اقتباس المشاركة الأصلية كتبت بواسطة shnory مشاهدة المشاركة
امال بس عمالين نسمع اساطير عنك
واحمد نوح راح الرالي
واحمد نوج عمل تست درايف للفيرون
واحمد نوح طلع القمر بالتكتك
وصحفي قد الدنيا
ومجله عربيتي
وبعد كل ده متعرفش المحور
لا وايه
مروحتهوش غير مع اصحابك يعني كمان رايحه بواسطه
انا اتخدعت فيك يا احمد يا نوح
ههههههههههههههههههههههههه ههههههههههههههههههههههههه هههههههههههههه
والله يا شنورى انا اساسا مليش اى معارف من الجانب ده من القاهره فالبتالى مش بروحه غير كل سنه مره لظروف مختلفه وكلها كانت بليل

انت بس مجربتش تسأل اى واحد ماشى على الرصيف فى القاهره على طريق حاجه

1 - يهرش فى دماغه

2 - يقولك بص يا كابتن ويفرد ايده قدامه ويبص بعيد

3 - هتلاقيه بياخد وضعيه عجيبه فى الوقفه وبيتفاعل بجسمه بحراره مع الاتجاهات اللى بيقولها

4 - وفى النهايه هيعمل معاك واجب من خلاله تقدر تستكشف معالم المنطقه كلها

اقتباس المشاركة الأصلية كتبت بواسطة A.Saad مشاهدة المشاركة
منعا لشماتة شنورى
تكمل المحور على طول
ما تنزلش انزلة سفنكس
كمل على طول
هتعدى ميدان لبنان
تكمل برده
هتلاقى مطلع الدائرى
ما تطلعوش

هتلاقى منزل الصحراوى على اليمين
انزله
وكمل شويه هتلاقى المول على اليمين
وابقى خد بالك
من رادار الصحراوى
ولو توهت خد رقمى كلمنى

الله يكرمك يا استاذ احمد كدا تمام اوى وان شاء الله ربنا ميجيبش توهان


اقتباس المشاركة الأصلية كتبت بواسطة Col. Eng. Khaled مشاهدة المشاركة
طبقا لخريطة جوجل :
30.060681,31.202776 - Google Maps

حضرتك إنزل من كوبري 15 مايو قصاد نادي الزمالك (يبقى شمالك بعد المنزل)

كمل طوالي و قبل م لبنان إمسك شمال علشان تطلع المحور و كمل لغاية منزل الصحراوي

الله يكرمك يا كولونيل بس هل الطريق ده اسرع من انى اكمل علطول وانزل المحور مباشره ؟

لأن كدا وصفه استاذ احمد سعد تبدو اسهل


اى خدمه يا شنورى ان شاء الله هبقى السبب فى نقل الموضوع ده لقسم الطرق والسفريات