه احتجاجيه بالقاهره

LinkBack

أدوات الموضوع

عرض

-

-

-

-

مصراوي يطلق حملة (علم مصر حيفضل مرفوع) -

-

-

المواضيع المتشابهه

دعوه لحضور مقابله جماعيه لكل اعضاء المنتدى

دعوه لحضور مقابله قسم الدايو

التعبئه العامه لجيوش الاجتماعي لاحتلال اقسام المنتدي

مقابله الخميس دعوه عامه 25/2/2010

مقابله المنتدي العامه &مقابله كيا مين رايح من اسكندريه

الكلمات الدلالية لهذا الموضوع

المفضلات

المفضلات

ضوابط المشاركة