موضوع عايزين نتناقش فيه كلنا .. ( تصميم السيارات )

**kareemhisham** · 21-11-2009 08:55 PM

السلام عليكم ..

دلوقتى يا جماعة انا من فترة بتابع تصميم السيارات بره مصر و الناس هناك عاملة ازاى و ايه المدارس البيتبعوها ..

بس استغربت ان مفيش عرب بيشتغلوا فى المجال دة .. طبعا قصدى فى شركات زاى بورش او فولكس فاجن او ايا كان ..

فخطر فى بالى سؤال .. هل ينفع فى يوم من الايام نلاقى واحد من فريق التصميم فى شركة بورش مصرى ؟؟

هل العنصرية تلعب دور فى هذا الموضوع ؟؟ .. ولا احنا المبنفكرش نحاول ؟؟

طب يا ترى ايه المتطلبات .. و ازاى ممكن الواحد يشتغل هناك ؟؟

طب يكون خريج ايه ؟؟ و هل لو اشتغل فى توكيل هنا فى مصر .. ممكن التوكيل دة يبقا بوابته للعمل فى مقر الشركة الام ؟؟

عايزكم يا جماعة كلكم تشاركوا و اى حد يعرف اى حاجة يقولها ..

**pro_90210** · 22-11-2009 12:14 AM

احنا اصلا معندناش الفكر اللي يخلي واحد مصري مننا يشتغل في تصميم العربيات و حتي لو في حد مصري اشتغل في تصميم العربيات هتظهر عنصريه الاجانب و هياخد منصب صغير في موضوع التصميم

**KHALED AYMAN** · 22-11-2009 12:23 AM

انا بحييك على فتح الموضوع ده ....
انا سالت نفسى السؤال ده كتيييييييير و ملقتش اجابه ليه !!!
انا طول عمرى بحلم انى اشتغل فى مجال السيارات (هحققه ان شاء الله)...
اكيد مش انا الوحيد الى بيحلم بكده و محققش الحلم لحد دلوقتى نتيجه لانه مش عارف يبدا منين !!!!!

**Usama Nagi** · 22-11-2009 12:26 AM

موضوع الدراسة مكلف جدا و متعب و في اماكن تدريس مش كتيرة اوي (معظمها اوربا و امريكا)
و الدراسة بتجمع من الموهبة و الأبداع مع العلم ودي مش متوافرة اوي في العرب (بيحبوا يستسهلوا في التعليم) و المصريين الغاويين صعب انه يوفر فلوس التعليم الغالية علي معظم الشعب
كان في عدد قديم عندي من اخبار السيارات اتكلم عن الموضوع دا

**kareemhisham** · 22-11-2009 12:53 AM

المشاركة الأصلية كتبت بواسطة khaled ayman

انا بحييك على فتح الموضوع ده ....
انا سالت نفسى السؤال ده كتيييييييير و ملقتش اجابه ليه !!!
انا طول عمرى بحلم انى اشتغل فى مجال السيارات (هحققه ان شاء الله)...
اكيد مش انا الوحيد الى بيحلم بكده و محققش الحلم لحد دلوقتى نتيجه لانه مش عارف يبدا منين !!!!!

مانا عشان كدة عملت الموضوع .. اكيد فى ناس كتيييييييييير بتحلم بالموضوع دة و نفسها تعمل حاجة كدة ..

خصوصا ان احنا عندنا فى مصر فنانين كتير و عقول نضيفة .. بس عايزه حد يستغلها

**kareemhisham** · 22-11-2009 12:55 AM

المشاركة الأصلية كتبت بواسطة bluemaneg

موضوع الدراسة مكلف جدا و متعب و في اماكن تدريس مش كتيرة اوي (معظمها اوربا و امريكا)
و الدراسة بتجمع من الموهبة و الأبداع مع العلم ودي مش متوافرة اوي في العرب (بيحبوا يستسهلوا في التعليم) و المصريين الغاويين صعب انه يوفر فلوس التعليم الغالية علي معظم الشعب
كان في عدد قديم عندي من اخبار السيارات اتكلم عن الموضوع دا

طب ياترى التكلفة تبقا عاملة ازاى ؟؟

و التعليم بيبقا فى جامعات عاملة ازاى ؟؟ هل بره مصر بس ؟؟ ولا فى فى مصر ؟؟

**amr.elsayed** · 22-11-2009 03:32 AM

لازم الاول ناخد خطوة فى صناعة السيارات ولو اخدنا الخطوة دى
حتلاقى عقول ومواهب مدفونة فوق ما احنا نتخيل

**A7MED_PHARMA** · 22-11-2009 04:15 AM

انا مش متهيألي ان الموضوع محتاج لدراسه
انا - في اعتقادي - ان موضوع التصميم بيكون بس موهبه وفن وخيـــــــــــــــــال

.
وانا كنت سمعت ان في شركات عامله مسابقات لتصميم السيارات وبتدي عليها جوايز..بس الكلام ده سمعته من واحد صاحبي وهوا بيكركر في القهوه..احتمال يكون كلام مساطيل
والله اعلم

**kareemhisham** · 22-11-2009 03:35 PM

المشاركة الأصلية كتبت بواسطة ringoo

لازم الاول ناخد خطوة فى صناعة السيارات ولو اخدنا الخطوة دى
حتلاقى عقول ومواهب مدفونة فوق ما احنا نتخيل

مانا بتكلم على ان الشباب يسافروا بره .. يروحوا الشركات العالمية و يدربوا و بعد كدة يخشوا الاستوديوهات

المشاركة الأصلية كتبت بواسطة bluemaneg

انا مش عارف التكلفة بالضبط عشان هو عدد قديم شوية و مش عندي حاليا
و مذكروش اي جامعة مصرية هما علي ما افتكر في ايطاليا و انجلترا
و الدراسة في جزء منها لفنون التصميم و المنظور و الحاجات دي و جزء منها ميكانيكا السيارات

الف شكر لمشاركتك :)

الموضوع: موضوع عايزين نتناقش فيه كلنا .. ( تصميم السيارات )

LinkBack

أدوات الموضوع

عرض

موضوع عايزين نتناقش فيه كلنا .. ( تصميم السيارات ) - انشر الموضوع فى :

-

-

-

-

-

-

المواضيع المتشابهه

ماتيجي نتناقش في موضوع البنزين

ياجماعه عايزين كلنا نبارك لفريد

ياجماعه عايزين كلنا نبارك لخالد 2010

لهواة تصميم السيارات (((( مسابقة بيجو لتصميم السيارات 2008 )))

الكلمات الدلالية لهذا الموضوع

المفضلات

المفضلات

ضوابط المشاركة