موضوع عايزين نتناقش فيه كلنا .. ( تصميم السيارات )

السلام عليكم ..

دلوقتى يا جماعة انا من فترة بتابع تصميم السيارات بره مصر و الناس هناك عاملة ازاى و ايه المدارس البيتبعوها ..

بس استغربت ان مفيش عرب بيشتغلوا فى المجال دة .. طبعا قصدى فى شركات زاى بورش او فولكس فاجن او ايا كان ..

فخطر فى بالى سؤال .. هل ينفع فى يوم من الايام نلاقى واحد من فريق التصميم فى شركة بورش مصرى ؟؟

هل العنصرية تلعب دور فى هذا الموضوع ؟؟ .. ولا احنا المبنفكرش نحاول ؟؟

طب يا ترى ايه المتطلبات .. و ازاى ممكن الواحد يشتغل هناك ؟؟

طب يكون خريج ايه ؟؟ و هل لو اشتغل فى توكيل هنا فى مصر .. ممكن التوكيل دة يبقا بوابته للعمل فى مقر الشركة الام ؟؟


عايزكم يا جماعة كلكم تشاركوا و اى حد يعرف اى حاجة يقولها ..

احنا اصلا معندناش الفكر اللي يخلي واحد مصري مننا يشتغل في تصميم العربيات و حتي لو في حد مصري اشتغل في تصميم العربيات هتظهر عنصريه الاجانب و هياخد منصب صغير في موضوع التصميم

انا بحييك على فتح الموضوع ده ....
انا سالت نفسى السؤال ده كتيييييييير و ملقتش اجابه ليه !!!
انا طول عمرى بحلم انى اشتغل فى مجال السيارات (هحققه ان شاء الله)...
اكيد مش انا الوحيد الى بيحلم بكده و محققش الحلم لحد دلوقتى نتيجه لانه مش عارف يبدا منين !!!!!

موضوع الدراسة مكلف جدا و متعب و في اماكن تدريس مش كتيرة اوي (معظمها اوربا و امريكا)
و الدراسة بتجمع من الموهبة و الأبداع مع العلم ودي مش متوافرة اوي في العرب (بيحبوا يستسهلوا في التعليم) و المصريين الغاويين صعب انه يوفر فلوس التعليم الغالية علي معظم الشعب
كان في عدد قديم عندي من اخبار السيارات اتكلم عن الموضوع دا

اقتباس:

---

المشاركة الأصلية كتبت بواسطة khaled ayman

انا بحييك على فتح الموضوع ده ....
انا سالت نفسى السؤال ده كتيييييييير و ملقتش اجابه ليه !!!
انا طول عمرى بحلم انى اشتغل فى مجال السيارات (هحققه ان شاء الله)...
اكيد مش انا الوحيد الى بيحلم بكده و محققش الحلم لحد دلوقتى نتيجه لانه مش عارف يبدا منين !!!!!

---

مانا عشان كدة عملت الموضوع .. اكيد فى ناس كتيييييييييير بتحلم بالموضوع دة و نفسها تعمل حاجة كدة ..

خصوصا ان احنا عندنا فى مصر فنانين كتير و عقول نضيفة .. بس عايزه حد يستغلها

اقتباس:

---

المشاركة الأصلية كتبت بواسطة bluemaneg

موضوع الدراسة مكلف جدا و متعب و في اماكن تدريس مش كتيرة اوي (معظمها اوربا و امريكا)
و الدراسة بتجمع من الموهبة و الأبداع مع العلم ودي مش متوافرة اوي في العرب (بيحبوا يستسهلوا في التعليم) و المصريين الغاويين صعب انه يوفر فلوس التعليم الغالية علي معظم الشعب
كان في عدد قديم عندي من اخبار السيارات اتكلم عن الموضوع دا

---

طب ياترى التكلفة تبقا عاملة ازاى ؟؟

و التعليم بيبقا فى جامعات عاملة ازاى ؟؟ هل بره مصر بس ؟؟ ولا فى فى مصر ؟؟

لازم الاول ناخد خطوة فى صناعة السيارات ولو اخدنا الخطوة دى
حتلاقى عقول ومواهب مدفونة فوق ما احنا نتخيل

انا مش متهيألي ان الموضوع محتاج لدراسه
انا - في اعتقادي - ان موضوع التصميم بيكون بس موهبه وفن وخيـــــــــــــــــال


.
وانا كنت سمعت ان في شركات عامله مسابقات لتصميم السيارات وبتدي عليها جوايز..بس الكلام ده سمعته من واحد صاحبي وهوا بيكركر في القهوه..احتمال يكون كلام مساطيل
والله اعلم

اقتباس:

---

المشاركة الأصلية كتبت بواسطة kareemhisham

طب ياترى التكلفة تبقا عاملة ازاى ؟؟

و التعليم بيبقا فى جامعات عاملة ازاى ؟؟ هل بره مصر بس ؟؟ ولا فى فى مصر ؟؟

---

انا مش عارف التكلفة بالضبط عشان هو عدد قديم شوية و مش عندي حاليا
و مذكروش اي جامعة مصرية هما علي ما افتكر في ايطاليا و انجلترا
و الدراسة في جزء منها لفنون التصميم و المنظور و الحاجات دي و جزء منها ميكانيكا السيارات

اقتباس:

---

المشاركة الأصلية كتبت بواسطة ringoo

لازم الاول ناخد خطوة فى صناعة السيارات ولو اخدنا الخطوة دى
حتلاقى عقول ومواهب مدفونة فوق ما احنا نتخيل

---

مانا بتكلم على ان الشباب يسافروا بره .. يروحوا الشركات العالمية و يدربوا و بعد كدة يخشوا الاستوديوهات

اقتباس:

---

المشاركة الأصلية كتبت بواسطة bluemaneg

انا مش عارف التكلفة بالضبط عشان هو عدد قديم شوية و مش عندي حاليا
و مذكروش اي جامعة مصرية هما علي ما افتكر في ايطاليا و انجلترا
و الدراسة في جزء منها لفنون التصميم و المنظور و الحاجات دي و جزء منها ميكانيكا السيارات

---

الف شكر لمشاركتك :)

اقتباس:

---

المشاركة الأصلية كتبت بواسطة pro_90210

احنا اصلا معندناش الفكر اللي يخلي واحد مصري مننا يشتغل في تصميم العربيات و حتي لو في حد مصري اشتغل في تصميم العربيات هتظهر عنصريه الاجانب و هياخد منصب صغير في موضوع التصميم

---

الاجانب مش متعصبين ضد العرب
الاجانب متعصبين للتقدم و الابتكار
جرب تكون مبتكر - عالم - مبدع وشوف هايكرموك ازاي
شوف عندنا كام عالم مصري فى اوروبا و امريكا و واخدين حقهم و زيادة

هاااااا يا جماعة .. محدش يعرف اى حاجة تانى ؟؟؟

الموضوع مهم لناس كتير

رأيي انه فكر و فن اكثر من الدراسه..
مادام فكرك صح هطلع تصميم مظبوط...
اما لو فكرك و خيالك مش قد كده ..حتا لو دارس دراسات الدنيا في مجال الفن او التصميم هتعمل تصميمات تعبانه اخر حاجه..
لو ركزت هتلاقي شركات كتير بتألش منها في التصميمات و معظم الناس بتجمع انها شكلها وحش...
و احيانا تشوف عربيات تحس ان فيها حاجه غلط....

يعني نقول الفكر ثم الفكر ثم الفكر ثم الدراسه
و رأيي بالنسبه للدراسه بتبقي ميكانيكيه اكثر علشان ايرودنماكيه السياره تبقي افضل من الناحيه الاتزان و توزيع الهواء لثبات افضل....

اما فكره ازاي الواحد يبقي مصمم سيارات ..
برضوا رأيي انه يحاول في البدايه علي الاقل تفهم انت دماغك ماشيه ازاي و اسلوب تصميماتك و ميولك بتتجه نحو انهي شركات السيارت ..
و تفهم اسلوب الشركه اكثر من ناحيه مثلا بي ام و مرسيدس لا يستغنوا عن الشبكه اللي فيها العلامه ...فكل تصميماتها لازم يكون بنفس الروح..

في شركات ممكن تعمل موديلات مالهاش اي علاقه ببعضها فتغيير تصميمتها سهل و لين و غير مفروض عليها ....

بس كده

اقتباس:

---

المشاركة الأصلية كتبت بواسطة 3mr farrag

رأيي انه فكر و فن اكثر من الدراسه..
مادام فكرك صح هطلع تصميم مظبوط...
اما لو فكرك و خيالك مش قد كده ..حتا لو دارس دراسات الدنيا في مجال الفن او التصميم هتعمل تصميمات تعبانه اخر حاجه..
لو ركزت هتلاقي شركات كتير بتألش منها في التصميمات و معظم الناس بتجمع انها شكلها وحش...
و احيانا تشوف عربيات تحس ان فيها حاجه غلط....

يعني نقول الفكر ثم الفكر ثم الفكر ثم الدراسه
و رأيي بالنسبه للدراسه بتبقي ميكانيكيه اكثر علشان ايرودنماكيه السياره تبقي افضل من الناحيه الاتزان و توزيع الهواء لثبات افضل....

اما فكره ازاي الواحد يبقي مصمم سيارات ..
برضوا رأيي انه يحاول في البدايه علي الاقل تفهم انت دماغك ماشيه ازاي و اسلوب تصميماتك و ميولك بتتجه نحو انهي شركات السيارت ..
و تفهم اسلوب الشركه اكثر من ناحيه مثلا بي ام و مرسيدس لا يستغنوا عن الشبكه اللي فيها العلامه ...فكل تصميماتها لازم يكون بنفس الروح..

في شركات ممكن تعمل موديلات مالهاش اي علاقه ببعضها فتغيير تصميمتها سهل و لين و غير مفروض عليها ....

بس كده

---

طبعا الموضوع بيعتمد على الموهبة بشكل كبير ..

بس حتى لو حد عنده الموهبة دى .. ازاى يشتغل فى شركة من الشركات الكبيرة .. دة اهم سؤال ..

بص هو عيب الموضوع ده ان مافيش اي مجال ليه في مصر...
يعني لازم تسافر بره...
علي الاقل يكون فيه محاولات مع الشركات بارسال تصميمات معينه للتحديث..
و يمكن الله اعلم الزن و المثابره ينفع...
و الاشتراك في اي مسابقات اللي بتتعمل من حين لأخر لبعض الشركات او مسابقات عالميه....

او بقي الافضل رأيي لو واحد مصري يكون عايش بره و واخد بكالريوس هناك يبقي في الفتره ديه يحاول ينزل تدريب في اي شركه سيارات..
بس ديه طبعا مش هتبقي متوفره لغير اشخاص محدوده خارج البلاد

الموضوع ده انا عملت زيه كتير هنا فى المنتدى وعلى الفيس بوك لكن طبعا كانت الردود كلها محبطه ان استحاله الحكومه بتاعتنا تعملنا حاجه زى دى هنا
العقول النضيفه موجود والمواهب موجوده مش ناقص غير حتته الدراسه واهميه الدراسه انها بتخلى اللى بيصمم يصمم وفق معايير و مقاييس معينه عشان يطلع التصميم خالى من العيوب واهم حاجه فى الدراسه الخامات والايرودينامكس دول لو اتعلمتهم كويس وعرفت فيهم قدر كبير هيبقى التصميم خرافى ونقدر ننافس بيه المصممين الكبار
ياريت زى ماامريكا وبريطانيا والمانيا عاملين هنا الجامعه الالمانيه والامريكيه والبريطانيه وغيرهم يعملوا مدرسه تصميم ......

اقتباس:

---

المشاركة الأصلية كتبت بواسطة 3mr farrag

بص هو عيب الموضوع ده ان مافيش اي مجال ليه في مصر...
يعني لازم تسافر بره...
علي الاقل يكون فيه محاولات مع الشركات بارسال تصميمات معينه للتحديث..
و يمكن الله اعلم الزن و المثابره ينفع...
و الاشتراك في اي مسابقات اللي بتتعمل من حين لأخر لبعض الشركات او مسابقات عالميه....

او بقي الافضل رأيي لو واحد مصري يكون عايش بره و واخد بكالريوس هناك يبقي في الفتره ديه يحاول ينزل تدريب في اي شركه سيارات..
بس ديه طبعا مش هتبقي متوفره لغير اشخاص محدوده خارج البلاد

---

اهو دى افكار كويسة و ممتازة ..

الف شكر لمشاركتك

اقتباس:

---

المشاركة الأصلية كتبت بواسطة evoo90

الموضوع ده انا عملت زيه كتير هنا فى المنتدى وعلى الفيس بوك لكن طبعا كانت الردود كلها محبطه ان استحاله الحكومه بتاعتنا تعملنا حاجه زى دى هنا
العقول النضيفه موجود والمواهب موجوده مش ناقص غير حتته الدراسه واهميه الدراسه انها بتخلى اللى بيصمم يصمم وفق معايير و مقاييس معينه عشان يطلع التصميم خالى من العيوب واهم حاجه فى الدراسه الخامات والايرودينامكس دول لو اتعلمتهم كويس وعرفت فيهم قدر كبير هيبقى التصميم خرافى ونقدر ننافس بيه المصممين الكبار
ياريت زى ماامريكا وبريطانيا والمانيا عاملين هنا الجامعه الالمانيه والامريكيه والبريطانيه وغيرهم يعملوا مدرسه تصميم ......

---

لأ بص .. موضوع ان الحكومة تعمل حاجة كدة او ان شركة تيجى تعمل حاجة كدة هنا .. دى للاسف شبه مستحيلة .. لازم الاول يبقى فى تصنيع سيارات فى البلد عشان يبقى فى تصميم ..

بس اكيد فى الجامعات بيبقا فى اقسام للتصميم الصناعى .. و دى بتساعد بشكل كبير جدا ..

بس ياترى توصل لانك تبقى مصمم سيارات .. ازاى ؟

الموضوع مش سهل ومحتاج مصاريف كتير
لمواجهة العنصرية والاحتلال الفكرى بره
والواضح فى المستوى التعليمى للبلد الذى يقوم باعدا شوية بغبغنات

نسيت اقول ان ممكن الدراسه هنا بس اعتقد ان لازم تكمله بقي بكورسات مثلا
لأن الموضوع هيكون مفنوح بزياده...
و هي هندسه ميكانيكا انتاج قسم ديزاين
بتبقي ديزاين لأي نوع من المكن او اي آله... مش بس تخصص في السيارات او مجال معين.و قريت قبل كده في منتدي ان فيه قسم هندسه صناعه السيارات بس طبعا في الدول الاوربيه و كان ليه اسم بس ناسيه دلوقتي...
بس دورت عن معلومات عن القسم ده بصراحه مالقتش..
كان بيقول ان القسم ده عباره تصنيع السياره من الالف للياء في كل حاجه بدون مساعده خارجيه من مهندسين في تخصص اخر...

مش عارف بقي ممكن تكون قسم جديد او افتكاسه!!

فى يا جماعه هنا فى guc
فى كليه الهندسه بتاعهتا قسم تصميم صناعى

كان في موضوع ل دكتور/ أحمد سامي
بيتكلم فيه عن الموضوع ده
هو كان في المنتدى العام
بس موضوع مهم جدااا
ادخلو عليه وهتستفيدوا

اقتباس:

---

المشاركة الأصلية كتبت بواسطة musiccairo

كان في موضوع ل دكتور/ أحمد سامي
بيتكلم فيه عن الموضوع ده
هو كان في المنتدى العام
بس موضوع مهم جدااا
ادخلو عليه وهتستفيدوا

---

طب ممكن تجيبلنا اللينك عشان انا دورت و مش لاقى

يا جماعة مش معقول مفيش حاجة كدة خالص ..

مفيش معلومات اتقالت ولا حاجة الواحد يستخدمها ..

كلها افتراضات و تخمين و ارآء ..


انا عارف ان الموضوع صعب .. بس اكيد اكيد فى طريقة ..

اقتباس:

---

المشاركة الأصلية كتبت بواسطة kareemhisham

يا جماعة مش معقول مفيش حاجة كدة خالص ..

مفيش معلومات اتقالت ولا حاجة الواحد يستخدمها ..

كلها افتراضات و تخمين و ارآء ..


انا عارف ان الموضوع صعب .. بس اكيد اكيد فى طريقة ..

---

بص سيبك من كل اللى فوق ده وكانك فى موضوع جديد كده وقولى ايه المطلوب

كأنك انت وزير الصناعه عايز ايه ؟؟ ايه مطالبك ؟؟

اقتباس:

---

المشاركة الأصلية كتبت بواسطة evoo90

بص سيبك من كل اللى فوق ده وكانك فى موضوع جديد كده وقولى ايه المطلوب

كأنك انت وزير الصناعه عايز ايه ؟؟ ايه مطالبك ؟؟

---

مينفعش اتكلم على اساس انى وزير الصناعة ..

انا بتكلم على اساس انى مواطن عندى الموهبة و الحماس و عايز اشتغل فى شركة من شركات السيارات الكبيرة و لتكن اوبل مثلا ..

عايز اعرف اوصل ازاى لهناك ؟؟

هل فى حاجة ممكن ادرسها فى مصر ؟؟

ولا كل الدراسة بتبقى برة مصر ؟؟ .. فين مثلا ؟؟

اسألة كتير بس دى اهمها

اقتباس:

---

المشاركة الأصلية كتبت بواسطة kareemhisham

مينفعش اتكلم على اساس انى وزير الصناعة ..

انا بتكلم على اساس انى مواطن عندى الموهبة و الحماس و عايز اشتغل فى شركة من شركات السيارات الكبيرة و لتكن اوبل مثلا ..

عايز اعرف اوصل ازاى لهناك ؟؟

هل فى حاجة ممكن ادرسها فى مصر ؟؟

ولا كل الدراسة بتبقى برة مصر ؟؟ .. فين مثلا ؟؟

اسألة كتير بس دى اهمها

---

لو بتدور على شغل ميكانيكا فانت ممكن تتعلم الميكانيكا والحركه كلها هنا وتبقى 100 100 لكن كاتصميم و ايردينامكس و الشغل ده مالوش دراسه فى مصر اللى موجوده على قدنا ومالهاش شغل هنا

الموضوع دة من احد الاسباب اللى خلتنى مدخلش هندسة سييارات بالرغم من دى هوايتى منذ الصغر وكنت بعمل تصميمات سيارات بس للأسف مجال محدود فى بلدنا وملهوش مستقبل فى مصر

الموضوع مش موضوع عنصرية رجال الاعمال الاجانب الموضوع بالنسبالة 1+1=2 , هيديك اية وياخد اية لو هيطلع كسبان هياخدك , انا اعرف مهندس مصرى كان شغال فى ايرباص وكان مكتوب فى الجرنان على واحد مصرى (ديزانر) شغال فى ناسا

الموضوع فى مصر مش اكتر من هواية انما حد يسافر يدرسة برة مفيش , علشان تشتغل ديزاينر لازم من الدراسة بجانب الموهبة لأن الدراسة هى اللى هتوجهك ازاى تستغل موهبتك علشان تعمل تصميم ينفع فعلا يمشى على الارض ويدخل حيز الانتاج الموضوع مش سهل ومش قصة واحد رسمة حلة واللا مكنش حد غلب
الحكومة هنا مش هتعملك حاجة لأنة مش مجال شغل هنا , مجال محكوم علية بالاعدام هنا
افتكر ان كان فى المركز الثقافى الروسى كان بيدى كورسات بس اعتقد كناحية فنية وليست على اسس علمية والله اعلم

سمعت ايام الكلية ان كان عندنا دكتور فى سيارات كان شغال فى bmw وعاش فترة طويلة فى المانيا وكان من ضمن فريق تصميم الفئة السابعة (الله اعلم العهدة على الراوى)

اقتباس:

---

المشاركة الأصلية كتبت بواسطة eng\ahmed

انا اعرف مهندس مصرى كان شغال فى ايرباص وكان مكتوب فى الجرنان على واحد مصرى (ديزانر) شغال فى ناسا

---

هو دة ..

دول وصلوا ازاى و عملوا ايه ؟؟

و انا عارف ان مفيش دراسة فى مصر .. بس فى برة

اقتباس:

---

المشاركة الأصلية كتبت بواسطة kareemhisham

هو دة ..

دول وصلوا ازاى و عملوا ايه ؟؟

و انا عارف ان مفيش دراسة فى مصر .. بس فى برة

---

طول مانت فى المستنقع مش هتشم هوا نضيف !!

اقتباس:

---

المشاركة الأصلية كتبت بواسطة eng\ahmed

طول مانت فى المستنقع مش هتشم هوا نضيف !!

---

هو المستنقع ده مش ممكن يتنضف ولا استحاله ؟؟؟


يا جماعه اللى عايز يوصل لحاجه هيوصل ولو كانت شبه مستحيله

سؤال ليكم ياجماعه هو عز الدخيله ده بنى مصانعه وشهرته من ايه ؟؟؟

اقتباس:

---

المشاركة الأصلية كتبت بواسطة ENG\AHMED

طول مانت فى المستنقع مش هتشم هوا نضيف !!

---

ماهو حضرتك بتقول على المصريين الشغالين فى ناسا و bmw ..

دول شموا الهوا النضيف ازاى ؟؟ خرجوا من المستنقع ازاى ؟؟:majd(4):