هابعد نفسي عنه واديلو كلاكسات ونور
عرض للطباعة
انا بجيب واحدة كولا و زجاجة مياه و كل كام كيلو كده اشربلي شوية لحد موصل
موضوع مهم للغايه
كنت راجع من اسكندريه "صحراوي بعد يوم عمل شاق لاقيت نفسي تقريبا نايم
فضلت اصحصح فى نفسي لحد ما وصلت لواحة عمر و قفلت الزجاج و السياره من الداخل و سبت حته صغيره جدا فى الزجاج للنفس و ظبطت المنبه على نص ساع و الحمد لله وصلت بالسلامه
اه عندي معلومه عارف ان الناس هاتستغرب منها و محدش بياخد باله منها
اوعى تغسل وشك بميه ساقعه "فى الشتاء" و انت سايق لان الغفوه اللى بتحصل بعدها بتكون فعلا ثقيله
"السبب ان جسمك بيطلع حراره لوجهك علشان يعادل البروده اللى حصلت له و دا بيخلى وشك يدفى اكتر فا عنيك بتسترخي اكتر و بتنااااااااام"
كلنا نسينا حاجة مهمة .....
دعاء الركوب والسفر
أرجو تقييم الموضوع
ياريت نشوف أيضا وجهة نظر سواقين التريلات اللى بيسافروا على طول على الخط بالأيام والليالى ,
طبعا بيظبطوا دماغ عالية أكيد عشان موضوع النوم ده
طيب ايه رأيكم فى واحد نام و ابتدى يحلم و هو سايق هههههههه
كنت سايق مره على الصحراوى و كبس على النوم بشده مع ان الساعه كانت 11 بالليل و ده مش معاد نومى!!!
نمت و حلمت بس ملحقتش اكمل الحلم و صحيت لقيتنى كابس على العربيه اللى قدامى و كنت هخبطها بس ربنا ستر و لحقت نفسى
ربنا يسترها معانا يا رب و كل سنه و انتم طيبين :))
لا انا دايما لما بسوق مشوار واكون مرهق وعايز انام مجرد ما ارجع البيت انام افضل احلم بحوادث لحد ما اصحى
اخر مره عملتها كنت عمال احلم ان العربيه بتعوم منى ومش عارف المها ودخلت فى عمود اعلان , تانى حلم انى لبست وش فى وش فى المقابل وانا بتخطى اللى قدامى , تالت حلم انى دوست التباع فى الجراج وانا بركن وكل ده فى نومه واحده :) من يومها مبحاولش اطبق يومين سواقه تانى