الموضوع: مقابله المنتدي العامه -دعوه لكل غيور علي وطنه وقفه احتجاجيه بالقاهره

المشاركة الأصلية كتبت بواسطة se_coralsea

سبق و كتبت هذا الصباح بضرورة أن يكون لنا برنامج لهذه الوقفة و كنت بدأت في مناقشة الخطوط العريضة لهذا البرنامج مع الاستاذ/ كريم منير و الاخ شنوري خلال لقائي به في الاسكندرية يوم الاثنين الماضي

و مرة أخري اود أن أستعرض معكم الخطوط العريضة لبرنامج هذه الوقفة :
1- رفع العلم المصري كرمز لوحدتنا و تعبيرا عن ألتفافنا حول بلدنا مصر في كل الاوقات
2- كتابة لافتات الادانة و الاستنكار لما حدث بالسودان دونما تجريح أو تلفظ بكلمات خارجة باللغات الثلاث (العربية - الانجليزية - الفرنسية) كرسالة نوجهها الي العالم و الشعب الجزائري
3- دعوة القنوات الفضائية لتصوير الحدث و تسويقه عالميا
4- مناقشة الاسلوب الامثل لأستخدام سلاح المقاطعة و تفعيله ضد كل من يجرؤ و يتطاول علي مصر

أما أذا كان الامر لمجرد الهتاف و حرق الاعلام و الاساءة للأخرين فأنا لن أشارك في مثل هذا الامر , كفانا هتافات و مشاجرات نريد أن نبدأ بأصلاح أنفسنا أولا قبل أن نحاول أن نخاطب الاخرين و نصلحهم

و تقبلوا تحياتي
م/ سمير الشهاوي

المشاركة الأصلية كتبت بواسطة ahmed0nouh

الله يكرمك يا بشمهندس سمير

وعلشان الكلام ده انا من البدايه اقترحت فكره المسيره

ناس كتير هتشوفنا , ومش هنضايق حد ولا نعمل ازعاج ومش هنمشى على رجلينا ونعرض نفسنا لتدخل الناس فى الشارع فى وسطنا والقيام بما يحلو لهم بمبدأ كله يمشى مع الهيصه

وكمان الجانب الاعلامى كان هيبقى متوفر ان شاء الله , بالعكس انا كمان كان فى طريقه للتصريحات كلمت فيها شنورى ولكن علشان العيد معرفتش اتابعها وبعد العيد ان شاء الله هبحثها تانى اكتر

بس المهم نلاقى ناس بتشارك وعندها استعداد تقف معانا

دلوقتي يا جماعه واضح ان فيه ناس كتير غيرت رائها ومش حتيجي
بس عموما انا جاي
والميعاد اللي بيفرض نفسه عليها هو يوم الجمعه الجايه
بس اهم حاجه المكان
عاوزين مكان قريب من مدخل القاهره زي ما قولتم عند دادني مول او دريم اللي معرفش مكان اي واحد فيهم
ونبدا المسيره من هناك
فدلوقتي محتاجين حد يرسملنا خط سير ويحددلنا مدته
وتحديد المكان اللي حنستقر فيه بعد المسيره
وباذن الله انا جاي
سامحوني اني مش مش برد علي الناس بس عندي شويه مشاغل بسبب دخول العيد
والتركيز ضايع مني