عفوا ونحب نستفيد من تجارب البعض
وسبب طرحي لهذا الموضوع هو انى تعرضت لهذا الموقف مرتين وكدت ان افعل حادث بسبب النعاس أثناء القيادة
عرض للطباعة
انا اول ما اقعد قصاد الدركسيون بيجيلى حاله فوقان عجيبه , بس فى المقابل قله النوم بتعمل صداع قاتل طول الطريق بس ده بتغلب عليه بمسكنات وبتأثر فى اقل حاجه لأنى بستعملها كل سنه مره
ولو مسافر لازم اكون مجهز نفسى ونايم قبلها او على الاقل يكون معاى حد بيسوق ابدل معاه
فعلا النوم و الواحد سايق خطر جدا جدا..
انا مره كنت مسافر و طول الطريق راسى عماله يمين فى شمال ...
و لا اكنى سكران...
مره واحده صحيت لقيت نفسى داخل فى طلعه كوبرى ..
يعنى لما منى طالع الكوبرى ولا نازل من تحته انا داخل فى الخرسانه الى فى النص ...!!!
لحقت نفسى و ربنا ستر ...
الحمد لله
انا لو بنام اول لما اركب العربية اصحصح
ومبعرفش انام اصلاً فى العربية
بغسل دماغى بشوية مية متلجة
ومش بنشف دماغى
وطبعا الكاسيت عالى
وفاتح الزجاج
وبلاش الاكل كتير قبل السواقة مسافات طويلة
انا الحمد لله ابعد ما يكون عن النوم فى وسائل المواصلات عموما
فمابالك ونا اللى سايق ؟؟
اينعم اوقات باجى اسوق بكون تعبان وميت بس بمجرد ما امسك الدركسيون بفووق اوتوماتك كده
بس مش بحس بالتعب غير لما بانزل بقى و بابقى هموت و انام
شكرا ع الموضوع يا دك محمود :)
شكرا جدا علي الموضوع
انا بحب السفر بالليل جدا اصلي بحب اشم هوا الليل والفجر بيبقي نضيف ومابنامش خالص في اي عربية حتي لو مش انا اللي سايق
انا مره كنت سايق علي الصحراوي وكنت مشغل اغاني وبعد شوية جات اغنية sway وهي شغالة كنت في سابع نومة وانا اللي سايق و محدش معايا وكنت سايق علي 150 واول ما فتحت عيني اترعبت من المنظر وهو اني مابين لوري وميكروباص وبعد الخضة ده ركنت علي جمب وشفتلي اي حته متدارية :whtauwant::rfds:
بس ورجعت وكنت عامل حسابي في moro اللي بالقهوة وقمت مشغل بقي شوية michael jackson ومعلي الكاسيت وجرييييييت بس كل لما تيجي اغنية هادية اغيرها بسرعة
انا بعتقد ان الطرق عليها عامل يعنى الطرق المزدحمة زى الزراعى فى حركة متنمش اما طريق السويس فلعنة ينيم اللى ماينمش