الموضوع: إكتشفت إنى بحب مصر جدا

السلام عليكم ورحمة الله وبركاتة

مش هخبى عليكم يا جماعة انا من الناس اللى اتأثرت جدا بالموضوع محل الجدال الحالى وهو مباراة مصر والجزائر واللى حصل فيها

انا عارفة ان ناس كتير هتقوللى عروبة اية والكلام دة بس بجد مش متخيلة ان فى يوم وليلة ممكن نكره بعض بالطريقة دى

نفسى الطاقة اللى جوانا دى توجة لشئ تانى شئ فعال شئ ايجابى مش شحن للكراهية بالشكل دة

عن نفسى اكتشفت شئ مهم جدا خلال الايام اللى فاتت دى انى بحب مصر جدا على الرغم من كثرة السلبيات اللى شعبنا عايش فيها وحسيت بدة فى كتير من المصريين , بجد أتمنى إن ما دام الطاقة الكبيرة دى موجودة فينا وهى الوحدة إننا نستفاد من التجربة دى ونغير فى نفسنا ونغير فى البلد للأحسن
ويمكن اللى حصل دة يخلينا نحس إن فى أمل فى التغيير تغيير حالنا للأفضل

أسفة لو كان الكلام فى شئ من عدم الترتيب بس أنا مبعرفش أكتب موضوعات أنا كتبت اللى حسيت بية

وعلى فكرة انا كنت داخلة أضيف مقطع للشيخ محمد حسان عجبنى كنت سمعتة على اليوتيوب ولقيت نفسى بكتب الكلام اللى حضراتكم قريتوة دة

وإذا سمحتولى أضيف المقطع اللى انا سمعتة واللى كنت أصلا عاملة الموضوع علشانة

وجزاكم الله خيرا
وكل عام وحضراتكم بخير


[youtube]http://www.youtube.com/watch?v=648B4n508Lg[/youtube]

جزاكم الله خيرا